Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Deli 20:13 - Godigo dwagi yai po buku

13 Te sogode te profet me deli te king Ahapba pelama, agabolo te tama po walali, “Genuai Bidi Godigo te tiwai po wai, ‘Te Benhadatgo genuai ami soldia hani suao. Megi da, eno te nago augwali aiyaba elalumainu sula tagalaibao. Te nago koneama, ena digi ena Genuai Bidi da wao.’ Genuai Bidigo te po wai,” te profet bidigo wali.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Deli 20:13
22 Referans Kwoze  

Tialima, te profet te king Ahap bidibo madiba ma pelama, agabolo te tiwai po wai, “Genuai Bidigo te tama po walio, ‘Te Siria dabego ena te bulu dude bidibo God da tiwai po obao, tama ena te odogo bulude God meni da po wai. Tama tialima, eno dagego te augwaligo genuai ami bidi dabe aiyaba elalubo si da, teda dage Israelgo koneagameo, ena digi ena Genuai Bidi dao, dagego te tama po waibao,’ God Genuai Bidigo te po wai,” profet bidigo te po wali.


Tiali goli, eno tama tebeo, magi baso meni, te tiwai eyu da, te gasa hani we bidi dabego gedude te eno nogi aiyaba elaluidali homu yali. Te hani dabego eno te Israel dabe Isip tǫ kantride selama, odasa asobo suali, tibaso eno te Israel dabe dolainu yali homu hagela yai.


Agai te tama po wai, “Te sogo te Israel dagego koneiagameo, ena tama ena God, te duga Genuai Bidi da waibao. Ena te Saionde bidibao, ena bulu du deli digi dao. Te Jerusalem eno te ena taun naga pedelama, te gasa hani dabe augwaligo boi bidi homu eyu, te tomoba ma pogobeo.


Tialima, eno te tiwai sę isąwani, magi baso meni, te tama sęgo eno ena nogi te gasa hani dabe gedude aiyaba elalueiba homu yali. Eno te Israel dabe augwali te Isipde selama, odasa asobo augwaligo suali, tialima eno te Israel dabe me dolobeo.


Te Genuai Bidi, dena God, eno homugo te megi nago da tau somainu homu eyu, tama da te king Senakeripgo nogode ma dobola sao homu yai. Tama te tigidali tǫde we bidi hanigo te tiwai bugagia koneyu, nage naga nage te Genuai Bidi da waibao,” po wai.


Tama te moni nasi ebo sogode Elisago te po wei ponoyu, e tama wali, “Mu tama dao, odao. Genuai Bidigo te po wai, ‘Do tama tibo sogo bodolude, te we bidi dabe augwali te taun sunumi pąde elalubo maket teba peyu, tama augwaligo te 3 kilogram te witgo nigai dwagi yai plaua abeligi paibao, me te 6 kilogram rais bali, te podolai monego abeligi paibao’ tama wali.” Elisago te po wali.


“Eno te Israel dabe augwaligo wado po wali po odalio. Tama te po augwalibolo wao, te pio mu augwaligo te nai mi tuyu, tama kigamu augwaligo te bret te augwa homugo sela tuao. Augwaligo te nai sela tuyu, tama augwaligo te tiwai koneyu, ena Genuai Bidi Yawe, ena digi ena te augwaligo God da, te augwaligo konemainao,” wali.


Tama eno te Isip dabe aiyaba elalubaso, tama augwaligo homugo ena digi te ena Genuai Bidi Yawe dao,” agai te po wai.


“Te boi bidi dabe te Israel tǫ kantri pedai tigidaliba pelama, te we bidi hauwa ela mueibao. Tama te gasa Israel dabego te tama tebo sę bugagia te tiwai koneyu, ena digi ena te Genuai Bidi dao po waibao,” wali.


Eno homugo nago te tiwai yao homu ebao, teda augwa mu konemainu ebao, nagaduba deli naga, nage te Genuai Bidi, tama nage te Ugwade Mu Bidibo God da, tama nago te tigidali tǫ tonalubo dao.


Tiali goli, Genuai Bidigo te Israel hani augwali hobede mu yali, tama tibaso, aga bugai homu pemene augwaliba yali. Agai te polobadu te Abraham dali, te me te Aisak ebadi, me te Jekop ebadi, te bage dali te agai bomai po bodolu selama, dąų waliba gogone peyu tama tiali, tama teyu, agai te Israel bage augwali tau selama, tama agai augwali munu me dolobe. Tama agai homugo te Israel hani sela sąnama, tama augwali te aga gesabidide te augwali digibulu bidigi pabo agai hagela homu yali.


Tialima, Joap te aga ami bidi dabe dali pelama, te boi hwįgi pobadi, tama te Siria dabe wi pela walio.


Tialima, Ahapgo profetba te tiwai hanalu wali, “Dego augwaliba hwįnama, te augwali aiyaba elalueibawe?” Tama profetgo Ahapbolo te tiwai po wali, “Genuai Bidigo te po wai, te gesi ogwa bidi ami soldia dabe, te tǫ pedai distrikde bidibo tobolu bidi dabe bidibo, te hani dabe augwaligo te augwali aiyaba elalueibao,” wali. Te king agaba ma hanalu wali, “Te dego mu augwalibolo hwįgi pao obaso, te augwaligo hwįgi paibawe?” Te profetgo tama po wali, “Nage tama dao.”


Te nosali te profet bidi te king Ahapba pelama, agabolo te po ma wali, “Nage ma begasa solama, te naga ami bidi dabe ma dąų walama, te nago mena kolesagago te Siria ami dabe dali hwįabo te bugagia homu kone palao. Magi baso meni, te Siria kingo dageba te nosali kibu bede ma hwįagasaibao,” te po wai dao.


Tialima, Genuai Bidigo Josuabolo te po wai, “Te boi bidi augwalide wi me igio. Eno augwali te nago nogoba manio. Te bidi me deligo dage aiyaba me elalugobeo,” wali.


Te we bidi augwaligo te sulama da, teda augwa digi te tǫba pinilaluama, tama augwaligo te tiwai i hai wali, “Genuai Bidi naga aga God mu dao. Genuai Bidi naga aga God mu dao,” te po wai dao.


Tama te Elisago agai po me wadolama pusuyu, e tama wali, “Genuai Bidigo te homu yai, te wę dage mabo sę, te genuai nai menio. Te dwasianu nai dao. Tama tialima, Genuai Bidi agai homugo te gasa sę dagebolo me mawaibao. Te sę tama pedalaibao, te dagego te Moap hani dali boi hwįbode agai dage tau selama, augwali aiyaba elaluaibao, wali.


Tama agai e tama po wali, “King Jehosafat, me Jerusalem we bidi, dage me tigidali Juda bulu we bidi, dagego bugagia odiąo. God Genuai Bidigo te po wali, ‘Dage te genuai ami hanide wi elama homu sęgę kuna igimio. Menio. Te hwįabo te God agaduba sę dao, te dagego sę menio.


Tiali goli, dagego duga digi me hwįgobeo. Mu menio. Te dage te boi hwįbo pesageba saboligi pabo sogo da, teda dage olo dolaluyu olo tonaluiąo. Tama dagego gedugo suaibao, te Genuai Bidigo dage tau selama hwįaibao, tama dage tau selama augwali aiyaba elaluaibao. Dage Jerusalem we bidi me Juda bulu we bidi, dage homu sęgę elama dage wi igimio. Do dage hwįainu piąo, Genuai Bidi dage dali bidaibao,’ Genuai Bidigo te po wai,” Jahasielgo te po wali.


Swiv nou:

Piblisite


Piblisite