Te Israel me Juda Hani Sigo Tuni Bidigo Po Elalubo Buku Deli 4:30 - Godigo dwagi yai po buku

³⁰ Te agai wiegi yai homu me te koneani kolesagago te giliga pedalu badu tede bidali koneani bidigo kolesaga, me te Isip bidi dabego kolesaga koneani bidi dabe me, te agai aiyaba mu elaluai dao.

Te Israel me Juda Hani Sigo Tuni Bidigo Po Elalubo Buku Deli 4:30 Referans Kwoze

Godigo Sęba Tagala Palai Bidigo Po 7:22

Tama nosali Isip bidi dabego ebo kolesaga page augwaligo Mosesbolo ola mani. Moses genuai yali, agai sę dabe, po dabe bomai po mu augwalibolo manio,” Stivengo te po wai.

Tigidali Nai Gagalama Nigali Side 25:6

Tiali goli, aga bidibo sogo digi, te agai doado bage meba te aga gasa wego wai puluba augwaliba olo mani. Tama agai augwali te giliga pedalubo pedai badu tagala palama, te aga ogwa Aisak bidibo digi te augwali digibulu bidigi pomainu yali. Tama augwali pelama, te giliga pedalubo bulu te badu bidigi pai dao.

Daniel 1:20

Kingo augwaliba te tobage hauwa naide po hanalu obadi, te agai te tiwai suali, te augwaligo koneani kolesagago te tigidali aga tonalubo tǫ pedaide bidali kolesaga koneani bidi dabe aiyaba mu elaluai suali. Te kolesaga koneani bidi dabego kolesaga dali, te Juda me si me si bidigo koneani kolesaga dali usu mu isiąbo ąǫ isąwai dao.

Matyu 2:16

Tialima te genuai gavman tuni bidi Herotgo koneama, te giliga pedalobo badu asali po page koneai bidi augwaligo agai wali po tudiba munama, tama gasa tųdu geme pai homu yali, tialima aga sębę mu yai. Tama agai enesigi bidi dabe tagala paliyu, augwalibolo te po wai, “Dagego te Betlehem bulude me te pąde elalubo bulude me tede bidibo ogwa wai dabe te kibu be si yabo tomode augwali tigidali ela muao,” te po wali. Agai te po page koneai bidi augwalibolo te hǫ hasia pedelali sogode hanalu badi, tama augwaligo aga dali te wali po homugo ma koneama, agai kibu be si weyu tama tiwai dao.

Matyu 2:1

Te Mariago Jisas te Betlehem bulude ame nani, te Judia tǫde. Tama te sogo te moni gavman tuni bidi nogi Herot aga bidali. Tama Mariago te wai Jisas ame nai digi, tama nosali te sia ge pedalobo badu bidali po page koneai bidi dabe augwali meba te Jerusalem moni hanuba sabolali. Tama augwali te dagalu hǫde haniani po page mu koneai dao. Tama augwali Jerusalem hanuba sabolama, tama augwaligo te po wai,

Jopgo Po Asęani Elalubo Buku 1:3

Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.

Daniel 4:7

Tama te tobage po page koneai bidi dabe dali, te pobi wabo bage dali, te tama bidi dabe tigidali asalio. Eno augwaliba te na yali po walali, tiali goli augwaligo te na yali po page pusabo usu meni yai dao.

Tigidali Nai Gagalama Nigali Side 29:1

Tialima, Jekop te sunumidu palio. Aga pelama, pelama, tama nosali te giliga pedalubo badu bidali bidi hani dabe bidalubo pedai badu sabolai.

Te Israel Tobolu Bidi Dabe 6:33

Megi da, te Midian dabe me, te Amalek dabe me, tama te olo kemi tǫ bulude bidibo bidi dabe me, augwali sisinai elaluali. Augwaligo te wę Jordan nogelama, tama te Jesril tǫ malu odogo bulude te osogo bidibo pesage nigilama bidai.

Te Israel me Juda Hani Sigo Tuni Bidigo Po Elalubo Buku Deli 10:23

King Solomongo te gasa bulu tǫ pedai king dabe te doado bagego, me monego, me te koneani wiegi yai homu kolesagago te augwali gasa bulu king dabe te aiyaba mu elaluai dao.

Kolesaga Koneai Bidigo Pusali Po Elalubo Buku 1:16

Eno te tama homu yali, eno te genuai homu kolesaga mu koneani, tama te polobadu Jerusalemde king bidali bidi dabego koneani homu kolesaga tigidali aiyaba elaluali. Eno wiegi yai homu kolesaga mu koneai dao.

Esekiel 25:4

Tialima, eno te bidi hani me deli te giliga asobo badu asomainu ilama, te augwaligo dage dali boi hwįagaselama, te dagego tǫ saibao. Te augwaligo sel ugwa be dabe te dagego tǫde sę elama, tede bidaibao. Te augwaligo nai dagego tǫde sela tuyu, te dagego bulmakau ame pę dabe sela tuyu yaibao.