Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Deli 22:16 - Godigo dwagi yai po buku

16 Tiali goli, Ahapgo agaba te tama po wali, “Tibo po tagalao. Sesemane sogo eno nagebolo weyu, te nago Genuai Bidigo nogide mu po naga omainogo yai. Nisu sogo nago po odaibawe?” wali.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Deli 22:16
14 Referans Kwoze  

Tama Juda genuai bidi deli bidali agai nogi Seva da. Agai sę da, te pris bidi dabe tonalubo dao. Agai ogwa da nogo a olama, me badu nogo si da. Tama augwali biliyu, te dwai haubo noma bidibo we bidi dwai noma sela sąyani. Tiali goli, augwaligo homugo Jisas mu konebe. Tama dwai noma bidi me badu sela sąyu, Jisasgo nogi ilama, sela sąwainu yali. Tama augwaligo te dwai mobobolo te po wali, “Nage dwai haubo noma, eno Jisasgo bomogo nage sela sąbo dao, te bidi Pol agai wabo po tiwai dao,” te po wai.


Agai bomo elama mu i weyu, te po wai, “Jisas, nage ugwade bidibo Godigo ogwa mu, nago magi sę enade yainogo ebawe? Eno te Godigo nogide nagebolo hanalu obao, nago te dene enabolo me magio,” te po wai.


Tiali goli Jisasgo po me wabeo. Tama te pris tuni bidigo agabolo te po wai, “Te nago dabolo mu po naga omainogo eno nagebolo te bidibo ula elalubo Godigo nogide te po hanalu obao, nage te Godigo sa muani bidi Krais, te Godigo Ogwa dawe, ma meniwe?”


Tiali goli Ahapgo agabolo te po wali, “Ili po wabo tagalao. Tigidali sogo eno nagebolo Genuai Bidigo nogide mu po naga pusao po wabo dao. Nisu nago po odaibawe?” Ahapgo te po wali.


Te hwįani sogode Solgo bomai po te Israel dabeba wali. Agai te tiwai po wai, “Megi naga eno te boi bidi dabeba te dwai sę yali wei ponama, tama augwaliba dene mu mawainu ebao. Tama tiyu, dage tigidali bidi te nai me deli tusiąma, te giliga dega sigiluboba usu nao. Te bidi mego nai tuali da, teda eno homugo te Godigo aga dolomainu yaibao,” wali. Tama tibaso, te bidi mego nai me tusiąma, tama te Israel dabe tigidali te nasi dwai mu elama, tama bomo mu meni yani.


Tialima, Josuago bomai po te we bidi augwalibolo weyu, te tiwai po wai, “Te bidi me deligo e hanu Jeriko ma nigibaso da, teda Genuai Bidigo te bidi dali dwai sę yaibao,” wai. “Tama gasa bidi mego te hanu genuai obo dabe ma nigibaso da, teda aga ogwa gomunai bidi te isaibao. Ma, te tomoba pabo genuai sunumi ma nigibo bidi, te bidigo sabi ogwa bidi te isaibao,” te po wai, Josuago.


Te Mikaia pelama, te king Ahapba sabalubo si da, teda Ahapgo agaba te tama po hanalu wali, “Mikaia, te dago Ramot taun ma sainu hwįgi pobaso usu yaibawe, ma meniwe?” Tama Mikaiago te kingba posobo po wabo homu ebo po te tiwai wai, “Magia! Te usu da, nago hwįgi pelama da, te taun nago saibao. Genuai Bidigo nage tau sobaso, te nago augwali aiyaba elalueibao,” wali.


Tialima, Mikaiago Ahapba te tiwai po wali, “Eno suali, te Israel ami bidi dabe te bulu du dabede bidalua pelawali, te kibu sipsip augwa tonalubo bidi wasman meni yai tiwai elaluali. Tama eno odali, Genuai Bidigo te po wai, te bidi dabe augwa tobolu bidi meni yai. Augwa te hwįbo tagalama, te augwa buluba ma pelama, te bugagia bidibaso usu yaibao,” Mikaiago te po wali.


Tama nosali, Sedekaiago augwaliba walama, te Jeremaia odasa aselama, te kingo beba suagasao wali. Tialima, Sedekaiago agai yali sę augwaligo sumainogo me ebeo. Augwaduba si naga bididu, te Sedekaiago Jeremaiabolo te tiwai po hanalu wali, “Genuai Bidigo nagebolo po me deli maniwe, ma meniwe?” Tama Jeremaiago te po wali, “Awe, Genuai Bidigo po me deli mawai. Te po e tiwai dao. Augwaligo nage te Babilon kingo nogoba mueibao.”


Tama nosali, Sedekaiago te bidi dabe tagala palama, te profet Jeremaia sigi pomainogo elama, te augwaligo aga odasa aselama, tama agai king te Genuai Bidigo be te sela wali sunumide deliba gesabidi ununani. Augwaduba si naga tede bididu, kingo te tiwai po Jeremaiabolo wali, “Eno nagebolo te nai me deli hanalu wabo homu ebao. Te nago dolo ponao. Nago po geme me dualigio,” wali.


Tama Balamgo te po wali, “Tagalao, eno megi asali dao. Tiali goli, eno God aga digi ena mabo po naga pusaibao, te tama deli naga. Eno gasa po me wabo bomo eno menio,” wali.


Ena Genuai Bidi, eno po dolo obao, te profetgo odolali na yali da, agai te na yali po miaibao. Tialima, eno te bidi me deliba po mawai ebaso da, teda agai eno te po dolo pusao. Eno po da, te wiegi yai nai wit ge wai tiwai elalubao, tama te profet dabego po wit aga bo ma wali tiwai olo nai dao.


Swiv nou:

Piblisite


Piblisite