Te Israel me Juda Hani Sigo Tuni Bidigo Po Elalubo Buku Deli 21:7 - Godigo dwagi yai po buku

⁷ Tama Jesebelgo agabolo te tiwai po wali, “De mu te Israel tǫ kantri king bidi da, nage, ma gasa bidi dawe? Moni homu igio, tagalao. Hogodama, nai tugulao. Eno te Nabotgo wain gi selama, nageba mawaibao,” wali.

Te Israel me Juda Hani Sigo Tuni Bidigo Po Elalubo Buku Deli 21:7 Referans Kwoze

Maika 7:3

Augwaligo te dwai sę ebo kolesaga mu koneani. Te ofisa dabego me jas dabego te bidi dabeba i weyu, te augwaliba te mone menama, te po tų dolainu ebo dao. Augwaligo deli homu ebo dao. Te genuai nogi elalubo bidi dabego te jas dabeba te homu wei godolo ebo po obaso, te po tų doloyu, te jas dabego te bidi dabego wabo po wali peyu ebo dao.

Kolesaga Koneai Bidigo Pusali Po Elalubo Buku 8:4

Te kingo mena po me obaso da, teda tigidali bidigo te po wali pabo dao. Te niwai bidi deligo agabolo me hanalugobeo, “Magi baso nago te tiwai yaibawe?” te wagobeo.

Kolesaga Koneai Bidigo Pusali Po Elalubo Buku 4:1

Te tobage dolo isąwai kolesagade eno homu kone ma palali, te tǫde we bidi augwaligo ebo kolesaga da. Te dwai sę ebo bidi dabego te we bidi hauwa aiyaba elalubaso, tama te we bidi augwali dwai mu gela wali. Tiali goli, augwali tau sabo bidi meni yai. Magi baso meni, te dwai sę ebo bidi dabego bomo hauwa elalubao.

Bugagia Bidibo Kolesagade Po Asęai Buku 30:31

Me te omai ba kakaruk dabego te tobolu ugwaba dodolama bilibo dao, tama te omai kibu meme dabe me tama tibo dao. Me te kingo te aga bomo mu eyu ebo sogo te boi bidi dabego agai aiyaba elaluainu ebaso, usu me egobeo.”

2 Samuel 13:4

Tialima, Jonadapgo Amnonbolo te tama po wali, “Te kingo ogwao, magi yaliwe? Tigidali sogo eno nage te wiegi yai homu pemene eyu bidibo me subeo. Magi baso nage haliga sęgę elalubawe?” wali. Tama Amnongo te tama po agaba wei ponani, “Eno homu pesa mu te Tamarde ebao, te Apsalomgo abe, te eno amago abe dao,” wali.

1 Samuel 8:14

Tama agai te dagego wiegi wiegi yai gi nai me, wain gi me, oliv gi me selama, tama aga sę polalubo ofisa bidibolo mawaibao.

1 Samuel 8:4

Tama tibaso, te Israel polalubo tobolu bidi dabe deliba sisinama, tama pelama, Samuel te Rama hanude bidibo sugi pali.

Te Israel Tobolu Bidi Dabe 19:6

Tama tibaso, augwali si dugulama, tama wę me nai me tuyu yai. Tama we aga ayago agabolo te po wali, “Eno homugo nage ede ma bidimainu elama, te da wiegi yai homu pemene emainao.”

Rutgo Po Elalubo Buku 3:7

Boas aga te nai me wę tula silibo si, te aga homu pemene wiegi yai yalio. Aga gedu sęgę ebaso, tama aga te bali pesage holali madi pąde pigi palio. Tama, nosali Rut aga dua digi naga pelama, tama aga te piali ugwa dagalama, te Boas sągą pąba pigi pali, te aga tonaluabo po agabolo hanalu wainogo tama tialio.

Te Israel me Juda Hani Sigo Tuni Bidigo Po Elalubo Buku Deli 21:6

Tama agai Jesebelbolo te tama po wai, “Nabot, te Jesril bulu bidigo, eno po odisąwai. Eno agabolo po waliyu, te eno agai wain gi abelabo homu yai. Ma, agai te mone sabo homu wei isąbaso, eno agaba te gasa wain gi maiabo homu yai. Tiali goli, agai enabolo maiabo homu me ebeo,” wali.

Amos 6:12

Dagego homugo te hos kibu dabe te genuai masigi dabe daidu ugwadu udada pabo usu yaiba, agawe? Te menio. Ma, dagego homugo te genuai masigi ugwadu daide te bulmakau dabego te gi tǫ elebo dono kegebo usu yaiba homu eba, agawe? Menio. Te kolesaga dabe mu geda mubao. Tiali goli, te dagego te tobage deli tigi poai kolesaga naga ebao. Dagego te po tų ebo doloba pai kolesaga te bidi isilibo nabi tiwai pedalubao. Tama dagego te wiegi yai kolesaga te dwai ha ebo nai tiwai pedalubo dao.