Te Israel me Juda Hani Sigo Tuni Bidigo Po Elalubo Buku Deli 21:25 - Godigo dwagi yai po buku

²⁵ Mu tamao, te Ahap king bidali sogo, te agai homugo me koneani kolesaga tigidali te Genuai Bidigo gedude dwai sę yabo kolesaga bomo elaluali. Polobadu bidi me deligo te tiwai kolesaga me ebeo. Aga we Jesebelgo naga, te aga homu begelibo po obaso, te dwai kolesaga yali dao.

Te Israel me Juda Hani Sigo Tuni Bidigo Po Elalubo Buku Deli 21:25 Referans Kwoze

Te Israel me Juda Hani Sigo Tuni Bidigo Po Elalubo Buku Deli 21:20

Elaijago Genuai Bidigo po odama, aga te Ahap bidibo madiba pali. Tama Ahapgo te Elaija subo sogo, aga te tama po wali, “Eno boi bidi, nage enaba ma pedaluba, agawe?” Tama Elaijago te tama po wei ponani, “Awe, eno nage suagasali, magi baso meni, nago godolo ebo homu, me te homu kolesaga tigidali bomo elama, te Genuai Bidigo gedude dwai kolesaga nago ebo dao.

Bugagia Bidibo Kolesagade Po Asęai Buku 22:14

Te penani sę ebo wego te bidi homu bega sabo po weyu, tama te tǫ dedage aiyanu mu igulai tiwai me deli ebao. Te Genuai Bidigo te bidi me deligo dwai kolesaga wei ponabo homu ebaso da, teda te bidi te tǫ dedageba tulaluaibao.

Kolesaga Koneai Bidigo Pusali Po Elalubo Buku 7:26

Eno te tiwai page gegelama suali, te isibo kolesaga te ha ebo nai tiwai dao. Tiali goli, te bidi dali dwai sę yainogo sinabo we te bidi bolo tubo kę tiwai dao. Te da te ha mu ebao. Te tobage we da, te sųgų hagane togobo wa tiwaigo da bidi tola sobao. Te agai nogo te sen tiwaigo da kalabus ebao. Godigo te bidi me deli godolo ebaso da, teda te bidigo te tobage hagane togobo wa gedelama, wi paibao. Tialima, te hagane togobo wago te sęgę sabo bidi dabe tola sobaso, te augwali me geda muyu, ela soagobeo. Mu menio.

Polgo Po Pas Rom Dabeba Asęani 6:19

Te dagego homu kolesaga bomo menibadi, tama eno te da bidigo homu wali peyu, tama sę ebo bidide po digi po begeleyu, tama eno e po obao: polobadu dagego duga tigi tigidali te meda yai kolesagade sę ebo bidi bidiyu, tama dagego yali dwai dwai sę geninama mu pedalali. Tiali goli megi dagego te duga tigi dabe me homu kolesaga te doloba pai kolesagaba munama sę ebo bidi bidiyu, tama dage te dwai sę me isąwai te wiegi yai tedali kolesaga naga pedalomainogo yao.

Godigo Sęba Tagala Palai Bidigo Po 14:2

Tiali goli, te Juda dabe me badu augwaligo te po odobo hagela homu ebaso, augwaligo te Juda hani isąwai dabebolo bidi posobo po geme walali, augwaligo te Pol dali Barnabas dali sigo ebo sę dolomainu yai.

Te Israel me Juda Hani Sigo Tuni Bidigo Po Elalubo Buku Deli 21:7

Tama Jesebelgo agabolo te tiwai po wali, “De mu te Israel tǫ kantri king bidi da, nage, ma gasa bidi dawe? Moni homu igio, tagalao. Hogodama, nai tugulao. Eno te Nabotgo wain gi selama, nageba mawaibao,” wali.

Godigo Sęba Tagala Palai Bidigo Po 6:12

Augwaligo te sę elama, te we bidi dabe dede, te genuai monu dabe dede, te Mosesgo bomo yai po ola mabo bidi dabe dede, augwali moni sębę yai, Stivende. Augwali pelama, Stiven nogo bono duąsa aselama, te kaunsil gesabiba dolaluagasali.

Aisaia 52:3

Magi baso meni. Genuai Bidigo te tama po wai, “Te bidigo ena me abelisąma, te nago we bidi te olo sę bidi me sę ebo we tiwai elama, sela pali. Te eno augwali ma sainu, te mone menama, me sogobeo. Menio. Te augwali eno olo mu saibao.

Aisaia 50:1

Genuai Bidigo te Israel we bidi dabeba te tiwai po wali, “Taun Jerusalem te duga ida tiwai elalubao. Dagego homugo eno aga tudiba mubao homu eyu, te bidigo we sabo kolesaga bolama, te sai we mu sela sąbo tiwai homu eba, agawe? Te dagego tama homu ebaso da, teda te tama po wali pepa mena elalubawe, eno aga mu sela sąwaniwe? Tama me, te eno bidi me delide negeli sali me elalubeo. Te tama homu dagego magi baso ebawe, eno wai dabe eno dage te gasa bidi dabeba te olo sę ebo bidi tiwai ilama, tagala paliyu, eno te negeli sali dodolabo mone saliwe? Mu menio. Te dagego dwai sę hauwa ena haliga sębę ilibaso, eno te Jerusalem tudiba munama, tama eno dage te gasa bidi dabego nogoba muai dao.”

Te Israel me Juda Hani Sigo Tuni Bidigo Po Elalubo Buku Si 23:25

Josaia aga dwagi yai king bidi mu da. Agai homu kolesaga me mu deli homu kolesaga naga yai, agai te Genuai Bidigo bomo dologodu naga wali pai, tama me te Mosesgo tigidali bomai po me wali pai. Polobadu te king bidi dabe augwali te king Josaia tiwai me bidai meni, tama te nosali me te aga tiwai me bidai meni. Te king Josaia aga deli mugo tigidali king bidi dabe aiyaba elaluai da.

Te Israel me Juda Hani Sigo Tuni Bidigo Po Elalubo Buku Si 17:17

Tama augwa wai bǫų dabe elama, tama augwaligo te wai dabego tigi te siaba munama, augwa tibo godiba te ofa nai tiwai gilama olo mani. Tama augwali me badu te sogo yesi bidi pageba pali, me badu te we bidi dabego te isai we bidigo isi bidi dali po mibo we bidi dabe pageba pali, tama augwaligo te hani augwalibolo augwali tau somainu hanalu wali. Te Israel hani dabe augwaligo deli homu naga yali, tama teyu, augwaligo dwai kolesaga me edu bidali. Tama Genuai Bidigo augwaligo te kolesaga me ebo sulama, tama agai augwalibolo agai wado ela mani.

Te Israel me Juda Hani Sigo Tuni Bidigo Po Elalubo Buku Deli 19:2

Tama Jesebelgo Elaijaba te tiwai po ola tolai, “Te eno nage ela mueibao, te nago Balgo profet bidi dabe ela muani tiwai nage ela mueibao. Do megi e tiwai sogo usu nagasobo side, te nage isaibao. Te eno te tiwai me isąbaso, eno homugo te god dabego ena digi ela mumainao,” wali.

Te Israel me Juda Hani Sigo Tuni Bidigo Po Elalubo Buku Deli 18:4

Tama te sogo te we kwin Jesebelgo te Genuai Bidigo po pusumainu tagala palali profet dabe ela mubo sę ebaso, Obadiago te profet dabe bidi sese a naga, 100 profet bidi dabe selama, augwali te genuai masigi ola be dedage tomoba geme dualali. Agai te bidi sese si olama, nogo si, 50 te gasa ola be dedageba dualiyu, te gasa bidi sese si olama, nogo si, 50 te gasa masigi ola beba geme dualiyu yai. Te agai augwali tonalu, te nai me wę mayu, iduai dao.

Polgo Po Pas Rom Dabeba Asęani 7:14

Dago koneani, te bomai pode te Godigo Tedali Mobo Bidigo te Godigo homu kolesaga dabolo ola mabo dao. Tiali goli ena, eno poloba homu me elaluyu tama te homu ena wali pabo dao. Te dwai sę ebogo ena kalabus ilama tama eno agade sę iduai dao.

Kraisgo Geme Dualali Sę Pedelabo Po Jonbolo Ola Mani 2:20

Tiali goli, eno te po me nage dali elalubao. Nago te we Jesebel nage dali bidibo we, agai ola mabo po dagego odobo dao. Te wego te po wabo dao, ‘Ena da, te Godigo nosali yabo sę po megi pusubo we dao.’ Tiali goli agai eno sę bidi dabebolo te penani ebo kolesaga wali pomainogo ola mayu, tama augwaligo te tibo god dabebolo ula mani nai tumainogo ebo dao. Te kolesagade te wego augwali ili po ola mabo dao.

Te Israel me Juda Hani Sigo Tuni Bidigo Po Elalubo Buku Deli 18:18

Tama Elaijago Ahapgo poba wei ponoyu, te tiwai po wai, “Nago tibo po obao. Te sę yabo page eno menio. Te sę yabo page nago dali, te nago ayago hanide dali elalubao, magi baso meni, dagego te Genuai Bidigo po sela sąnama, te dagego tibo god Bal dabeba lotu oduai dao.

Te Israel me Juda Hani Sigo Tuni Bidigo Po Elalubo Buku Deli 22:52

Agai te aga aya me ida sigo yali dwai kolesaga tiwai eyu, te Jeroboam, te Nebatgo ogwa, agai me te Israel dabe dwai sę eboba kegali king dao. Ahasiago Genuai Bidi gedude dwai sę eyu,

Te Israel me Juda Hani Sigo Tuni Bidigo Po Elalubo Buku Si 9:34

Nosali te Jehu aga te kingo be tomoba pelama, te nai tuai. Tama aga nai tuyu, tama te wę tuyu elama, tama agai te bidi dabebolo e tama po augwalibolo wali, “Godigo te po wai dao, te dwai we dolao, wai dao. Tiali goli, te we aga aya te king me deligo wegi dao, tama tialima, dagego te we agai tigi selasa pelama, pubaligi pao,” wali.

Ma Dobola Sali 34:16

Tama tiyu, dage Israel gesi bidi dabego te gasa hani gesi wegi mani sabuo. Te dagego tama tiali da, teda te we dabego te augwa bidi kekelama, tama te bidi dabe augwaligo ena tagalama, tama te tibo god dabeba lotu waibao. Te eno gedude te kolesaga te penani ela bilibo kolesaga tiwai yaibao.”

Te Israel me Juda Hani Sigo Tuni Bidigo Po Elalubo Buku Deli 16:25

Te king bidi Omri agai te Genuai Bidigo gedude agai te sęgę genuai mu yai. Te bidi Omri agai ebo sęgęgo te hasia bidali king bidi dabego yali sęgę aiyaba mu elaluali.

Te Israel me Juda Hani Sigo Tuni Bidigo Po Elalubo Buku Deli 22:53

agai te tibo god Balba lotu wabo sę yai. Te tiali kolesagade agai te God, te Israelgo Genuai Bidi, agaba haliga sębę dwai ilali, te aga aya Ahapba dwai haliga yali tiwai yai dao.

Te Israel me Juda Hani Sigo Tuni Bidigo Po Elalubo Buku Si 9:22

Tama te Joramgo Jehu suali, agai te Jehubolo e tama po hanalu wali, “Te dage dwagi yai homu dali asaliwe, ma meniwe?” Tama te Jehugo te po wei ponoyu, e tama po wali, “Magi yaliwe usu elalubao,” wali, “tialima, naga ida Jesebel, agai te tibo god wali pabo sę eyu, tama te dwai kolesaga eyu, tama te bidi isibo pobi enebo sę ebo dao,” wali. “Naga idago te tama tibo dwai kolesaga ebo sęgę te genuai mu pedalobao,” wali.

Nehemia 13:26

Tama eno augwaliba te tiwai po wai, “Dagego te king Solomongo dwai kolesaga wali pali dao. Polobadu Godigo te king Solomon godolo elama, tama aga te tigidali Israel hanigo king pedalumainu ilali. Tama Solomongo te wiegi yai homu kolesaga koneama sali, tama te gasa bulu tǫ pedai king tigidaligo koneani homu kolesaga tigidali te agai aiyaba elaluali. Tiali goli, agai te bulu badu we dabe, te Israel hani isąwai we meba selama, tama augwaligo agai homu kolesaga hugiabi selama, tama agai te dwai sęgę yai dao.