Te Israel me Juda Hani Sigo Tuni Bidigo Po Elalubo Buku Deli 22:34 - Godigo dwagi yai po buku

³⁴ Te ami bidi dabe augwa hwįbo sę idubadi, te Siria ami bidi me deligo te ene te enesigi balibiba nanama, te enesigi kegelama, te Israel dabe bidibo pedaiba enanio. Te enego te Ahap dolali, te aga tigi te hwįbo nai olo mesegelisąwai elaluali badu dolalio. Tama Ahapgo aga karis guni tolasa pabo bidibolo te tama po walali, “Ena dolalio. Te karis polo begelama, te hwįbo pesage tagalao,” wali.

Te Israel me Juda Hani Sigo Tuni Bidigo Po Elalubo Buku Deli 22:34 Referans Kwoze

Tuni Bidi Dabego Po Elalubo Buku Si 35:23

Augwali boi hwįdubadi, te Isip dabe augwaligo enesigi kegelama u badu Juda dabe bidaloboba ene enani. Tama ene me deligo Josaia enani. Tama tialima agai aga sę bidi dabebolo te po walali, “Ena nai genuai mu polo dolalio. Dagego ena sela peyu, tama hwįbo pesage taga piąo,” wali.

Maika 6:13

“Tama tialima, megi da, eno dagego te dwai sę ebo sęgęde homu kone palama, tama eno dage dolobo sę gagalama yaibao,” po wai dao.

Kraisgo Geme Dualali Sę Pedelabo Po Jonbolo Ola Mani 9:9

Tama augwaligo hagawiade te kapago nigai holobo ugwa muai elaluai, tama augwaligo bogo te saba saba ebogo u wabo te hwįbo bidi duabo nai te kibu hosgo kegasa peyu udabo tiwai eyu te nai kidagalo wabo tiwai ebo dao.

1 Samuel 17:49

Tialima, Devitgo nogo te aga waba munama, tama masigi me deli selama, tama te masigi sąyabo naiba munama, tama Goliatba enani. Te masigigo te Goliat gesabidide dolo dolama, tama aga gebo tomoba bula sigi pelama, tama aga gesabidi tǫba ilama degasa dulali.

Tuni Bidi Dabego Po Elalubo Buku Si 18:30

Tama te boi polo dala sisąbadi te Siria king bidigo te karisde dolaluyu hwįbo ami polalubo bidi dabebolo e tama po wali, “Dagego Israel dabego king dali naga hwįao, tama dagego gasa bidi dabe dali me hwįnamo dao,” wali.

Te Israel me Juda Hani Sigo Tuni Bidigo Po Elalubo Buku Si 9:24

Tialima, te Jehugo aga enesigi polo bomonama kegelama, tama te ene toga peyu, te Joram tudide dolali. Tama te enego aga hobolu dude dolali. Tama te Joram aga te karis daide tulaluama, tama te Joram aga isali.

2 Samuel 15:11

Te aga Hebronba pabo sogo, Apsalomgo te Jerusalem bidi dabe te bidi sese nogo si, 200 bidi dabeba hanalu, te aga dali pinao po wai. Tiali goli, te bidi dabego te Apsalomgo elalubo homu kolesaga page te mu konesiąwai. Augwa te aga wali odolali tama palio.

Te Israel me Juda Hani Sigo Tuni Bidigo Po Elalubo Buku Deli 22:17

Tialima, Mikaiago Ahapba te tiwai po wali, “Eno suali, te Israel ami bidi dabe te bulu du dabede bidalua pelawali, te kibu sipsip augwa tonalubo bidi wasman meni yai tiwai elaluali. Tama eno odali, Genuai Bidigo te po wai, te bidi dabe augwa tobolu bidi meni yai. Augwa te hwįbo tagalama, te augwa buluba ma pelama, te bugagia bidibaso usu yaibao,” Mikaiago te po wali.

Te Israel me Juda Hani Sigo Tuni Bidigo Po Elalubo Buku Deli 22:33

tama augwaligo te tiwai koneai, aga te Israel king meni da homu yai. Tama augwaligo aga dali hwįbo tagalalio.

Te Israel me Juda Hani Sigo Tuni Bidigo Po Elalubo Buku Deli 22:35

Tialima, te Siria ami bidi dabe me Israel ami bidi augwa te boi hwįbo bomo mu ebaso, Ahapgo te hwįbo pesage taga soabo usu ebeo. Aga te karisde naga bididuai, te aga ami bidi dabego aga tonalubo sę yai. Tama agai Siria dabeba tonaludualio. Tama Ahapgo kaneme duludu, te aga karis sawali ni nami mesegelali. Aga te tiwai bididubadi, te be pio muba usu nigi pelama, te aga isai dao.

Te We Bidi Dabego Jerusalem Hagede Gela Wali 3:37

Te Genuai Bidigo usu da hasia wasiąyu da, teda bidigo magi sę pedalumainu ebo usugobeo.