Te Israel me Juda Hani Sigo Tuni Bidigo Po Elalubo Buku Deli 4:19 - Godigo dwagi yai po buku

¹⁹ Geber, te Urigo ogwago, te Gileat bulu tǫ pedai tonaluali. Polobadu te bulu tǫ te king Sihon te Amor dabe, me te king Ok te Basan bulu tǫ pedai, te king bidi sigo tǫ elaluali. Te tigidali bulu tǫ pedaide te polalubo kiap dabe tonalubo ofisa bidi me deli elaluai dao.

Te Israel me Juda Hani Sigo Tuni Bidigo Po Elalubo Buku Deli 4:19 Referans Kwoze

Bomai Po 2:26

Tama Mosesgo po geninama weyu, te po wali, “Tialima, da te bulu Kedemot kemi sanede bidali sogo, eno te Hesbon tuni bidi Sihonbolo wiegi yai po sela pabo bidi tagala palali.

Bomai Po 3:8

“Tama tialima, dago te tuni bidi sigo tǫ dago sai dao, te Amor dabego tuni bidigo tǫ, te Sihon me Ok si. Te tǫ te wę Jordan te giliga asobo badu elalubao. Tama te wę Arnondu gagalama, tama pelama, te bulu du Hermon te sautba sabolama, tama te notba saboligi pali.

Josua 12:1

Te Moses isisąbadi, te sogo te Israel dabe augwaligo te boi bidi dabe tigidali tǫde aiyaba elaluama, tama augwaligo te tigidali bulu te Jordan wę pąde te sia ge pedalubo badu te bulu dabe sai. Te tǫ te malu bulu te Arnonde gagalasa, tama pelama, te Jordan tǫ malu dąį igi pelama, tama te Hermon bulu duba usu nigi pai. Hasia bolo te Israel dabego hwįnama, te tuni bidi si aiyaba elaluai. Te augwali si nogi e dao: Sihon, me Ok.

Josua 12:6

Moses dali te Israel dabe augwaligo te boi hwįnama, te tuni bidi si aiyaba elaluai, polobadu. Tama Moses, te Genuai Bidigo sę bidigo, te augwa si tǫ te Rubengo hanibolo mobadi, te Gatgo hani me, te Manasego hani me badubolo mobadi yali.