Te Israel me Juda Hani Sigo Tuni Bidigo Po Elalubo Buku Deli 3:3 - Godigo dwagi yai po buku

³ Solomongo te Genuai Bidi godolo mu elama, tama agai te wiegi yai kolesaga dabe wali pali, te aga aya Devitgo kolesaga tiwai yali, te agabolo te tiwai tama yao po wali. Tiali goli, agai me te kibu dabe elama, tama te lotu wabo pesagede te Genuai Bidiba ofa eyu yai, te bulu du bage dabede tama iduai.

Te Israel me Juda Hani Sigo Tuni Bidigo Po Elalubo Buku Deli 3:3 Referans Kwoze

1 Korin 8:3

Tiali goli, te bidi me deligo aga God dali dwagi yai homu eyu godolo ebaso da, teda Godigo koneama, te bidi te Godigo bidi dao.

Godigo Nogi Ugwaba Sabo Tęąbi Po Wabo Buku Dabe 31:23

Te Godigo we bidi dabe, dagego aga wei eyu, godolo mu yao. Agai te aga wali asobo we bidi dabe bugagia tonalubo da. Tiali goli, agai te hagoma ebo we bidi dabeba te dwai dene dolo wei ponobo dao.

Bomai Po 30:16

Megi dagebolo eno po walobao, te dagego God mu godolo elama, tama agai po wali pelama, tama agai godolo ebo kolesaga dabe naga yao. Tama ebaso da, dage genuai we bidi pedalama, tama tigidali sogo dage bugagia mu bidaibao. Tama Genuai Bidi dago God agai dage megi te bidigi painogo ebo bulude dage dali wiegi yai sę mu ilaibao,” Mosesgo te po wali.

Bomai Po 6:5

Dagego God dago Genuai Bidi deli naga godolo mu iyąo. Dagego aga te duga haligade godolo eyu, me dagego homu kolesagade godolo eyu, me dagego bomogo dali mu aga godolo iyąo.

Te Israel me Juda Hani Sigo Tuni Bidigo Po Elalubo Buku Deli 3:14

Tama te nage eno te sa muani te wiegi yai sunumidu peyu, tama nago te bomai po me eno po me wali peyu, te naga aya Devitgo te yali kolesaga tiwai ebaso da, teda eno nage te sesabi elama, te bobage sogo te tǫde bidimainu yaibao,” po wali.

Te Israel me Juda Hani Sigo Tuni Bidigo Po Elalubo Buku Deli 3:6

Solomongo po wei ponoyu, te tama po wai, “Eno aya Devitgo te nage wali mu peyu, tama te wiegi yai doloba pai kolesaga yali, tama tiyu, sesemane sogo nago aga godolo mu elama, tama agaba wiegi yai sę bugagia mu yai. Tama megi me, nago te tiwai sę me idu, tama nago ena, te aga ogwago, te aga hasegelama, tama te king bidimainu ilama bidibo dao.

Bomai Po 30:20

Dagego Genuai Bidi dago God godolo mu elama, tama agai po wali pelama, tama agaba mu homu tigidali sogo kęą peyu yao. Tama tilama da, dage me duga wai puluba dabe me, dage bobobage sogo mu te Genuai Bidigo dago wąį dabebolo mawaibao wali te tǫde dage bugagia mu bidaibao, te Abraham, me Aisak, me Jekopbolo mawaibao olama, po dąų walali tǫde bugagia bidaibao,” Mosesgo te po wali.

Bomai Po 30:6

Tama Genuai Bidi dago God agai dage hauwa mu pedalomainu elama, tama nai dabe hauwa mu elalumainu yaibao, te duga polobadu bidali wąį dabe edelama elalueibao. Tama agai dage me duga wai puluba dabe dage homu kolesaga hasegelama, tama gesi noma bidi ma pedalomainu yaibao. Tama dagego agai po sese wali mu paibao. Tama tiyu, dagego duga homugo sese aga godolo mu yaibao. Tama dage te tǫde tigidali sogo mu bidaibao.

Bomai Po 10:12

Te Mosesgo po geninama weyu, te po wali, “Megi da, dage Israel dage bugagia odiąo, te God dago Genuai Bidigo te dagego yao wabo po odao. Dage tigidali sogo God dologode naga bidiąo, tama agai po tigidali wali piąo. Dagego aga godolo mu yao, tama dagego wiegi yai homu pemene dagego homude, me duga homu kolesagade eyu, tama agai sę iyąo. Te tebo yalawainu igimio, te dagego homugo sese tama te tobage kolesaga iyąo.

Jems 2:5

Eno ama dedeo, eno dagebolo dwagi yai homu eyu, godolo mu ebaso, eno dagebolo te po obao. Bugagia odao. Te tǫde tigidali bidi gedude magi nai meni yai bage, te Godigo te tiwai bidi sa munama, tama augwaligo te Godigo po dąų waligo te augwaligo te homu kolesagade te masigi me walu hauwa munalubo bidi tiwai yaibao. Te polobadu Godigo tama po wai, “Niwai bidi agai homu enaba muyu godolo ebo bidi, te aga eno we bidi bugagia tonalubo madi tomoba asagameo,” te po wai. Tama tiyu, agai te magi nai meni yai bidi augwali sa muyu, augwaligo te Godigo po mu dąų waligo da, te augwali te dąį ilali madi te pesage saibao.

Jems 1:12

Niwai bidi me aga dali te dwai sę yanama sinayu bomo ebadi tama te bidigo dwai sę emainogo te bidi me deligo te dwai sę yao po weyu da, te bidigo te sę isiąma, te bidi aga bomo elama te dwai sę aiyaba elalubaso, te tiwai bidi aga dwagi yai homu eyu bidaibao. Magi baso meni. Agai te dwai sę usu sabo sogo aiyaba elaluama, tama Godigo aga bidabo ula mawaibao. Godigo te po polobadu wai dao, “Niwai bidi agai ena dali dwagi yai homu eyu, godolo mu ebo bidi agabolo te bidabo ula eno mawaibao,” te po wai dao.

Polgo Po Pas Rom Dabeba Asęani 8:28

Tama dago koneani, te augwaligo aga dali dwagi yai homu eyu godolo mu ebo we bidi, te we bidibolo pedalabo sę tigidali te Godigo digi dodolama, tama te sę tigidali te we bidi dabeba pedaluyu augwali tau sabo dao. Te we bidi augwali te Godigo ma saiba po wali we bidi augwali tama agai augwali sa munama i wai dao.

Dwagi Yai Gesi Po Jongo Asęani 14:21

“Bidigo eno bomo yai po selama, bugagia wali pabo da, te bidi agai ena godolo mu eyu ebao. Tama niwai bidigo ena godolo ebo bidi, te eno Ayago me te bidi godolo yaibao. Tama eno me aga dali dwagi yai homu eyu, godolo eyu, ena digi te ena agabolo hania ola mawaibao,” Jisasgo te po wai.

Dwagi Yai Gesi Po Jongo Asęani 14:15

Te Jisasgo te po wai, “Dagego enabolo dwagi yai homu eyu, godolo mu eyu da, teda dagego eno bomo yai po wali paibao.

Matyu 22:37

Tama Jisasgo agabolo te po wai, “‘Genuai Bidi da aga nago God dao. Te nago aga godolo ebo te nago homu tigidali me, te nago noma tigidaligo me, te nago homu kolesaga tigidali agaba munama, tama aga nago godolo mu yao.’

Te Israel me Juda Hani Sigo Tuni Bidigo Po Elalubo Buku Si 18:22

Tiali goli, nago te po weyu da, dage Israel hani dabe dagego konealubo homu Godiba dąų wali da, duga Genuai Bidi, tama te agai dage tau saibao, tiali goli dego me te usu me egobeo. Magi baso meni, Hesekia, nago te aga dolo lotu po wabo pesage me, tama me te ofa nai ulubo sai alta dabe elalua pali bulu dabe dolai dao. Tama nago te Juda hani dabe ebadi, te Jerusalem ebadi elama, tama nago augwali e Jerusalem buluba sisinama, tama deli ofa nai ulubo alta saiba naga sisinama, lotu po wao, wai.’”

Te Israel me Juda Hani Sigo Tuni Bidigo Po Elalubo Buku Si 18:4

Tama te king Hesekia agai te e tama kolesaga yali, te augwaligo te tibo godiba lotu po wabo pesage dolama, tama agai te masigide age ni posde te tibo god noma piksa nigilama daganani masigi pos dabe me hųginama sąyani. Tama me te nigo te tibo god we Asera noma nigilama daganai age ni pos gelama, sąyani. Tama me polobadu Mosesgo te brasgo nigali hasamani te agai selama, augwaligo te hasamani e tama nogi poai, Nehustan, tama te hasamani noma agai te denege minama, sąyani. Magi baso meni, te we bidi dabego te hasamaniba lotu po weyu, te dwagi yai denami emainu hano ebo pauda ulubaso, tiai dao.

Te Israel me Juda Hani Sigo Tuni Bidigo Po Elalubo Buku Si 15:35

Tiali goli, Jotam agai te tibo god dolo lotu po wabo bulu du pesage dolobe. Tama tiyu, te tigidali we bidigo te lotu po wabo pesageba holama, lotu po wabo sę bomo mu eyu, tama augwaligo te pesageba pelama, tama te denami yai ofa nai ula mayu, me te denami yai hano ebo pauda me selama, uluyu iduali. Jotamgo te po obaso, tama augwaligo te Genuai Bidigo tempel be obo tų ma nigao po wali, augwaligo te tų nogi eyu Ugwadu Obo Tų dao. Tama po obaso, augwaligo te sę yali.

Te Israel me Juda Hani Sigo Tuni Bidigo Po Elalubo Buku Si 15:4

Tiali goli, te king Usia agai te augwaligo te tibo god dolo lotu po wabo bulu du pesage me dolobeo. Tama teyu, te we bidi dabe augwaligo te tibo god dolo te denami yai ofa nai me, tama me te dwagi yai hano holoyu, denami naga pedalumainu ebo pauda ulubo sę me iduali.

Te Israel me Juda Hani Sigo Tuni Bidigo Po Elalubo Buku Si 14:4

Magi baso meni, te king Amasia agai te augwaligo te tibo godiba lotu po wabo pesage te king Amasiago me dolobeo. Tama tibaso, te tigidali we bidi dabego me sę eyu bidali, te augwaligo te lotu po wabo bulu du pesageba pelama, tama augwaligo te tibo godiba te denami yai ofa nai ula mayu, tama me te wiegi yai hano holama denami ilibo pauda ulubo sę iduali.

Te Israel me Juda Hani Sigo Tuni Bidigo Po Elalubo Buku Si 12:3

Tiali goli, Joas agai te augwaligo tibo god dolo lotu po wabo bulu du pesage me dolobe, tama teyu, te we bidi dabego te lotu po wabo pesageba ugwaba pelama, tama augwaligo te tibo godiba te denami yai ofa nai ula mayu, tama me te dwagi yai denami pedalomainogo ebo te pauda augwaligo uluyu yali.

Te Israel me Juda Hani Sigo Tuni Bidigo Po Elalubo Buku Deli 22:43

Jehosafatgo te aga aya Asago yali kolesaga tigidali bugagia wali pali, te agai wiegi yai doloba pai kolesaga Genuai Bidigo gedude yali. Tialima, agai isąwani sę me deli te tiwai, agai te tibo godiba lotu wabo pesage dolobeo. Tibaso, te we bidi augwaligo te ofa ebo sę me, te wiegi yai denami hano ilibo pauda me, te pesage ulubo sę iduai dao.

Te Israel me Juda Hani Sigo Tuni Bidigo Po Elalubo Buku Deli 15:14

Te mu tama dao, te king bidi Asa agai te augwaligo te tibo god dolo lotu po wabo pesage munu me dolobe, tiali goli tigidali sogo agai te Genuai Bidi deli koneama, tama agai godolo mu eyu, tama aga te tigidali sogo te Genuai Bidi dologoba mu egi pai.

Te Israel me Juda Hani Sigo Tuni Bidigo Po Elalubo Buku Deli 15:3

Te Abiya agai te aga ayago yali dwai sęgę sabo kolesaga yali gilama, Abiya agai me te tigidali haniani kolesaga dwai mu yali. Agai te aga wąį nǫų Devitgo yali dwagi yai kolesagadu wali pabe, tama agai te God dali deli homu ebe, aga Genuai Bidi.

Te Israel me Juda Hani Sigo Tuni Bidigo Po Elalubo Buku Deli 11:38

Te nago eno bomai po tigidali me, te eno po me, te wali peyu, tama nage te eno sa muani te wiegi yai sunumidu biliyu, tama nago eno te wei eyu, godolo homu yabo kolesaga eyu, te Devitgo yali tiwai ebaso da, teda ena nage dali bidiyu, te nage tau saibao. Tama eno nage te Israel dabego king bidimainu yaibao. Tama sesemane sogo eno te nago hanide king pedalumainu eyu, te eno Devit dali yali tiwai gilama yaibao.

Te Israel me Juda Hani Sigo Tuni Bidigo Po Elalubo Buku Deli 11:34

“‘Tiali goli, eno Solomon te king sęde mu me sela sągobeo. Eno te ena sę bidi Devitde homu kone paliyu, te bidi eno sa muani. Agai te eno bomai po, me eno gasa po wali pali. Eno agade homu kone paliyu, tama te Solomon king bidimainu ilama, te aga isibo siba usu naibao,’ te po wai.

Te Israel me Juda Hani Sigo Tuni Bidigo Po Elalubo Buku Deli 11:6

Te kolesagade Solomongo te Genuai Bidigo gedude te dwai kolesaga mu yali. Agai te Devitgo wiegi yai kolesaga tagalali, tama agai te Genuai Bidi wali mu me pabeo.

Te Israel me Juda Hani Sigo Tuni Bidigo Po Elalubo Buku Deli 11:4

Te aga monu dabe ebo sogo, aga te we dabego aga homu te tibo godiba kekasa pali. Tama tiyu, Solomongo te aga aya Devitgo kolesaga te tagalama, tama agai te aga Genuai Bidi wali mu me pabeo. Menio.

Te Israel me Juda Hani Sigo Tuni Bidigo Po Elalubo Buku Deli 9:4

Tama nagede, te nago ena deli naga homu konealu, tama doloba pai kolesagade biliyu, tama eno bomai po tigidali wali peyu, tama eno nagebolo wali sę po tigidali eyu, te naga aya Devitgo yali sę tiwai gilama yao po wai.

Bomai Po 10:13

Tama megi dagego agai bomai po tigidali wali piąo, megi eno dagebolo mobao, te po. Dagego bugagia wali peyu da, teda dage bugagia mu bidaibao.

Bomai Po 11:13

“Tama tibaso, dagego eno megi dagebolo e mabo te bomai po bugagia wali piąo. Dagego God dago Genuai Bidi godolo mu iyąo, tama dagego haligade, me homu kolesagade sese wiegi yai homu pemene mu agai sę eyu yao.

Godigo Nogi Ugwaba Sabo Tęąbi Po Wabo Buku Dabe 145:20

Agai te aga godolo mu ebo we bidi bugagia tonalubao. Tiali goli, te dwai kolesaga ebo we bidi, augwali dolaibao.

Pris Sę Ebo Bomai Po 17:5

Te po page e tiwai dao. Polobadu dage Israel dabego te kibu elama, te bidibo pesage bulu, badu ofa yali, tiali goli megi da, dagego te kibu elibaso, te prisba selasa pao, te eno sel Ugwa Be sunumiba pelama, te ena dali deli haliga pedalubo ofa yao.

1 Samuel 9:12

Tialima, te we dabego augwali sigo po wei ponoyu, te po wai, “Geme dulai po haninibo bidi te ede bidibao. Megi tama aga te taunba pali, magi baso meni, te bidi dabego te dwasianu bulu dude ofa yainu ebaso pali. Aga te dage si pabodu polasa pali, tama dage si asesa polo piąo.

Te Israel me Juda Hani Sigo Tuni Bidigo Po Elalubo Buku Deli 8:25

“Tama megi da, te God, te Israel dabego Genuai Bidi, eno nageba te nago gasa bomai po te eno aya Devit dali dąų wali pode te nageba hanalu obao,” wali. “Nago agaba te tama po wali, ‘Devit, te nago wai puluba hanigo te wali po sesemane sogo bugagia wali peyu, tama eno gedude dolo biliyu, te nago ebo tiwai gilama ebaso da, teda sesemane sogo te eno nago hanide te bidi me deli te Israel bagego king pedalumainu yaibao,’ wali.

Te Israel me Juda Hani Sigo Tuni Bidigo Po Elalubo Buku Deli 8:61

Tiali goli, sesemane sogo dagego te dena Genuai Bidi, te Godiba naga homu kone paliyu, tama aga deli dologode naga bidao,” wali. “Tama dagego te tigidali bomai po me, agai po me, bomonama wali peyu, te dagego megi ebo tiwai gilama yao,” Solomongo augwalibolo te po wai.

Te Israel me Juda Hani Sigo Tuni Bidigo Po Elalubo Buku Deli 14:8

Eno bomonama, te Devitgo hanigo te king sę yali sela sąnama, tama te sę eno nagebolo mawai dao. Tiali goli, nago te Devitgo yali gilama dwagi yai kolesaga tų wali pabeo, aga te eno sę bidio,’” wali. “‘Agai te bomo mu elama, tama te eno bomai po wali painu ebo bidi bidali. Tama te magi kolesaga doloba pai eno gedude ebawe, te tama tiwai kolesaga te Devitgo yai dao.

Te Israel me Juda Hani Sigo Tuni Bidigo Po Elalubo Buku Deli 14:23

Megi tama te Juda hani dabe me augwaligo te lotu po wabo pesage te augwaligo te bulu dude me, te moni ni dologode me, tama ninigi pali. Tama augwaligo te masigigo te kąų ni tiwai te pos nigilama, tama augwaligo tulama, tama te tibo god we Asera noma te kąų nide te lotu po wabo pesagede wawalo pali, tama augwaligo te nomabolo lotu po wali.

Te Israel me Juda Hani Sigo Tuni Bidigo Po Elalubo Buku Deli 15:5

Genuai Bidigo te Devit homu kone palali, magi baso meni, Devit agai te dwagi yai kolesaga te Genuai Bidigo gedude yai. Tigidali sogo agai te Genuai Bidigo tigidali bomo yai po wali pai. Tialima, me sogo deli, meni. Te tama sogo deli Devitgo te Hit hani bidi Uria dali te dwai sę yali.

Te Israel me Juda Hani Sigo Tuni Bidigo Po Elalubo Buku Deli 15:11

Tialima, te bidi Asa agai te wiegi yai kolesaga te Genuai Bidigo gedude yali, te Devitgo yali gilama tiwai mu yai, aga wąį da, agai tama tiali.

Te Israel me Juda Hani Sigo Tuni Bidigo Po Elalubo Buku Deli 22:44

Te Jehosafat king bidali sogo, te tǫ kantri Israel de Juda tǫ kantri si te munu me boi hwįbeo. Menio. Jehosafatgo te Israel king dali nogo menama, te augwali bugagia hodobo bidai.

Te Israel me Juda Hani Sigo Tuni Bidigo Po Elalubo Buku Si 12:4

Tama te Joas agai te pris bage i wali, tama augwali asobo si, tama agai augwalibolo e tama po wali, “Te pris bage dagego te tigidali mone selasa asao, te tigidali we bidi dabego te Genuai Bidigo tempel bede mubo takis mone dao, tama me te bidi dabego te bodolu ponaniba usu numainogo te augwaligo te mabo mone me,

Te Israel me Juda Hani Sigo Tuni Bidigo Po Elalubo Buku Si 14:3

Te king Amasia agai te Genuai Bidigo gedude dwagi yai kolesaga yali, tama tialima aga aya Joas agai tama sę yali, tiali goli agai aga wąį nǫųgo te king Devitgo yali gilama te dwagi yai kolesaga gagawai me ebe, Devit agai yali gilama.

Tuni Bidi Dabego Po Elalubo Buku Si 15:17

Te mu tama, Asago te tibo godiba lotu wabo pesage sese dolama silibeo. Tiali goli tigidali sogo agai Genuai Bidi wali pabo dao, tama agai dwai sę Genuai Bidigo gedude me ebeo.