Te Israel me Juda Hani Sigo Tuni Bidigo Po Elalubo Buku Deli 2:10 - Godigo dwagi yai po buku

¹⁰ Tama nosali, Devit isilama, tama augwaligo aga te Jerusalemde pubulali, te hanu pedai augwa te tama nogi poali “Te Devitgo Hanu da,” wali.

Te Israel me Juda Hani Sigo Tuni Bidigo Po Elalubo Buku Deli 2:10 Referans Kwoze

Godigo Sęba Tagala Palai Bidigo Po 2:29

Te Pitago te we bidi dabebolo po ma wai, “Ena hani bidi ama dabe, dago wąį mu Devit, te bidide po eno dagebolo hania haninama mu pusa momainu, e po obao. Devit polobadu isali, tama augwaligo aga pubulali. Agai tigi muani pesage te da bidibo digi pąde e elalubao, te ede me munalubuo. Tama tibaso, dago konebo dao, te Devitgo agai wali po agade digi wabe, te Jisasde wali.

Godigo Sęba Tagala Palai Bidigo Po 13:36

Tama Devit agai Godigo sę aga hani we bidi tomode elama, tama aga nosali isai. Tama isąma, augwaligo aga wąįgo masigi dudulaweba mugi pai. Tama tede aga tigi damua pai. Tama dago Devitgo polobadu wali po koneao, te po wali Devit aga tigide wabe. Agai tigide wabeo.

Tuni Bidi Dabego Po Elalubo Buku Deli 29:28

Aga te we bidi augwaligo gedude genuai nogi elaluai, te agai mone me doado bage hauwa elalualio. Aga bidali sogo pęwadage meni, aga bidada pelama, monu dabe mu elama aga isalio. Nosali aga ogwa Solomongo agai sę yali pesage selama, te king pedelai dao.

Te Israel me Juda Hani Sigo Tuni Bidigo Po Elalubo Buku Deli 11:43

Tialima, aga isibaso, tama augwaligo aga te Jerusalem tǫ pedaide pubulali, augwa te nogi poyu, te Devitgo Hanu Da wali. Tama Rehoboam, te aga ogwago, te agai sę yali pesage hasegelama, tama te king pedelali.

Te Israel me Juda Hani Sigo Tuni Bidigo Po Elalubo Buku Deli 1:21

“Te nago augwaliba megi po walisiąbaso da, teda nage isai madi da, te bidi dabego ena dali me eno wai, Solomon, da si te bidi me we dwai subo tiwai eyu, tama augwaligo da si ela muaibao,” Batsebago te tama po wai.

Te Israel me Juda Hani Sigo Tuni Bidigo Po Elalubo Buku Deli 3:1

Solomongo te Isip king bidigo wegi sai, tama te kolesaga yaligo agai te Isip king bidi dali te bomai po dąų walali, tama te bulu tǫ pedai kantri si te bugagia bidiyu, tama te hwįyu me ebeo. Solomongo aga we te Jerusalem te Devitgo Hanuba odasa asali. Tama te Solomongo te aga be me, te Genuai Bidigo tempel be me, te Jerusalem obo bagulu, tama te sę dabe ebadi yali sogo, te we aga dali te sogo tede bidali.

2 Samuel 5:7

Tiali goli, augwaligo po te geda muani, magi baso meni, Devit dali, te aga ami bidi dabe dali, hwįgi pelama, tama te bomai masigigo bagulai obo elaluali taun salio. Te taun nogi Saion, te Jerusalem bulu me badu pedai dao. Tiali goli, nosali te we bidi dabego te tiwai nogi polali, Devitgo Taun da wali.

Tuni Bidi Dabego Po Elalubo Buku Deli 11:7

Tama nosali Devit pelama, te Saionba bidigi pai. Tama tialima, te we bidi augwaligo te taun nogi e tama wali, Devitgo Taun Dao.

Te Israel me Juda Hani Sigo Tuni Bidigo Po Elalubo Buku Deli 11:21

Te Hadat te Isipde bidali, tama nosali agai te tiwai po asobo odali, Devit dali Joap me, te Israel ami tonalubo polaluali ofisa bidi, te isali po odali. Agai odali, te Israel bage te isali po wai. Agai te po odama, teda aga pelama, te Isip kingba te tiwai po wagi pali, “Eno homugo te nago ena te ena bulu tǫba ma pomainu ilao,” po wali.

Tuni Bidi Dabego Po Elalubo Buku Si 9:31

Tialima aga isibaso, augwaligo aga te Jerusalemde pubulali, te augwaligo Devitgo Taun Dao wabo madi. Tama aga ogwa Rehoboamgo agai king sę sali, tama aga king pedelali.

2 Samuel 5:9

Tama nosali, Devit te Saionba bidigi pelama, tama te taunba te tiwai nogi mawai, Te Devitgo Taun da wali. Tama Devitgo te po wali, tama te sę bidi dabego te taun bagulama, be dabe sę yao po wai. Augwaligo te be dabe sę ebo gagalu, te tǫgo pągąnani bulu me deli odogode te be dabe sę yani.

2 Samuel 7:12

“‘Te nage isibode te augwaligo nage pubalubo sogo, teda te eno nago ogwa me deli te king pedalumainu ilama, tama aga te bomai king pedelama, tama eno te magi nai me deligo aga aiyaba elalumainu me egobeo.

Te Israel me Juda Hani Sigo Tuni Bidigo Po Elalubo Buku Deli 8:1

King Solomongo te tigidali te Israel dabe te polalubo bidi tigidali dali, te tigidali hani sibi tobolu bidi dabe dali, te genuai haniba po ola tolali, tama te dwasianu hanigo tobolu bidi dabeba me po weyu, tama agai augwaliba po waliyu, te augwali aselama, te aga bidibo Jerusalemba sisinagasao po wai. Agai augwali te Saionba pomainu homu yali, te Devitgo Taun Hanuba pelama, tama te Genuai Bidigo Dąų Wali Bomai Po Muani Halobage sigi pelama, tama Genuai Bidigo tempel beba tolasa asao po wai dao.

Te Israel me Juda Hani Sigo Tuni Bidigo Po Elalubo Buku Deli 14:31

Tama nosali te king bidi Rehoboam isai, tama augwaligo aga tigi te aga wąį nǫų Devitgo taun bulu te isali bidi pubalobo gų pageba augwaligo aga tigi pubaligi pai. Tama aga ogwa, nogi Abiya, agai te aga ayago yali sę agai selama, tama aga king bidi pedelali. Rehoboam aga ida, agai nogi e tama Nama da, tama aga page bulu te Amon bulu hani we dao.

Te Israel me Juda Hani Sigo Tuni Bidigo Po Elalubo Buku Deli 15:8

Tama nosali te king bidi Abiya isibo si, tama augwaligo aga tigi sela pelama, te aga wąį nǫų Devitgo hanu taunba pubaligi pai. Tama aga ogwa, Asa, agai aga ayago king sę yali silide selama, te aga king pedelama bidali.

Te Israel me Juda Hani Sigo Tuni Bidigo Po Elalubo Buku Deli 15:24

Tama nosali te king Asa isibaso, augwaligo aga tigi te aga wąį nǫų dabe pubalobo gų pageba pubaligi pali, te aga wąį nǫų Devitgo hanu taunba. Tama te aga ogwa Jehosafatgo, agai te aga ayago sę yali silide selama, tama aga te king bidi nigilama bidali.

Te Israel me Juda Hani Sigo Tuni Bidigo Po Elalubo Buku Deli 22:51

Te nogo si olama, sągągo a naga me si, te tama kibu be te Jehosafat te Juda king bidali kibu bede, Ahasia, te Ahapgo ogwa, te Israel king pedelali. Te aga Samariade te kibu be si tama bidalio.

Te Israel me Juda Hani Sigo Tuni Bidigo Po Elalubo Buku Si 8:24

Nosali te king Jehoram isali, tama augwaligo te aga tigi te aga wąį nǫų pubulali gų pagede aga pubulali, te king Devitgo moni hanude. Tama aga ogwa, Ahasia, agai aga ayago yali sę te agai selama, tama aga king bidi nigali.

Te Israel me Juda Hani Sigo Tuni Bidigo Po Elalubo Buku Si 9:28

Tama te aga sę ebo gavman ofisa bidi dabe augwaligo te aga tigi sagaselama, tama te karis me deliba munama, tama te Jerusalem buluba selasa pali. Tama augwaligo te augwa wąį nǫų pubalobo gų pageba pubaligi pai, te Devitgo hanude elalubo madigi pubulali.

Te Israel me Juda Hani Sigo Tuni Bidigo Po Elalubo Buku Si 14:20

Tama augwaligo aga tigi selama, te kibu hosba munama, tama augwaligo te Jerusalem taunba ma selasa asali. Tama augwaligo aga te aga wąį nǫų pubalubo gų pagede augwaligo aga tede pubulai, aga wąį nǫų Devitgo taunde.

Te Israel me Juda Hani Sigo Tuni Bidigo Po Elalubo Buku Si 15:38

Tama te king Jotam isali, tama augwaligo sela pelama, tama te aga wąį nǫų pubalubo gų pageba pubaligi pali. Te gų page te aga wąį nǫų Devitgo taunde elalubo. Tama Jotam aga ogwa Ahas, Ahas agai te aga ayago yali king sę selama yali, tama aga king bidi nigali.

Te Israel me Juda Hani Sigo Tuni Bidigo Po Elalubo Buku Si 16:20

Tama nosali te king Ahas isali, tama augwaligo aga te aga wąį nǫų dabe gų pageba te Devitgo taunba pubaligi pali. Tama aga ogwa, te Hesekiago, te aga ayago sę selama, tama aga king bidi nigali.

Tuni Bidi Dabego Po Elalubo Buku Si 24:16

Tama te we bidi augwaligo te Jehoiadago Godigo gedude wiegi yai sę dabe yali kone palali. Agai te we bidi tau sabo sę hauwa mu eyu, me Godigo be tau sabo sę me hauwa mu yali. Tama tibaso, augwaligo aga te king dabego gų pagede pubulali, te Devitgo Taunde.