Te Israel me Juda Hani Sigo Tuni Bidigo Po Elalubo Buku Deli 21:13 - Godigo dwagi yai po buku

¹³ Tialima, te dwai bidi si Nabot pąba dolo si dugayagasali, te we bidi dabego gedude augwali sigo tibo po kisilama, Nabotba te tiwai po wali, “Nabotgo te dwai posobo po te Godiba me kingba walio,” wali. Te we bidi augwaligo te wabo po odolama, tama augwaligo Nabot te bedu taun buluba sela solama, te augwaligo agaba masigi sąnama, aga ela muai dao.

Te Israel me Juda Hani Sigo Tuni Bidigo Po Elalubo Buku Deli 21:13 Referans Kwoze

Te Israel me Juda Hani Sigo Tuni Bidigo Po Elalubo Buku Si 9:26

‘Tialima, te do tama eno suali, ma te bidi dabe augwaligo te nago homugo ebo kolesaga tų wali peyu, tama augwali te Nabot aga wai buluba dali te augwaligo elama isilalio, tama teyu, te ena Genuai Bidi dao, te eno mu po tama obao, tama te nago te Nabot tǫde yali dwai kolesaga te eno nagebolo dolo mu wei begelaibao.’” Tama te Jehugo te Bitkarbolo e tama po ma wali, “Te Joramgo tigi selama, tama te Nabotgo tǫ naga tama sągi pao, te Genuai Bidigo poba usu nigi peyu, tama tiao,” wali.

Godigo Sęba Tagala Palai Bidigo Po 24:5

“Dago te bidi Pol sulama, koneani, agai da te dwai dwai kolesaga hauwa ebo bidi da. Tama dago koneani, te bidi agai tigidali Juda bidi tomode me, tigidali bulude me, hwįbo po page pabo bidi dao. Tama agai te wado po olama, tama te we bidi hani tomode pedebo bidi. Tama aga te Nasaret dwai bidi hani tobolu bidi dao.

Godigo Sęba Tagala Palai Bidigo Po 6:11

Tama tibaso, augwaligo me badu bidi abelama, te tibo po Stivende te po ola momainu, “Te Stivengo te Moses dali God dali te side dwai po wabo dago odali.”

Dwagi Yai Gesi Po Jongo Asęani 19:12

Te Pailat agai Jisasgo te po odolama, tama agai Jisas olo tagala palabo tų gegai yai. Tiali goli te Juda bage augwaligo bomo elama po dagą weyu, te po wai, “Niwai bidi aga digi ‘Ena tuni bidi da’ weyu da, te bidi agai te Rom gavman tuni bidi Sisar dali boi bidi dao. Tama e bidi Jisas agai te tobage po wai dao. Tama tibaso, nago te bidi Jisas olo tagala palu da, te nage te Rom gavman tuni bidi Sisargo abagi menio, boi bidi tiwai bidaibao,” Juda bagego Pailat dali te po wai.

Dwagi Yai Gesi Po Lukgo Asęani 23:2

Augwaligo gagalama, Jisas tų ela mayu, te bidi Pailat gesabide. Augwaligo te po wai, “E bidigo da hanigo ebo kolesaga dolali. Jisasgo da dabe weyu, dago gavman tuni bidi Sisarbolo takis masigi magio homu ebo dao. Tama Jisasgo dabolo habu selebo po weyu, te po wai, ‘Ena da, Godigo sa muyu asaibao wali bidi Krais dao. Te ena tuni bidi dao,’ Jisasgo te po wai dao,” augwaligo te po wai.

Matyu 9:3

Tialima te Juda dabego bomo yai po page koneai bidi meba augwaligo augwa digi homude po weyu, te po wali, “Te bidi agai te Godigo nogide posobo po obao,” te po wai.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Amos 7:10

Te Amasia, aga te Betel taun pesagede lotu wabo pris bidi dabego tobolu bidi, agai te Israel king bidi Jeroboamba po ola tolali. Agai te tiwai po wali, “Te nago tonalubo tǫ tomode digi te Amosgo te Israel we bidi augwali haliga hodoliyu, dianobo sę eyu, nageba augwaligo boi bidi homu emainogo ebao. Te nago aga sula tagaludubaso da, teda agai pogo te tǫ kantri dolaibao.

Aisaia 8:21

Menio. Augwali dwai dene mu saibao. Te augwali genuai homu sęgę mu elama, nasi elama, tama augwali subigila te bulude bilaibao. Nasigo augwaligo haliga sębę mu elama, tama augwaligo augwa tuni bidibolo, me augwa Godibolo dwai po waibao. Te augwaligo dagaluba tonoyu,

Kolesaga Koneai Bidigo Pusali Po Elalubo Buku 10:20

Te naga pibo be habu badu geme dualalu pila muani, te tagalao, nago te dwai posobo po te kingbolo ma te mone elalubo bidibolo me olamuo. Tama me, nago augwaliba dwai homu me igio. Tiyu, te ba me deligo nago te wabo po selama, te augwaliba wagi pidali weyu.

Kolesaga Koneai Bidigo Pusali Po Elalubo Buku 4:1

Te tobage dolo isąwai kolesagade eno homu kone ma palali, te tǫde we bidi augwaligo ebo kolesaga da. Te dwai sę ebo bidi dabego te we bidi hauwa aiyaba elalubaso, tama te we bidi augwali dwai mu gela wali. Tiali goli, augwali tau sabo bidi meni yai. Magi baso meni, te dwai sę ebo bidi dabego bomo hauwa elalubao.

Bugagia Bidibo Kolesagade Po Asęai Buku 25:18

Te bidigo aga abagiba te tibo po kodilama obaso da, teda te bidigo te abagi te bainatgo me sesemonego enebaso, ma aga te wąbi dagego elibo tiwai ebo dao.

Bugagia Bidibo Kolesagade Po Asęai Buku 19:9

Te bidigo po tųde tibo po obaso da, teda aga dwai dene saibao. Augwaligo te tobage tibo po wabo bidi ela muaibao.

Bugagia Bidibo Kolesagade Po Asęai Buku 19:5

Te bidigo po tųde te tibo po weyu da, teda aga dene dwai saibao. Augwaligo aga me gogologobeo.

Bugagia Bidibo Kolesagade Po Asęai Buku 6:19

Te tibo po tų yainu ebo kolesaga. Me, te bidi dabego te augwa ama hasi te dwai haliga ilibo kolesaga ebo dao.

Godigo Nogi Ugwaba Sabo Tęąbi Po Wabo Buku Dabe 35:11

Te tibo po wabo bidi dabego enaba te eno isiąwani dwai sę meba po enaba kisilama wali.

Godigo Nogi Ugwaba Sabo Tęąbi Po Wabo Buku Dabe 27:12

Te boi bidi dabego ena somainu, te nago ena me tagaligio. Augwaligo te po tų ebode tibo po weyu, tama ena wi ilainu eyu, augwaligo ena elaibao po wabo dao.

Jopgo Po Asęani Elalubo Buku 2:9

Tama aga we aselama, te bidi sulama, te po wali, “Magi baso nago God wali me pidubawe? Nago God tagalama, tama agabolo dwai po wao, agai nage isilimainogo tiao,” wali.

Jopgo Po Asęani Elalubo Buku 1:11

Tama ma, nago agai te nai dolama, sela sąbo si da, teda nago suaibao, agai nago gesabidide dwai po waibao,” Satan haubo bidigo te po wai.

Jopgo Po Asęani Elalubo Buku 1:5

Tama te wai pulubago nai ula tubo si ela silibo si da, teda augwali sisi elaluama, te Jopgo augwali i olama, aselama, te aga wai dabe Godigo gedude dwagi yai ma emainogo te ofa nai mayu yai. Aga kigamu hulide mu hodaluama, te nai sese bugagia mu demainu ebo dao. Te bidi agai te nai ofa aga wai dabe deli delide usu nama ulubo dao. Augwaligo te nai da tula silibo si, Jopgo tama sę naga ebo dao. Magi baso meni, agai te homugo tibo dao, agai wai dego dwai sę eyu, augwa homude Godibolo dwai po me waliwe weyu, tibo dao. Tama te kolesaga Jopgo hauwa sogo idu geai dao.

Bomai Po 22:24

teda dagego augwali si te hanu bulu badu odasa pelama, masigigo elama, isilao, te augwali si isimainao. Te we aga te hanu pąde te gela wabo odabo pąde goli, tama agai augwaligo aga tau somainogo hae wasiąama ebaso da, teda aga isimainao. Te bidi me isimainao. Magi baso meni, agai te aga abagi mebolo odolai we penani yai baso. Te tama tiyu da, dagego te dage Israel tomode elaluali dwai kolesaga ebo sela sąwaibao,” wali.

Bomai Po 22:21

teda te we te tobolu bidi dabego te we aga ayago be sunumi bulu badu odasa pelama, tama aga te hanu page bidi dabe augwa digi te masigi sąnama, tama isibode tagalao. Agai te dwai hale yai sę te dago we bidi tomode te yali dao. Magi baso meni. Aga te aga bidigo sisąbadi, aga ayago bede bidiyu, te bidi me deli dali te penani yali dao. Tama tialima, dagego aga ela mubaso, te dwai kolesaga sela sąnama, silaibao,” Mosesgo te po wali.

Bomai Po 21:21

Tialima, te hanude tobolu bidi dabego te ogwa te masigi nogogo selama, aga tigiba sąnama, elama, isilao. Tama tialima, dagego te dwai nai dabe sela sąnama, tama dage tomode elalumainu igio. Tama te Israel we bidi sesego te tama tiali po odama, tama augwali wi yaibao,” Mosesgo te po wai.

Bomai Po 13:10

Masigi sąnama, aga elama, isilao. Agai dage God dago Genuai Bidi pąde tagalama, digibulu mu pomainogo ili po olama, te kegeyu, te yali dao. Dagego kone palao, God aga digi dage Isip bulude olo sę ebo bidi bidibaso, oda sai dao.

Bomai Po 5:20

“‘Dagego ili po olama, gasa we bidi po tų ela magio.’”

Ma Dobola Sali 20:16

“Nago tibo po olama, tama gasa we bidi olo po tų ela magio.”

Hibru 11:37

Tama augwali tigiba te boi bidi dabego masigi sąyu ela muyu yai. Tama augwaligo te ni togobo so selama, tama augwali tigi te sogo togolama pedai pedalai. Tama augwaligo te bobage hwą gego augwali ela muyu yai. Tama te konealubo po dąų wali we bidi meba augwali nai meni yai baso, augwaligo te kibu sipsip tigi waligo me te meme waligo te ugwa tiwai gudama, tama augwali bilalio. Augwali te tigi tau sabo doado bage tigidali menia sali, tama te bidi dabego sęgę augwalibolo mayu, tama dwai kolesaga mu augwalibolo yai dao.

Te Israel me Juda Hani Sigo Tuni Bidigo Po Elalubo Buku Deli 21:14

Nosali augwaligo Jesebelba te tiwai po tagala palali, “Dago Nabot te masigigo ela munama isalio,” te po ola tolali.

Te Israel me Juda Hani Sigo Tuni Bidigo Po Elalubo Buku Si 6:32

Kingo te po tama olama, tama agai te Elisa eligi pao olama, tama agai bidi me deli tagala palali. Te sogo Elisa aga dali, te Samaria tobolu bidi dabe dali, tama te aga bede te aga dali bidai. Te bidi te kingo tagala palai bidi, te bidi aga sabalisiąbadi, te Elisago e tama po te tobolu bidi dabebolo e tama po ola mawai, “Dago king bidi, aga bidi ela mubo bidi dao. Tama megi agai te bidi me deli ena dogoni togomainu tagala palali dao. Tialima, te sogo te bidi asama sabalobaso da, tama dagego te be tų dąų olama, paiąo,” wali, “tama aga e be tomoba asobo usu egobeo. Tama te nosali te king aga me te bidi wali tama asobao,” wali.

Tuni Bidi Dabego Po Elalubo Buku Si 24:21

King Joas aga ofisa dabe dali augwaligo te Sekaraiago wali po wei ebeo, tama augwaligo aga ela isilabo po miani. Tama tialima kingo pode te bidi dabego masigigo Sekaraia enani, tama aga te Genuai Bidigo tempel be bagulali obo tomode sisinibo pesagede elama isilali.

Bugagia Bidibo Kolesagade Po Asęai Buku 19:28

Te dwai kolesaga ebo bidi te po tų ebo witnes bidi pedalubaso da, teda agai te po tų tibo eyu, te dolabo homu pemene ebo dao. Te dwai kolesaga ebo te tobage bidigo te tubo nai tiwai ebo dao.