Te Israel me Juda Hani Sigo Tuni Bidigo Po Elalubo Buku Deli 19:8 - Godigo dwagi yai po buku

⁸ Tialima, Elaija hodaluama, te nai me wę ma tuali. Te naigo aga tigi dili ilama, te aga pidubadi, te giligade me hulide usu nama te bidi sese si, 40 dei wabo sogoba usu nai. Tama nosali aga te bulu du Horep ma Sainaiba sabolai, te Godigo bulu du dao.

Te Israel me Juda Hani Sigo Tuni Bidigo Po Elalubo Buku Deli 19:8 Referans Kwoze

Ma Dobola Sali 34:28

Tama Moses te Genuai Bidi dali te bulu dude te bidi sese si, 40 sogo bidai. Tama agai nai deli me, ąį me, te me tubeo. Mu menio. Tama Genuai Bidigo te bomai po te Mosesgo te sela holali masigi side asęai. Te po te Godigo bomo yai nogo si po dabe dao.

Matyu 4:2

Tama Jisas nai tusiąbadi aga te bidi sese si siade me hulide me bidai. Tama nosali aga nasi yai.

Bomai Po 9:18

Tama deli sogo ma deli ena Genuai Bidi pageba pelama, tama ena gesabidi tǫ aiyaba ilama, pila muani. Ena pila mudubadi, te giligade me hulide te bidi sese si 40 dei tama yali. Tama eno magi nai me wę me tuai menio. Eno te tama tiali, magi baso meni, dagego Genuai Bidigo gedude dwai kolesaga elama, agabolo sęgę selama, tama aga sębę ilai baso.

Ma Dobola Sali 24:18

Tama Moses te pǫ tomoba pelama, tama te bulu du ugwaba mu holai. Tama aga te bulu dude te bidi sese si 40 te tama sogo bidai.

Ma Dobola Sali 3:1

Tama nosali me sogo Moses agai te kibu sipsip dabe, me te meme dabe te aga wąį Jetro nai dabe tonaluai, te Jetro aga da te God dali te Midian bage tomode dolalubo pris bidi dao. Tama me sogo deli sogo Mosesgo te kibu sipsip me meme dabe odasa peyu, te wa pai bulu taga peyu, te tǫ pedai me nogi Horep, te bulu du Sainai tede elalubo, teba sabolali, te Godigo bulu du dao.

2 Korin 12:9

Tiali goli agai te po enabolo wai, “Woo, te eno olo tau sabo wiegi yai kolesaga nagede usu yai elalubao. Magi baso meni, te bomo meni yai bidide eno bomo hania mu pedalobo dao,” Genuai Bidigo te po wai. Tama ena bomo meni yai da te homu sęgę munu me egobeo. Menio. Ena wiegi yai homu pemene mu tede ebo dao, te Kraisgo bomo enade elalumainogo ebao.

Dwagi Yai Gesi Po Lukgo Asęani 4:2

Jisas te bidi meni yai buluba pelama bidibadi yaide, Sarere a naga olama, a naga sogo, te 40 dei bidai elalubadi, Satango Jisasbolo dwai sę yanama sinayagasali. Te sogo usu nama Jisasgo nai munu me tubeo. Tama te sogo silibo si, Jisas nasi yali.

Dwagi Yai Gesi Po Makgo Asęani 1:13

Tama aga te bidi meni yai bulude bididubadi, te bidi sese si sogo bidali, tama te usu sabo dwai mobo bidi Satan asama, tama sesemane sogo aga usu sagasali, Jisasgo dwai sę emainogo tama usu sali. Tama Jisas te bulu hasa dabe dali bidali. Tama Godigo dagalude sę ebo ensel mobo bidi dabego aga tau sali.

Daniel 1:15

Tialima, te nogo si wali sogo te silama, tama te bage tonalubo bidigo te augwali tigi wiegi yai mu pedalubo sulama, tama augwaligo tigi te mu boma pelama, te kingo bede nai tumainu te sa muani gesi bidi dabego tigi mu edelai sualio.

Ma Dobola Sali 19:18

Tama Genuai Bidi te sia tomode bidilama dulali, tama te Sainai bulu duba bidagasali, tama genuai hanogo te bulu du tigidali mu mesega sai. Tama ugwaba holali hano te genuai sia mu dabo hano holobo tiwai mu yai, tama tǫ mali genuai mu te bulu dude pedelai.

Ma Dobola Sali 4:27

Tama Genuai Bidigo Aronbolo te po wai, “Nage te masigi sane yai buluba pelama, Moses dali tede sisinaibao.” Tialima, aga pelama, Moses te Godigo bulu dude sisinama, gesabidi suyu, tama dwagi yai homu eyu, augwa si gesabidide nono nai.

Te Israel me Juda Hani Sigo Tuni Bidigo Po Elalubo Buku Deli 19:7

Nosali te Genuai Bidigo mobo bidi ensel aselama, te aga ma hodolagasu, agabolo te tiwai po wali, “Nage hodaluama, nai tugulao. Te meni baso, nage te bobobage sunumidu pobaso usu egobe dao,” wali.

Te Israel me Juda Hani Sigo Tuni Bidigo Po Elalubo Buku Deli 17:6

Tama te tigidali sogo te kigamu me, tama te pio me, te ba tadi dabe augwaligo te nai bret me, me te tuabo mi dabe me, te ba dabego agabolo magasuduali, tama agai te nai dabe tuyu, tama aga te dwasianu wę tuyu, tama bidali.