Te Israel me Juda Hani Sigo Tuni Bidigo Po Elalubo Buku Deli 4:22 - Godigo dwagi yai po buku

²² Tigidali sogode Solomongo te tiwai nai sali, 6,000 kilogram plaua, me 3,000 kilogram te wiegi yai plaua,

Te Israel me Juda Hani Sigo Tuni Bidigo Po Elalubo Buku Deli 4:22 Referans Kwoze

Te Israel me Juda Hani Sigo Tuni Bidigo Po Elalubo Buku Deli 4:21

Solomon te tigidali tǫ pedai te wę Yufretisdu gagalasa, te giliga pedaluboba usu nama, tama te giliga dega sigilubo te Filistia dabego tǫ pedaiba usu nigi pelama, te tigidali tǫ tomode te king bidali. Tama te Isip tǫ te saut badu dąį igi pali. Te bulu tǫ pedai bidi dabego te Solomonba takis mone mayu, tama augwali te aga dologode bidada pali te aga isibo sogoba usu nai dao.

Te Israel me Juda Hani Sigo Tuni Bidigo Po Elalubo Buku Deli 4:23

me te bidi sese deli te 20 bulmakau, me te nogo si nisai bulmakau, te augwa bugagia negali bulmakau kibu dabe me, te bidi sese a naga te 100 sipsip me, tama te buside elalubo te haniani hasa dia me te nisali kakaruk dabe, te tama nai dabe te deli deli sogo sai dao.

Nehemia 5:18

Eno te tiwai po te nai ulubo bidi dabebolo wai, te tigidali nai ulubo sogo augwaligo te bulmakau omai me deli elama ulali, tama te wiegi yai sipsip te a naga olama, me nogo deli uluyu yai, tama te ba kakaruk te hauwa te we bidi dabego tumainu ulali. Tama te nogo si nogo si side te nai ulubo bidi dabego te we bidi dabego tuabo wain wę hauwa mu siąo wali. Te Juda we bidide genuai sęgę elalubo eno koneani, tama tiyu, te kingo enabolo te nai abelabo mone te we bidide sao po obaso, te eno me sabeo. Menio. Eno te nai ena monego digi abelali.

1 Samuel 8:12

Tama agai te bidi meba te 1,000 ami bidigo kepten polalubo bidi, me te 50 ami bidigo polalubo bidi tama nigilaibao. Tama agai te dagego wai mebago te agai gi bulabo tǫ elimainu eyu, tama mebago te agai gide inayu tau yali nai saibao. Tama mebago te hwįabo ene nigaibao, tama agai karisde peyu, hwįabo nai dabe me nigaibao.

Te Israel me Juda Hani Sigo Tuni Bidigo Po Elalubo Buku Deli 5:11

Tama te tigidali kibu bede Solomongo Hiramba te 2,000 ton wit me 4,000 lita te wiegi yai oliv wel madu geani, te Hiram dali te aga hani daligo tuabo nai te tiwai toloyu yai dao.

Te Israel me Juda Hani Sigo Tuni Bidigo Po Elalubo Buku Deli 10:5

Tama kwingo te wiegi yai nai hauwa te tigidali sogo Solomongo sabo suali, te agai ofisa dabe te Solomon dali deliba dualama nai tubo me suali. Tama agai te kingo sę bidi dabe me, te gasa sawi yai ugwa te augwa mubo suyu, te agai te wain wę dobabo bidi dabe me suali. Tama agai Solomongo te Genuai Bidigo tempel beba sela pabo kibu dabe me, te tigidali siaba ulama domainu ofa ebo me suai. Agai te wiegi yai nai dabe tigidali sulama, tama aga midigi mu elama, te aga po mu wabeo.

Tuni Bidi Dabego Po Elalubo Buku Si 9:4

Tama kwingo Solomongo wiegi yai tubo nai dabe tigidali be posobo sogo tubo suali. Tama me agai suali, ofisa bidi dabe Solomon dali dualama, Solomon dali nai tubo suali. Tama agai kingo sę bidi dabe suyu, me augwaligo gudubo au doado bage dabe me agai suali. Tama me agai te wain ąį dobabo bidi dabe me augwaligo mubo au doado bage dabe me suali. Tama me agai te Solomon agai hani dali augwali Genuai Bidigo tempel be ugwa holiyu ebo wiegi yai kolesaga ebo me agai suali. Agai te wiegi yai sę dabe ebo sulama, tama aga noma guda pelama, tama aga po menia sali.

Bugagia Bidibo Kolesagade Po Asęai Buku 24:4

Te tobage bidigo te wiegi yai gasa bomai nai dabe te abelama, tama aga beba muaibao. (21)

Kolesaga Koneai Bidigo Pusali Po Elalubo Buku 5:11

Te bidigo sabo mone ugaba holobaso da, teda te abagi hauwa asudu gebo sę elama, aga dali bidagasaibao. Tialima, te bidigo aga mone dabe elalubo suali, tiali goli agai aga doado bage abela usu meni yaibao.

Daniel 1:5

Tama kingo te tiwai po me wali, te tigidali side augwaligo te kingo bede nai sabo bidi dabego ebo kolesaga tiwai eyu, te nai me wain wę tumainu yaibao wali. Augwali te skul sabo te kibu be selade waibao, tama nosali augwali te kingo sę bidi pedelaibao, wai dao.