Te Israel me Juda Hani Sigo Tuni Bidigo Po Elalubo Buku Deli 2:3 - Godigo dwagi yai po buku

³ Tama nago te tigidali sę te God, dago Genuai Bidigo, te nagebolo yao po wali sę te yao. Nage te wiegi yai sunumidu bilao, te agai daba te tiwai tama sa muani, tama nago te bomai po tigidali wali peyu, tama aga po te Mosesba mani bomai pode te po elalubao. Tama te nage mena badu pedaide bidibaso da, te tagala, tama te Godigo nage tau siyu, te nago ebo sę tigidali te wiegi yai pedelaibao.

Te Israel me Juda Hani Sigo Tuni Bidigo Po Elalubo Buku Deli 2:3 Referans Kwoze

Bomai Po 29:9

Tama Mosesgo te po me wali, “Tigidali sogo dagego te dąų wali po wali pao. Tama eyu da, dagego tigidali ebo sę dabe wiegi yai pedalaibao.

Godigo Nogi Ugwaba Sabo Tęąbi Po Wabo Buku Dabe 119:2

Homu si isiąwai bidi dabe, augwali Godigo po tigidali wali pabo bidi dabe, augwaligo homu dwagi yai yao.

Tuni Bidi Dabego Po Elalubo Buku Deli 29:19

“Nago Solomonba wiegi yai homu kolesaga hodolao, eno ogwa da, te agai nago bomai po me nago po mobo mabo wali pelama, tama agai nago te wiegi yai be sę emainao, eno te be sę yabo doado bage sisi ilai dao,” Devitgo te gedu haluasa po tama wali.

Godigo Nogi Ugwaba Sabo Tęąbi Po Wabo Buku Dabe 119:111

Eno nago po sesemane sogo totalua pidubo dao. Tama te pogo eno haliga pemene ilibo dao.

Malakai 4:4

“Dagego te eno sę bidi Moses nogoba te Sainai bulu dude mani po dabe me bomai po me te munu me tagaligio. Eno te po agabolo mani te tigidali Israel we bidigo wali pomainu yai dao,” Genuai Bidigo te po wai.

Godigo Nogi Ugwaba Sabo Tęąbi Po Wabo Buku Dabe 119:138

Nago dabolo mani bomo yai po tigidali doloba pai elalu, tama wiegi yai naga elalubo dao.

1 Samuel 18:14

Tiali goli, Genuai Bidi aga dali bidiyu, tama aga tau siyu, tama tigidali sę agai ebo te wiegi yai naga pedelali.

Josua 22:5

Tama dagego homu kone bugagia palama, tama te Genuai Bidigo sę bidi te Mosesgo po dabe me te bomai po te dagebolo mani, bugagia wali pao. Te bomai po page e tiwai dao, dagego duga Genuai Bidi God godolo mu iyąo. Tama dagego agai homu kolesaga me, po me, wali pao. Dage te aga dali bidiyu, tama dagego homu kolesaga me bomo tigidali te agaba munama, tama agai sę yao,” agai te po wai.

Godigo Nogi Ugwaba Sabo Tęąbi Po Wabo Buku Dabe 19:7

Genuai Bidi Godigo bomo yai po te tigidali dolo mu naga ebo dao, tama dabolo bidibo bomo yai ula mabo dao. Genuai Bidi God agai pode dago bomo yai homu agabolo dąų olama, muyu da, te usu mu yaibao. Te pogo dwagi yai homu kolesaga agai po kuna konesiąwani bidi polo agai mabo dao.

Te Israel me Juda Hani Sigo Tuni Bidigo Po Elalubo Buku Si 18:7

Tama teyu, te Genuai Bidi te king Hesekia dali bidiyu, tama aga tau sali, tama tigidali sę agai yali, te bugagia mu pedalali. Te king Hesekiago homugo te Asiria hani king bidigo te Juda hani augwali tonalubo hagela mu yali, tama tibaso augwali te hanigo dologode ma bidibe.

2 Samuel 8:14

Tama Devitgo te aga ami hani bidi meba te Idom bulu tǫ pedaide munama, te Idom dabe tonalumainu yali. Tama te Idom dabe aga dologode bidai. Te Devit pelama, hwįgi pabo bulu tǫ pedai tigidalide, te Genuai Bidigo aga tau siyu, tama aga ugwaba dįą holali.

2 Samuel 8:6

Tama Devit aga ami bidi meba te Siria dabego bulu tǫ pedaide muna muna pelama, te augwaligo wąbi ma hwįdali weyu, te tonalumainu muani. Tama te Siria dabe te Devitgo dologode bidiyu, tama augwaligo agaba takis mone mani. Te tigidali bulu tǫ pedaiba Devitgo boi hwįgi pabo side, te Genuai Bidigo aga tau siyu, tama aga ugwaba dįą holali.

1 Samuel 18:30

Te hauwa sogo te ami dabe augwa polalubo bidi kepten tego te Filistia ami bidi dabe odasa asu, te Israel dabeba hwįagasali, tiali goli Devitgo aga ami bidi dabe daligo te hwįbo bomo mu eyu, tama augwali aiyaba elalu iduali. Te Solgo gasa ofisa dabe te augwa hani ami dabe dali te augwaligo hwįbo bomo te Devitgo hwįbo bomo tiwai gilama me ebeo. Tama tibaso, te we bidi dabego te genuai nogi Devitba mayu yai dao.

1 Samuel 18:5

Tama Devit te Sol dali bidali, tama Solgo te Devitbolo olama, te ami bidi dabe selama, te boi bidi dabe dali hwįgi pao wali, tama augwali hwįbo sogo da, teda Devitgo hanigo te boi bidi dabe aiyaba elaluali. Tama tibaso, Solgo aga te ami dabego polalubo ofisa bidi nigilali. Te tigidali we bidigo me, te Solgo ofisa bidi dabego me, augwaligo suali, Devit te genuai bidi pedalubaso, tama augwali bugai haliga mu yai.

Bomai Po 5:1

Te Mosesgo Israel we bidi tigidali i ola sisinama, tama agai augwalibolo te po walali, “Dage Israel dabe, dagego eno megi dagebolo mawainogo ebo te bomai po odiąwe. Dagego te bomai po konea sao, tama bugagia wali piąo.

Bomai Po 4:45

Agai te bomai po augwalibolo augwali te Isip bulu taga solama, tama augwali te giliga asobo badu te Jordan wę badu, te malu bulude bidibadi, te po mani, te Betpeorba tonobo badu polo badu. Te badu te tǫ te tuni bidi Sihon, te Amor dabego tuni bidigo tǫ dao. Polobadu agai te hanu Hesbonde bidiyu, te tǫ tonaluai dao. Tama Moses de Israel dabe augwaligo te bage augwali te Isip bulu tagalama asali sogo, augwali aiyaba elaluai dao.

Bomai Po 4:8

Tama te gasa we bidi augwaligo te doloba pai bomo yai po augwaligo elalusiąwai, te eno dagebolo me e ola mabo haniani bomo yai po tiwai elalubeo. Mu menio.

Bomai Po 4:5

“Edao. Eno dage tigidali haniani bomai po ola mena silali, te God dago Genuai Bidigo dabolo wali gilama tiai dao. Megi da, dage te bulu sigi pelama, tama tede duagi paibao. Tama dage te bulude bidiyu da, teda dagego te bomai po tigidali wali piagameo.

Bomai Po 4:1

Megi da, Mosesgo te we bidibolo te tama po walali, “Dagego eno megi dagebolo mabo po bugagia wali pobaso, tama dage bugagia bidiagameo. Tama dage duga wąį dabego God, Genuai Bidigo mawainu ebo tǫde bidiagameo, te dagebolo megi mabo tǫ dao.

Pris Sę Ebo Bomai Po 8:35

Dage te sel Ugwa Be sunumide te giligade me hulide bidalubadi, te a naga olama, me si sogo usu nao, tama dagego te Genuai Bidigo dagebolo yao wali sę tigidali yao. Genuai Bidigo enabolo tama tiwai po wai. Tiyu, dagego agai po sela sąbaso, te dage isabuo wai dao.”

Te Israel me Juda Hani Sigo Tuni Bidigo Po Elalubo Buku Deli 3:3

Solomongo te Genuai Bidi godolo mu elama, tama agai te wiegi yai kolesaga dabe wali pali, te aga aya Devitgo kolesaga tiwai yali, te agabolo te tiwai tama yao po wali. Tiali goli, agai me te kibu dabe elama, tama te lotu wabo pesagede te Genuai Bidiba ofa eyu yai, te bulu du bage dabede tama iduai.

Bomai Po 29:8

Tama dago augwaligo tǫ selama, dago Ruben hani de Gat hani, me te Manase hani bugai, augwalibolo dobawai dao,” wali.

Josua 23:6

“Tama dage bomo mu dolaluyu, tama bugagia dua tama elama, tama dagego te tigidali po te Mosesgo asęani bukude elalubo bomai po wali piąo. Dagego te agai po dwasianu me deli tagalamuo.

Kolesaga Koneai Bidigo Pusali Po Elalubo Buku 12:13

Te tigidali po siminagasu, eno te tiwai po obao, te da bidigo bidibo ulade polalubo sę te tiwai elalubao. Dago God naga dologode bidiyu, tama agai bomai po dabe wali pao.