Te Israel me Juda Hani Sigo Tuni Bidigo Po Elalubo Buku Deli 2:32 - Godigo dwagi yai po buku

³² Genuai Bidigo te wei ponobo dwai kolesaga te Joapba me iduaibao, te aga yali dwai sęde te tama tiaibao. Joapgo te Nergo ogwa, Apner, te olo dali elali, tama te Amasa, te Jetergo ogwa me elali. Apner te Israelde ami bidi dabego polaluali ofisa bidi, tama Amasa te Juda bage ami bidi dabego polaluali ofisa bidi da. Te bidi si te wiegi yai bidi si, tama te magi dwai sę me isiąwai, tama augwali sigo kolesagago te Joapgo kolesaga aiyaba elaluali. Tiali goli, Joapgo te eno ayabolo po me wasiąma, tama agai te aga homugo digi te bidi si ela muai dao.

Te Israel me Juda Hani Sigo Tuni Bidigo Po Elalubo Buku Deli 2:32 Referans Kwoze

Te Israel Tobolu Bidi Dabe 9:24

Te sę pedelali te Abimelek dali, te Sekem bidi dabe dali, te augwaligo yali dwai sę wei ponoyu tiali, magi baso meni, te bidi dabe augwaligo aga bomo mayu dąų walobaso, te agai ama dede dabe ela muani, te augwali Jerubalgo ogwa dabe te bidi sese sela olama nogo si te 70 bidi ela muai dao.

Godigo Nogi Ugwaba Sabo Tęąbi Po Wabo Buku Dabe 7:16

Te tiwai naga aga te yali dwai sę tiali aga pageba ma asobo dao. Tama agai te gasa bidiba te wado me hwįyu ebogo begelama, tama aga digi aga dolaibao.

Tuni Bidi Dabego Po Elalubo Buku Si 21:13

Nago Israel dabego dwai kolesaga wali peyu, tama nago Juda dabe me Jerusalem dabe kegelama, tama augwaligo God tudiba mani dao. Nago Ahap aga hani dali augwaligo te Israel hani dali kolesaga tiwai mu tama te yali dao. Tama me ma, nago naga ama solo mu elama isilai dao. Augwali wiegi yai bidi dabe mu, tama augwaligo kolesaga nago kolesaga mu edelai dao.

Te Israel Tobolu Bidi Dabe 9:57

Tama Godigo te Sekem dabe augwa dwai kolesaga yali sę wei ponani. Polobadu Jotam, te Jerubalgo ogwago te Sekem dabe augwali dolaibao po wali, tama megi da te tiwai sę pedelalio.

Te Israel me Juda Hani Sigo Tuni Bidigo Po Elalubo Buku Deli 2:5

“Tama odao, nago koneani, eno te Seruiago ogwa te Joapgo dwai kolesaga yalide te eno genuai sęgę elalubao. Agai te Israelde te polalubo ofisa bidi si ela muani, te Apner, te Nergo ogwa, me te Amasa, te Jetergo ogwa ela muani. Agai augwali si te hwįbo side me ela mubeo. Menio, agai te bidi si te odolali tama ela muani, tama te dwai sę yali sęgę te agade daganalubo dao.

Esta 1:19

“Tialima, king bidi, nago homugo te po wiegi yai da wida, te nago te bidi dabebolo te tiwai po me tolao, te kwin Vastigo te nage me suagasigi po wao. Te po te Persia me Midia dabego te bomai po asębo bukude asęao. Tama te bomai po hasegelibo usu me egobeo. Tama nago te we Vasti te hasegelama, tama sawi yai dwagi yai we me selama, tama aga te gavman tuni we kwin nigilao.

Te Israel me Juda Hani Sigo Tuni Bidigo Po Elalubo Buku Deli 2:44

Te nago dwai kolesaga te nago eno aya Devitba yali, te nago koneai. Tama megi da, nago te yali kolesagade, te Genuai Bidigo te nageba dene mawainu ebao,” wali.

2 Samuel 17:25

Apsalomgo te Amasago te Joapgo pesage selama, te aga ami dabego polalubo ofisa bidi nigilali. Amasa te Jetergo ogwa dao. Jeter te Ismael hani bidi me deli, tama agai te we Abigel sali, te Nahasgo wegi da. Tama Seruia, te Joapgo ida, aga te Abigelgo ama dao.

2 Samuel 4:11

Tama megi dage sigo te bidi me deli te aga bede pila munubadi, te odolali mu ela muanio. Dage si te dwai bidi si mu. Tama dage sigo homugo te dage si eno gogolama, bidaiba homu eyu, yali da, agawe? Mu menio. Te eno dage sigo dwai kolesaga yali sę wei ponoyu, tama eno dage sigo bidabo ula me mu sia somainu yaibao,” Devitgo te po wali.

2 Samuel 3:37

Tama te Devitgo we bidigo me, te Israel we bidigo me, te sę dabe te king Devitgo te sogode ebo sulama, tama augwa te tama koneani, te kingo te Nergo ogwa Apner ela muani bidi dali te deli homu me ebe homu yali.

1 Samuel 15:28

Tama Samuelgo te tebo sulama, tama Solbolo te tiwai po wali, “Te usu da, odao. Megi te Genuai Bidigo te king sę nagede elaluali te sela sąwani, tama nago te Israel dabe munu me tonalugobeo, te nago megi te ugwa pisila sąwani tiwai gilama ebao. Tama agai te gasa Israel bidi me deliba mawaibao. Aga te wiegi yai bidi te nage aiyaba elaluai dao.

Tigidali Nai Gagalama Nigali Side 4:11

Megi te eno nage dolabo bomai po obao. Nage te naga gi sę yabo tǫde bidibo gudulama, paibao. Magi baso meni, te naga nogogo digi te naga ama kaneme te tǫba gelalio. Tama te tǫ te penane dalalubo tiwai elama, tama te kaneme tualio.

Tigidali Nai Gagalama Nigali Side 9:6

Te bidigo gasa bidi ela mubosi, aga digi te bidi dabego nogode isimainogo yaibao, magi baso meni, ena God eno bidi nigali, te ena noma bidi tiwai digi nigali.

Tigidali Nai Gagalama Nigali Side 42:22

Tama Rubengo te po wali, “Eno dagebolo weyu, te dagego dena ama doligio po wali, tiali goli dagego te po me odai meni. Tama megi te sęgę dago sabo, te aga isainu yali te wei ponobao,” te po wali.

2 Samuel 1:16

Magi baso meni. Tama Devitgo te Amalek bidibolo tama te po hasia bolo walio, “Te naga digi yali sęgo, te nage isaibao. Naga digi nago te Genuai Bidigo sa muyu nigilali king ela muani po te hanilama pusali dao,” wali.

2 Samuel 3:39

Te mu tama, Godigo ena sa munama, tama ena te king pedelali. Tiali goli, eno digi eno te Seruiago ogwa sigo yali dwai kolesaga wei ponabo bomo menio. Augwali si te bomo elalubao. God Genuai Bidigo digi te augwaliba dene mayu, te augwa yali dwai kolesaga usu niyu tiaibao,” king Devitgo te po wali.

Tuni Bidi Dabego Po Elalubo Buku Si 21:14

Tama tialima, Genuai Bidigo naga we bidi dene mayu, me naga wai puluba dabe me dene mayu, me naga we dabebolo me dene mayu yaibao. Tama me agai nago doado bage dabe me dolaibao.

Israel Hanigo Namba 32:23

“Megi eno po bomona dage dali te obao, dagego duga dąų wali po wali pisiąbaso da, teda dagego Genuai Bidi dali sęgę saibao. Tama dagego te tama koneao, Genuai Bidigo dagego dwai sęgę kone palama, tama dage ela silaibao.

2 Samuel 3:29

Tama Genuai Bidigo agade me te we wai sibi tigidalide homu kone palama yaibao, tama aga wąį te nosali pedalubode me, tama Genuai Bidigo te augwaliba dene mawaibao. Eno homugo te Joapgo hani bidi sibi deli delide te tobage gasi nogi gonoria me, oiyabe gasi me, ma augwali te we dabego sę naga emainu me, ma te boi bidi dabego augwali te hwįbo side ela mumainu homu ebo me, ma augwali te sesemane sogo nai nasi eyu, te nai sǫą pomainu homu ebao,” Devitgo te po wai.

Te Israel me Juda Hani Sigo Tuni Bidigo Po Elalubo Buku Deli 8:32

teda Genuai Bidi, nage te dagalude bidiyu, tama nago augwali sigo te po wabo odolama, tama augwaligo te po tų dodolao. Tama nago te dwai sę yali bidiba te dwai dene ilama, tama te dwai kolesaga agaba wei ponao. Tama nago te dwai sę isiąwani bidiba te wiegi yai sę eyu, te agai dwai sę isiąwani te bidiba ola mayu, te tama tiao,” wali.

Godigo Nogi Ugwaba Sabo Tęąbi Po Wabo Buku Dabe 7:17

God te doloba pai mu da, tama tiyu, eno agaba usu da weyu, gedu haluasa po waibao. Tama te Ugwadu Mu Bidibo God nogi ugwaba selama, te eno balia po dabe waibao.

Esekiel 17:19

“Ena God Genuai Bidi, ena sesemane sogo bidibao, eno mu po tama obao, eno te Juda kingba dwai dene mawaibao. Agai te po dąų wali sogo agai eno nogide bomai po dąų weyu, te dąų wali po wali paibao wali, tiali goli agai wali pabeo.