Te Israel me Juda Hani Sigo Tuni Bidigo Po Elalubo Buku Deli 4:12 - Godigo dwagi yai po buku

¹² Bana, te Ahilutgo ogwa, agai te Tanak hanu me, Megido hanu me, tama te Betsande elalubo tigidali bulu tǫ te tonaluali. Te tǫ te Saretan hanu pąde elaluali, te saut pedai badu te Jesril hanu badu elaluali. Te bulu tǫ pedaigo dąį pali, te hanu Abel Mehola te giliga pedalubo badu usu nigi pelama, tama te hanu Jokmeam te giliga dega sigulubo madiba te dąį sabolalio.

Te Israel me Juda Hani Sigo Tuni Bidigo Po Elalubo Buku Deli 4:12 Referans Kwoze

Josua 17:11

Te Isakar de Aser Israel hani sigo tǫ tomode te Manasego te hanu Betsan dali Ipleam dali si, me te pąde elalubo bulu dabe dali sobadi yali, tama Dor hanu te nabis ąį sane badu elaluali, tama Endor, me Tanak, me Megido, te pąde elaluali bulu dabe dali sai.

Te Israel me Juda Hani Sigo Tuni Bidigo Po Elalubo Buku Deli 19:16

Tama nago te Jehu me dąį ilao, te Nimsigo hani, te Israel king pedalumainao. Tama nago te Elisa me dąį ilao, te Safatgo ogwa, te taun Abel Mehola bidi da, te nage bidali pesage selama, te eno po pusabo profet bidi pedalumainogo yao.

Te Israel Tobolu Bidi Dabe 5:19

“Te Israel isąwai gavman tuni bidi dabe aselama, te Tanakde hwįani, te Megido wę pąde hwįani. Te Kenan tuni bidi dabego Israel dali hwįagasali, tiali goli augwaligo te silva dabe me sela pabeo.

Josua 3:16

te wę togoyu, mu dąų olama, tama te wę ma soabeo. Te wę ugwadu te bobobage bulu du tiwai gilama, te bulu Adamba usu nigi pelama, te wę pesage holai tiwai elaluai, te Saretan hanu me deli pąde yali. Tama te sigi ąį Det Si teba dulubo wę te tigidali sula sai elaluai. Tama te we bidi augwali te wę tomodu pelama, te Jeriko hanu pąba u badu sabolai.

Tuni Bidi Dabego Po Elalubo Buku Deli 6:68

me Jokmeam, me Bethoron,

Te Israel me Juda Hani Sigo Tuni Bidigo Po Elalubo Buku Deli 18:46

Tama Genuai Bidigo bomo Elaijaba pedelai. Te Elaija aga name ugwa bugagia dąų olama, te Ahapgo karis pabodu aga polasa uda yali. Aga te tiwai udada pidubadi, augwali si te Jesrilba sabolali.

Te Israel me Juda Hani Sigo Tuni Bidigo Po Elalubo Buku Deli 7:46

King Solomongo te Hurambolo po weyu, te nai dabe te Jordan wę odogo bulu, te hanu Sukot me te hanu Saretan si tomode nigao po wali. Tede te tobage sę yabo wiegi yai mama yai tǫ elaluai.

1 Samuel 31:12

Tama tialima, te Jabes taun bulu bidi dabe te bomai bidi dabe te hulide pelama, tama te Betsan taunba sabolali. Tama augwali te taun bagulali masigi obo elaluboba pelama, tama te Solgo tigi me, te aga ogomanigo tigi dali selama, tama te Jabesba tolasa aselama, tama te tigi dabe siaba ulali.

1 Samuel 31:10

Tama augwaligo te Solgo tigide muani te hwįbo doado bage te tibo god we Astartego te lotu beba muani. Tama augwaligo te Solgo tigi me, te aga ogomanigo tigi me, te Betsan taun buluba sela pelama, tama te taun bagulali masigi obode daganama enai.

Te Israel Tobolu Bidi Dabe 7:22

Tama te 300 bidi dabego te biugel bu wabo te sogo, Genuai Bidigo te Midian dabe esela pabo bidi tiwai ilama, tama augwa abagi dabe ma te bainatgo elali. Tama augwali wi peyu, te Betsita te Serera tǫ pedai badu palio. Tama augwali wi pelama, usu nigi pali bulu te Tabat pąde, te Abel Mehola buluba wi pai.

Josua 12:22

Kedes, Jokneam te moni tǫ pedai Karmelde elaluai,

1 Samuel 18:19

Tiali goli, Solgo bomo elama, Devitgo te Merap somainu eyu, tama agai te wegi somainogo ebo bodolu muani. Tiali goli, te we sabo bodolu muani sogo, Solgo aga te Devitba magasobeo. Menio. Agai te Merap gasa bidiba mani, te bidi aga nogi Adriel, te Mehola taun bidi dao.