Te Israel me Juda Hani Sigo Tuni Bidigo Po Elalubo Buku Deli 3:15 - Godigo dwagi yai po buku

¹⁵ Genuai Bidigo po ola silibo si da, teda Solomon hodaluali, tama te tiwai te na yali da homu eyu, te tama koneani. Tialima, nosali te aga Jerusalemba ma pelama, tama te Genuai Bidigo Dąų Walali Bomai Po Munalubo Halobage elalubo madi pąba dologi pali. Tama agai te tigidali siago domainu ulubo ofa me, tama te God dali deli homu pedalumainu ebo ofa dabe dali yalio. Tama te tudi badu nosali, agai te ofisa dabego me, te aga sę bidi dabego dali, te genuai daa tubo nai ulama, tuai dao.

Te Israel me Juda Hani Sigo Tuni Bidigo Po Elalubo Buku Deli 3:15 Referans Kwoze

Tigidali Nai Gagalama Nigali Side 41:7

Te nomonasi sia dabego te nisali yuyu a naga olama, me badu si te sia gego pągąwai te nomonasi yuyu dabego augwali dalali. Tialima, megi da, te Fero hodaluama, tama agai te na yalide homu elama, agai koneani.

Te Israel me Juda Hani Sigo Tuni Bidigo Po Elalubo Buku Deli 8:65

Te sogo Solomon dali, te tigidali Israel dabe me, te Jerusalemba sisinama, te osogo bidabo bede bidibo bodolu muani te genuai side sisinama bidali. Augwali te Genuai Bidi dago Godigo gedude sisinama bidali te a naga olama, me si sogo te sisinama bidali, tama nosali augwali te a naga olama, me si te tama sogo ma sisinani, te tigidali deliba taluama, te 14 sogo bidai. Te genuai hani we bidi te tigidali tǫ pedai badu asali, te Hamat hanuba pabo sunumi tulumage side gagalasa pali, te not pedai badu teba usu nigi pelama, te Isip tǫ pedai te saut badu dąį igi pai.

Dwagi Yai Gesi Po Makgo Asęani 6:21

Nosali te we Herodiasgo te tiwai sunumi elalubo pedalali. Herot aga idago aga ame nani side pedalubaso, te agai genuai nai ulaiba wali. Agai te nai da tueinu ebo te aga dali gavman sęde tau sabo bidi dabe dali tueinogo yali, tama te polalubo ami tuni bidi me, te Galili tǫde bidalubo genuai bidi dabe dali te nai da tueinogo yai.

Daniel 5:1

Te Belsasar Babilonde king bidali sogo, agai genuai nai da me deli tuali. Agai te aga gegunai bidi dabe te nai tuboba asomainu i olama, tama augwali aga dali te wain ąį tuali, te kingo wiegi yai genuai be tomode. Te sisinani gegunai bidi dabe nedali namba, te tiwai, te 1,000 bidi dabe dao.

Esta 1:3

Te kibu be selade te aga tuni bidi king bidiyu, agai te tigidali tǫde bidibo kiap dabe badi, tigidali provins polalubo gavman bidi dabe sisinao po olama, te genuai nai daa tuaibao wai. Tama te Persia ami dabe badi, te Midia ami dabe badi, te genuai nai daa tuboba aselama, bidai. Tama tonalubo bidi dabe badi, te tigidali provinsdu asali genuai bidi dabe, augwali me bidalio.

Jeremaia 31:26

Tialima, ena, Jeremaia, ena hodaluama, tononobilibadi, te ena bugagia godege piali homu ebo dao.

Tuni Bidi Dabego Po Elalubo Buku Si 7:5

King Solomongo te omai kau kibu te 22,000 sesiyu, me 120,000 sipsip kibu sesiyu elama ofa yali. King aga we bidi dabe dali augwaligo te ofa yali te be te Godigo be dolo mu dao olama sa muyu, te ofa yali.

Te Israel me Juda Hani Sigo Tuni Bidigo Po Elalubo Buku Deli 8:63

Solomongo te bidi sese umabo te 22,000 bulmakau omai, me te bidi sese umabo te 120,000 sipsip dali meme dali sela aselama, tama te God dali deli homu pedalubo ofa yali. Te kolesagade, te king dali, te tigidali Israelgo me te tempel be te Genuai Bidigo be mu da weyu, te sa muyu, te tama sę pedelali.

Tigidali Nai Gagalama Nigali Side 40:20

Te sela sogo wali pedelama, tama Ferogo te tigidali sę ebo bidi dali te aga idago aga ame nani bodolu side te genuai nai da ulama, tuainu yali. Tama agai te wain tonaluali tobolu bidi, me te bret ulubo be tonalubo bidi me, te augwali si oda selama, tama augwali si te aga sę ebo bidi dabego geduba dolaluagasali.

Tigidali Nai Gagalama Nigali Side 31:54

Agai te kibu sipsip me deli elama, te bulu dude Godibolo ofa mani. Tama agai aga hani dabe aselama, te nai be piode tuagasomainu i wai. Augwaligo te nai tula silama, tama hulide augwali te bulu dude piai.

Tigidali Nai Gagalama Nigali Side 28:16

Jekop te pila muani hodalu, tama po wai, “Eno Yawe te e bulude bidibo me konesiąwai. Tiali goli, mu tama aga bidibao.”

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

Te Israel me Juda Hani Sigo Tuni Bidigo Po Elalubo Buku Deli 3:16

Me sogo deli te penani we si te kingba asali, te agai augwali si po dodolumainogo asalio.

Tuni Bidi Dabego Po Elalubo Buku Deli 16:3

Devitgo te tigidali we bidiba nai mani. Tigidali we bidi deli delibolo te bret deli selama, te augwa te iside ulali bulmakau kibu mi dali mena mena pelama, te olali wit meba dali mawai dao.