Te Israel me Juda Hani Sigo Tuni Bidigo Po Elalubo Buku Deli 21:4 - Godigo dwagi yai po buku

⁴ Ahapgo Nabotgo te wali po odama, te aga wado homu elama, haliga sębę me dwai yali. Tama aga be elalubo madi Samariaba pelama, te betba pigi palima, te gesabidi be dagaba begaluai. Te aga nai tubo gisilai dao.

Te Israel me Juda Hani Sigo Tuni Bidigo Po Elalubo Buku Deli 21:4 Referans Kwoze

Te Israel me Juda Hani Sigo Tuni Bidigo Po Elalubo Buku Deli 20:43

Kingo te po oda silama da, teda aga wado homu elama, te haliga sębę dwai mu elama, tama ma aga begasa peyu, te aga bulu Samariaba pai dao.

Jems 1:14

Tiali goli tigidali bidi deli deli augwa homugo digi te dwai sę yabo homu hodolobo dao, tama dago te dwai sę emainogo te dwai homu kolesaga tomode dabolo te ili po wabo dao.

Efesus 4:27

Dagego tisiąwani da, te sębę me elalubadi, tea te dwai haubo noma bidi dabe augwaligo tobolu bidi tebolo te dagego sunumi dalaibao, agai dage dwai sę tomoba kegaibao.

Jona 4:9

Tiali goli Godigo te tiwai po Jonabolo wali, “Te bono sasiaide nago wado po wabo. Nago te wado po wabo te dolo da, agawe?” Tama Jonago po wei ponoyu, te po wai, “Awe, eno wado ebo dolo ebao. Ena sębę mu ebao! Tagalao, te ena isimainu yaibao,” wai.

Jona 4:1

Jonago dwai homu te Godigo tama yali kolesagade elama, tama aga haliga sębę yalio.

Kolesaga Koneai Bidigo Pusali Po Elalubo Buku 6:9

Te dago dena elalubo naide dwagi yai homu pemene eyu bidao. Te kolesaga ebogo te haniani naide pesą ebo kolesaga aiyaba elalubo dao. Te naide pesą ebo kolesaga aga page me elalubeo, te bidi udayu, te wali nogogo tola sainu ebo tiwai naga ebao. Te dago sali nai dabede wiegi yai homu pemene ebaso, usu yaibao.

Jopgo Po Asęani Elalubo Buku 5:2

Ma, kolesaga meni yai bidigo da, teda dwai kolesaga wali paibao. Tama homu sęgę eyu, sębę ebo sę tigidali sogo yaibao. Tama aga te kolesagago aga digi aga ma isilaibao.

Te Israel me Juda Hani Sigo Tuni Bidigo Po Elalubo Buku Deli 21:3

Tialima, Nabotgo kingba te tiwai po wai, “Polobadu digi te tǫ pedai te eno wąį nǫų hani dabego tǫ elaluama, te megi me eno tonalubao. Tialima, te Genuai Bidigo nogide, eno nageba me magobeo,” wali.

2 Samuel 13:4

Tialima, Jonadapgo Amnonbolo te tama po wali, “Te kingo ogwao, magi yaliwe? Tigidali sogo eno nage te wiegi yai homu pemene eyu bidibo me subeo. Magi baso nage haliga sęgę elalubawe?” wali. Tama Amnongo te tama po agaba wei ponani, “Eno homu pesa mu te Tamarde ebao, te Apsalomgo abe, te eno amago abe dao,” wali.

2 Samuel 13:2

tama aga pesa mu yai. Tiali goli, Tamar te bidi me deli dali me pagela pisąwai, tama augwa te habu seliyu, te bidi me deli aga pąba me pelamuo po wai. Tama tiyu, Amnongo koneani, aga te Tamar pąba pelama, tolasainu yabo usu meni yai, tama Amnon aga te Tamarde wei mu eyu, godolo mu elama, te aga gasi sai.

1 Samuel 28:23

Tiali goli, Solgo te po wali, “Woo, menio. Ena nai tubo hagela ebuo,” wai. Tialima, aga te ofisa bidi si badi te wego me, augwa bomo eyu, Solgo te nai tuao wali. Tama agai augwaligo po odama, tama hogodama, te pibo bet saiba duagulali.

Te Israel me Juda Hani Sigo Tuni Bidigo Po Elalubo Buku Deli 21:1

Te Nabot te taun Jesril bidi me deli da, tama agai wain gi te king Ahapgo genuai be pąde te Jesril taunde elaluali. Tama nosali te Siria dabego genuai boi hwįagasali side,

Te Israel me Juda Hani Sigo Tuni Bidigo Po Elalubo Buku Deli 21:5

Nosali aga we Jesebelgo aga sugi pelama, agabolo te tiwai po hanalu wali, “Magi baso nago haliga sębę dwai elama, nai tubewe?” wali.

Esta 5:13

Tiali goli, eno te Juda bidi Mordekai suali, te tuni bidigo be sunumi pąde dulalubaso, tama eno homu dwai mu yali, tama te wiegi yai nai dabe te eno homugo te olo nai tiwai naga yalio,” te po wai.

Jona 4:4

Genuai Bidigo po wei ponoyu, te po wai, “Nago te wado po wabo te dolo da, agawe?”

Jona 4:8

Tama nosali giliga bomo elama pedelama, tama Godigo posolo yai wali te giliga pedalubo badu tagala palali. Tama Jona tobolude giliga doliyu, tama aga gedu ayǫge elama, tama aga tulaluainu yalio. Tama Jonago te homu yai, ‘Te isaio. Te ena isiyu da, te dwagi yai da. Tama ena isisąyu da, te dwagi yai egobeo,’ agai te homu yai.