Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Deli 22:6 - Godigo dwagi yai po buku

6 Tialima, Ahapgo te profet bidi dabe asomainu i wali. Te bidi sese nogo si sągą si, te 400 profet bidi dabe sabalubaso, te Ahapgo augwaliba te tiwai po hanalu wali, “Eno te Ramot taun ma sainu boi hwįgi pobaso usu yaibawe, ma meniwe?” Te augwaligo te tiwai po wei ponani, “Te usu da, nage pagameo. Genuai Bidigo nage tau sobaso, te nago augwali aiyaba elalueibao,” wali.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Deli 22:6
22 Referans Kwoze  

Tialima, megi da, nago te Israel we bidi tigidaliba po ola tolama, te augwaligo ena te Karmel bulu duba tede da gesabidi sisinaibao. Tama nago te tibo god Balgo profet dabe 450 me, te tibo god we Aserago profet dabe 400 me sesao,” wali, “te tigidali te kwin we Jesebelgo augwali tonalu nai ula maduai dao,” Elaijago te po wai.


“Dagego te tibo po hauwa weyu, te dagego wiegi yai bidi dabego homu kolesaga dolobao. Tama dagego te dwai bidi dabe tau sobaso, te augwaligo dwai kolesaga ebo me tagalobeo. Te augwaligo dwai kolesaga tagalobaso da, teda augwali bugagia bidigi dao.


Tiali goli agai te dwai hudigi ebo hasa dali, te ili po wabo po ola mabo bidi dali, augwali si kalabus ilai. Te tibo po wabo sę ebo bidi agai te bidigo isiąwai bomo yai sę hauwa te hudigi ebo hasago gedude te sę yai, tama agai te tebo kolesagade te bidi tibo po ola mayu, augwali te hudigi ebo hasago dąį augwa tigide selama, te hudigi ebo hasa nomade lotu po omainogo yai. Te hudigi ebo hasa dali te tibo po ola mabo bidi augwali si te bidibadi, tama augwaligo te bidi si te genuai bagua si dedage pageba aiyaba mu sąwai dao. Tama te dedagede te posolo yai sia dabo masigi salfa elalubao.


Magi baso meni, nosali te gasa sogo pedalaibao. Tama te sogo te bidi dabego Godigo mu po ola mabo odobo hagela yaibao. Odogobeo. Menio. Te augwa digi augwa homu kolesaga naga wali peyu, tama augwaligo te po ola mabo tisa bidi hauwa saibao. Augwaligo godolo ebo po odomainogo te bage saibao. Tama te po ola mabo bidi dabe augwaligo te augwali sali we bidi dabebolo Godigo po pusugobeo. Menio. Augwaligo te we bidigo godolo ebo po naga pusaibao. Te we bidi augwaligo olo te dini ebaso, te tibo po ola mabo bidi dabego te augwaligo olo te pogo kieibao.


“Te tibo lotu po ola mabo po wabo bage augwali asidali weyu bugagia suao. Augwali dageba asobo si, te augwali kibu sipsip tiwai asaibao, te augwali dwai sę isąbo bage tiwai augwaligo dagede dwai sę yabo homu geme dualama, tama augwali dageba asaibao. Tiali goli, augwaligo homude dage mu dolabo homu kolesaga ebo dao, te dwai bulu yowi tiwai dao.


Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.


Tama Mikaia aga te king Ahap pageba saboligi pabo si, kingo agabolo e tama po hanalu wali, “Mikaia, dago te taun Ramotba boi hwįgi pelama tama dago te taun ma saibawe, me meniwe?” po hanalu wali. Tama Mikaiago king dolobo po wainogo e tama po wali, “Te usu dao, nage pelama hwįgi pao, tama nago te taun saibao. Godigo nage tau selama tama nago te bage aiyaba elaluaibao,” wali.


Te Mikaia pelama, te king Ahapba sabalubo si da, teda Ahapgo agaba te tama po hanalu wali, “Mikaia, te dago Ramot taun ma sainu hwįgi pobaso usu yaibawe, ma meniwe?” Tama Mikaiago te kingba posobo po wabo homu ebo po te tiwai wai, “Magia! Te usu da, nago hwįgi pelama da, te taun nago saibao. Genuai Bidigo nage tau sobaso, te nago augwali aiyaba elalueibao,” wali.


Tialima, hasia bolo dago te yainu ebo sęde Genuai Bidigo homude mena tiwai ebo dago koneainogo inao,” wali.


King Ahap de king Jehosafat augwali si te kingo gudubo ugwa au elama, te augwali si augwa sia kingde dugulaluai. Augwaligo te augwali sigo dugabo sia sai te taun Samaria genuai obo sunumi bulu badu muani, te tǫ malu dolo yai pesage tǫ me deli, te bidi dabego te wit dili bo dabe sela sąnama, te nai ge sabo madi, te badu elaluali. Tama te profet dabego te nosali badu pedelabo nai po olama, te profet te king sibolo pusubo sę yalio.


Elisa agai te Israel bidi dabego king bidi subaso, tama agai te po wai, “Magi baso nage ena pageba asobawe? Nage pao, tama te polobadu naga aya me, te ida me, augwaligo pelama, te hanalugi pali te profet bidi bageba pao,” wali. Tiali goli, te king Joramgo te po wei ponoyu, e tiwai po tama wali, “Menio. Genuai Bidi aga digi te da sela king bidi dabe sisinama, tama da te Moap hanigo king nogoba muainu ebao,” wali. “Tama tibaso, da nage pageba asai dao,” wali.


Tama tialima, eno homugo dagego te profet bage me, me pris bage me, tama te tigidali we bidi augwaligo te Balba lotu po wabo we bidi me, tama augwali asama, eba sisinagasao,” wali. “Te bede me deli me bidigio,” wali. “Magi baso meni, eno homugo Balba moni denami yai ofa nai ula mawaio. Tialima, bidi me deli asisąbaso da, teda te bidi isaibao,” wali. Jehugo te po wali, te tibo god Bal lotu po wabo we bidi mumua siyu, agai homugo agai te we bidi tigidali ela silainu te po wali.


Eno kingo te po wali, ‘Nago homugo ena homugo digi aselama, te nago bulu tǫ kantriba hwįagaselama, te dolagasali homu eba, agawe? Mu menio. God Genuai Bidigo digi enabolo te kantri dolagasao po obaso, ena asai dao,’ eno kingo te po wali.”


Tama agai augwalibolo e tama po wali, “Te we bidi dabe augwaligo homugo te me badu sęgę yai sę te eno ayago te augwaliba muani sęgę sę te eno sela sąyu yao po wabo. Tialima, dagego homugo te dago mena po te augwaliba wei ponaibawe?”


Tialima, Ahapgo Israel we bidi tigidali i obadi, te profet tigidali me i walio, tama augwali pelama, te bulu du Karmelba sisinigi pai dao.


Swiv nou:

Piblisite


Piblisite