Te Israel me Juda Hani Sigo Tuni Bidigo Po Elalubo Buku Deli 4:13 - Godigo dwagi yai po buku

¹³ Bengebergo te Gileat tǫde te Ramot hanu tonaluai, tama agai te Jair dabego bulu tǫ dabe me tonaluali, te bidi te Manasego hani bidi dao. Te bulu dabe me te Gileat tǫde elaluali. Tama agai te bulu badu te Argop, te Basango tǫ pedai badu me tonaluali. Te badu te genuai hanu te bidi sese sela, te 60 genuai hanu elaluali, tama te hanu dabede te bomai masigi obo me te bomai sunumi te elaluali. Augwa te sunumi dabe palibo nai augwa te brasgo te bomai nai bago te sunumi nigai elaluai.

Te Israel me Juda Hani Sigo Tuni Bidigo Po Elalubo Buku Deli 4:13 Referans Kwoze

Bomai Po 3:4

Tama te sogo dago agai hanu dabe sese dago selama, tama deli me tagalai menio. Mu menio. Dago te bulu Argopde dago te 60 hanu mu sese tama sai dao. Te da, te tuni bidi Okgo bulu tiai dao. Ok aga te genuai hanu Basande bidiyu, tama te bulu me hanu tonaluai dao.

Israel Hanigo Namba 32:41

Tama bidi me nogi Jair, te Manase hani bidi, aga hani selama, tama gasa bulu mebaba pelama, hwįgi pali, tama te bulu selama, tama te bulu nogi te tama poali, “Te Jairgo Bulu Dabe Dao,” po wali.

Te Israel me Juda Hani Sigo Tuni Bidigo Po Elalubo Buku Deli 22:3

Tama Ahapgo te Israel ami polalubo ofisa bidi dabe augwaliba te tama po wali, “Dagego koneani, te Gileat tǫ pedaide te Ramot taun te dago taun elaluai, tiali goli te Siria dabego sali. Te magi baso dago dena te taun te Siria dabe kingo nogode ma sabo sę me deli ebe dawe?” wali.

Godigo Nogi Ugwaba Sabo Tęąbi Po Wabo Buku Dabe 68:15

Te Basango bulu du te moni bage mu dao. Aga te sau pado hauwa mu elalubao.

Godigo Nogi Ugwaba Sabo Tęąbi Po Wabo Buku Dabe 22:12

Te boi bidi hauwago ena te bulmakau dabe pobeasa bilibo tiwai ebao. Augwali te Basan bulude omai bulmakau dabego bomo tiwai gilama ebo dao.

Te Israel me Juda Hani Sigo Tuni Bidigo Po Elalubo Buku Si 9:14

Jehu te Ramot hanude bidiyu, tama te aga sę ebo gavman ofisa bidi dabe dali po minama, te po dąų walu, te po wai, “King Joram elama, isilaibao,” wali. “Tama te aga bidali pesagede ena king nigilama bidaibao,” wali. Tiali goli, Joram te Jesril hanude me bidali. Magi basowe, aga te Israel hanigo te Siria hanigo king Hasael dali hwįani sogo, Joram aga me tama te ene dolai gasi munalu bidai, tama aga te gasi sana pesiąbadi. Tama tialima, Jehu aga sę ebo gavman ofisa bidi dabe augwali dali e tama po wali, “Tialima, dagego ena dali deli homu eyu da, awe, teda dage bugagia tonaluao, tama bidi me deligo te Ramot hanu tagalama, tama te Jesril hanuba pelama, tama te dena homugo ede yabo sę po te Jesril hanuba pusigi pigio,” wali.

Te Israel me Juda Hani Sigo Tuni Bidigo Po Elalubo Buku Si 9:1

Te king Joram aga te Jesril hanude bidibo sogo, te Godigo po pusa mabo profet bidi Elisago te gasa ogwa bidi profet bidi me deli i olama, aga pageba asai, tama agabolo e tama tiwai po wai, “Naga name ugwa bugagia gudama, tama nage e dwasianu botol te oliv wel yai nai sao,” wali. “Tama nage hodolama, te Ramot hanuba, te Gileat tǫ, te moni hanuba pao,” wali.

Josua 21:38

Te Gatgo hani augwaligo hanu me si me si te tigidali augwali mani, Ramot te Gileat pedai badu, te hanu da te bidi elali bidi dabe geme dula sigi pabo hanu me deli dao, tama me Mahanaim,

Josua 20:8

Te Jordan wę u badu, te giliga pedalubo badu, te Jeriko te masigi kemi tǫ badu dąį ilali, augwaligo te Rubengo tǫde te Beser hanu tǫ dąį ilali, tama me te Ramot hanu te Gileat bulu te Gatgo tǫ badu, tama me te Golan hanu te Basan bulu tomode, te Manasego tǫ badu elaluai.

Bomai Po 4:43

Te hanu sela te e tama dao. Te hanu me te Beser, te da te Ruben hanigo duala sabo hanu dao. Te da te bulu dude elalubo. Me da, te Ramot dao, te Gileat tǫ dage badu. Te da, te Gat hanigo duala sabo hanu dao. Tama me da, te Golan dao. Te da, te Basan tǫ dage badu. Te da, te Manase hanigo duala siyu yabo hanu dao.

Bomai Po 3:8

“Tama tialima, dago te tuni bidi sigo tǫ dago sai dao, te Amor dabego tuni bidigo tǫ, te Sihon me Ok si. Te tǫ te wę Jordan te giliga asobo badu elalubao. Tama te wę Arnondu gagalama, tama pelama, te bulu du Hermon te sautba sabolama, tama te notba saboligi pali.

Bomai Po 3:10

Dago te malu bulude elaluali bulu dabe dago sai dao. Tama dago te Gileat tǫ dabe, me Basan tǫ, me te hanu si Saleka me Edrei hanu tǫ me, sese tama dago salio. Te tǫ dabe sese te tuni bidi Okgo tǫ dago sese tama sai dao,” Mosesgo te po wali.

Tuni Bidi Dabego Po Elalubo Buku Deli 2:23

Tialima te Gesur me Siria te hani dabego te boi hwįagaselama, te Jairgo taun dabe sobadi te taun Kenat dali te aga pąde elaluali taun dabe me salio. Augwaligo te 60 taun dabe salio. Te badu we bidi dabe augwali te Makirgo bulali wąį nǫų dabe da, te Gileatgo aya dao.