Te Israel me Juda Hani Sigo Tuni Bidigo Po Elalubo Buku Deli 3:4 - Godigo dwagi yai po buku

⁴ Gibeon te lotu wabo polalubo pesage tama, tama tibaso me sogo deli Solomon te Gibeonba pelama, ofa igi pai. Solomongo te bidi sese hauwa umabo, te 1,000 omai kau kibu dabe odasa pelama, tama te siago tigidali domainu ulubo ofa te Gibeon altade te ofa yai.

Te Israel me Juda Hani Sigo Tuni Bidigo Po Elalubo Buku Deli 3:4 Referans Kwoze

Tuni Bidi Dabego Po Elalubo Buku Si 7:5

King Solomongo te omai kau kibu te 22,000 sesiyu, me 120,000 sipsip kibu sesiyu elama ofa yali. King aga we bidi dabe dali augwaligo te ofa yali te be te Godigo be dolo mu dao olama sa muyu, te ofa yali.

Tuni Bidi Dabego Po Elalubo Buku Si 1:3

Tama nosali augwali sese tama aga dali te lotu wabo pesage te hanu Gibeonba pali. Magi baso meni. Godigo ugwa be te hanude elalubaso. Te haus sel te polobadu Moses, te Genuai Bidi aga sę bidigo, sę yani te sel ugwa be dao, te nai meni yai wa pai bulude sę yani sel ugwa be.

Tuni Bidi Dabego Po Elalubo Buku Deli 16:39

Tama Devitgo te pris Sadok aga ama dali dąį ilali, te gasa pris dabe, te Gibeon taunde elalubo sel ugwa bede lotu wabo sę tonalumainu yalio.

Tuni Bidi Dabego Po Elalubo Buku Deli 21:29

Te sogo, te Genuai Bidigo sel ugwa be me te agaba ofa ebo alta dabe, te lotu wabo pesage mu te Gibeon taunde elaluali. Polobadu Mosesgo te sel ugwa be sę yani te Israel dabe augwali te tǫ wa pai bulude bidali sogo te tobage be sę yai dao.

Aisaia 40:16

Te we bidi dabego te tigidali kibu hasa elali, me te Lebanon genuai ni silide te tigidali ni togolama, te augwaligo genuai sia nogolama, te kibu hasa tigidali te ofa tiwai eyu, te siago tigidali domainu igi da, te tagalao, augwaligo te ofa te God gedude olo nai tiwai igi dao.

Josua 9:3

Tama te Gibeon bulu bidi dabego me te Josuago te Jeriko de Ai hanu side yali sę po odama,

Tuni Bidi Dabego Po Elalubo Buku Si 30:24

Tama king Hesekiago 1,000 kau kibu omai mayu, me 7,000 sipsip kibu mayu, me aga ofisa dabego 1,000 kau kibu omai me 10,000 sipsip kibu te we bidibolo augwali ofa emainu mani. Tama te sogo pris bidi dabe hauwa augwaligo augwa digi Godigo gedude wiegi yai pedalobo kolesaga yali.

Te Israel me Juda Hani Sigo Tuni Bidigo Po Elalubo Buku Deli 8:63

Solomongo te bidi sese umabo te 22,000 bulmakau omai, me te bidi sese umabo te 120,000 sipsip dali meme dali sela aselama, tama te God dali deli homu pedalubo ofa yali. Te kolesagade, te king dali, te tigidali Israelgo me te tempel be te Genuai Bidigo be mu da weyu, te sa muyu, te tama sę pedelali.

Josua 10:2

Tibaso, aga de te Jerusalem hanude bidali we bidi dabe dali, augwali si wi dwai mu yai, magi baso meni, te Gibeon hanu te genuai hanu elaluali, te gasa genuai tuni bidi elalubo hanu gagawai elaluai. Te genuai hanu digi mu te Ai hanu te aiyaba elaluai elaluali, tama tigidali bidi te hwįbo bomai bidi naga bidai. Tama tibaso, te Jerusalem bidi dabe te augwalide wi umabo mu yalio.

Te Israel me Juda Hani Sigo Tuni Bidigo Po Elalubo Buku Deli 9:2

Tama nosali Genuai Bidi agaba te nade ma pedelali, te polobadu Genuai Bidi te Gibeonde pedelali tiwai gilama yali.

Josua 18:21

Te Benjamingo hanu dabe te e tama elaluali, Jeriko, Bethokla, Emek Kesis,

1 Samuel 13:9

Tama tialima, Solgo augwaliba te po wai, “Te siago tigidali domainu ulubo ofa, me te deli haliga ilibo ofa yabo nai dabe selama, te enaba sesao,” wai. Tialima, augwaligo sela asobaso, tama agai selama, tama te siago tigidali domainu ebo ofa yalio.

Te Israel me Juda Hani Sigo Tuni Bidigo Po Elalubo Buku Deli 8:4

Tama te meba pris me Livai dabe daligo te Genuai Bidigo ugwa lotu be, me te Godigo nai da weyu sa muani te ugwa bede muani doado bage me selama, tama te Genuai Bidigo tempel be pąba selasa pali.

Jeremaia 28:1

Te kibu be me si me si wabo te Sedekaia te Juda king bidali, tama te kibu be te polua a naga wabode, te taun Gibeon bidi me deli, aga te profet Hanania, te Asurgo ogwa, aga te Genuai Bidigo beba asama, tama po me deli te Jeremaiabolo me, te pris dabeba me te we bidi dabego gedude pusalio. Agai te tiwai tama po wai,

Tuni Bidi Dabego Po Elalubo Buku Si 1:2

Tialima Solomongo te tigidali ofisa dabe i wali, augwali mebago te 1,000 bidi dabe tonaluali, mebago 100 bidi dabe tonaluali, agai augwali i wali. Me te po tų odobo jas bidi dabe me, te Israel dabego augwa hanide genuai bidi dabe me i wali. Tama me te deli ayago togali hanigo tobolu bidi dabe i wali. Tama te bidi dabe augwali te Israel we bidi dabe dali sisinagasali, tama Solomongo augwali dali po pusali.