Te Israel me Juda Hani Sigo Tuni Bidigo Po Elalubo Buku Deli 20:16 - Godigo dwagi yai po buku

¹⁶ Te giliga tomo yagasu, te belo wabo side, augwa te taun tagalama, te boi hwįainu pali. Te sogo Benhadat dali, te gasa 32 king dabe dali, te Sukotde bidaluyu, te bomai wain ąį tulama, te gęǫ page sę ebo gagalalio.

Te Israel me Juda Hani Sigo Tuni Bidigo Po Elalubo Buku Deli 20:16 Referans Kwoze

Hosea 4:11

Genuai Bidigo te po wali, “Te haniani bomai wain ąįgo te eno we bidi dabego homu kolesaga ayana palama, dolobo dao.

Aisaia 54:15

Te hani mebago nage dali hwįai olama, asobaso da, te nago te tiwai koneao, te augwali eno tagala palobaso me asobeo. Menio. Te augwa homugo digi asali. Tama augwali te eno nago nogoba mueibao,” wali.

Te Israel me Juda Hani Sigo Tuni Bidigo Po Elalubo Buku Deli 16:9

Tama te king Ela aga sę ebo ofisa bidi, agai nogi Simri, tama te bidi agai te king Ela ela muabo sunumi kegali. Te bidi Simrigo agai te king bidigo boi hwįbo nai karis me badu bugulama, te Simrigo tonalubo sę yai. Me sogo deli te king Ela aga te bidi Arsago beba pai, tama te bidi aga te kingo be tonalubo sę ebo bidi da. Tama agai suali, ma te king Ela aga te bomai wę tuyu bidibo suai, tama aga te wabo pabo gagalobo suali.

Te Israel me Juda Hani Sigo Tuni Bidigo Po Elalubo Buku Deli 16:7

Te king bidi Basa agai te Genuai Bidigo gedude sęgę sai, te king Jeroboam aga hani dali bidiyu, te augwaligo yali kolesaga tiwai mu yali, tama te king bidi Basa agai te dwai kolesaga ebaso, te Genuai Bidigo haliga sębę dwai mu yai. Tama me, te king Basa agai te king Jeroboamgo hani we bidi dabe tigidali ela muna silali. Tama tibaso, te Genuai Bidigo te profet bidi Jehu tagala palama, tama aga te king Basa pageba pelama, tama agai agabolo e tama tiwai po ola mani, “Genuai Bidigo nage dali, te naga hani dali si tigidali agai dolaibao po walio,” po wali.

Te Israel me Juda Hani Sigo Tuni Bidigo Po Elalubo Buku Deli 20:15

Tialima, kingo te gesi ogwa bidi ami soldia i olama, sisinagasomainogo yali. Te augwaligo namba te 232 usu da. Tama nosali agai te gasa Israel ami tigidali sisinagasomainu i wai. Te augwaligo namba te bidi sese umabo mu, te 7,000 bidi dabe dao.

Te Israel me Juda Hani Sigo Tuni Bidigo Po Elalubo Buku Deli 20:17

Benhadatgo te aga ami soldia dabe tagala palama, te Israel ami dabe asobo tonalugi pomainu yali, tama augwaligo te Israel ami bidi dabe aselabo suai. Te augwali ma pelama, te tiwai po te Benhadatbolo wagi pali, “Bidi meba te Samaria tagalama, asobao,” po wali.

Te Israel me Juda Hani Sigo Tuni Bidigo Po Elalubo Buku Deli 22:31

Te sogo naga tama, te Siria kingo te 32 kepten bidi dabe i wali, te ami augwali te karisde dolalu hwįbo bidi dabe augwaliba te tama po wali, “Dagego te Israel kingba naga boi hwįąo, te dagego gasa bidi dabeba me hwįnamo dao,” wali.

Bugagia Bidibo Kolesagade Po Asęai Buku 20:1

Te bomai wę hauwa tubo bidigo te posobo po weyu, te dwai po me weyu, te hwįyu yaibao. Te bomai węgo aga tonalumainu ebo bidi da, teda aga wiegi yai homu me elalubeo.

Amos 6:7

Tama tialima, dage Israel bage te gasa buluba kalabus sela pabo sogo, dage naga te polasa pabo hani mu tiwai pedaluyu paibao. Tama duga te genuai nai daa tuali tiwai munu ma tugobeo.

Aisaia 5:22

Dage te bomai wę tubode genuai nogi elalubo bidi dabe, dage dolaibao, te dagego bomo de kolesaga si da, te haniani wę sįsįbo delide naga dao.