Te Israel me Juda Hani Sigo Tuni Bidigo Po Elalubo Buku Deli 19:11 - Godigo dwagi yai po buku

¹¹ Tialima, Genuai Bidigo agabolo te po wali, “Nage te buluba eda teda solama, te eno gesabidide bulu duba doligi soao. Magi baso meni, ena te bulu du pąba aselama paibao,” wali. Tialima, bomai wali me deli asama, te Genuai Bidigo bomode, te waligo te bulu du dabe masigi me pepeda sąwai. Tiali goli, Genuai Bidi aga digi te walide me bidisiąwai. Tialima, wali silama, te tǫ mali pedelali, tiali goli Genuai Bidi te mali ebo tomode me bidibeo.

Te Israel me Juda Hani Sigo Tuni Bidigo Po Elalubo Buku Deli 19:11 Referans Kwoze

Esekiel 1:4

Eno ugwaba tonobadi, eno te genuai wali me haowa te not badu asobo suali, te be sele hauwa dali asobo suali. Te genuai ulago te haowa mu bagua selama, tama te ula te isi dabo tiwai bomo umagi mu yali, tama te haowago ula tomode te tigidaliba usu te brasgo ula ebo tiwai yalio.

Godigo Nogi Ugwaba Sabo Tęąbi Po Wabo Buku Dabe 50:3

Dago God aga megi da te asobao. Tama pedauwali me pania sabeo. Mu menio. Te tigidali nai dabo sia bogoli te aga asobodu polasa paibao, tama genuai wali me, tulubagego me, aga bagulama, elalubo dao.

Aisaia 30:30

Genuai Bidigo bomonama mu hae olama, tama agai bomonama i hae wabo aga we bidi tigidaligo odama, augwaligo agai sębę ebo mobo augwaligo tigide dolomainu yaibao. Aga te moni bomai isi te tigidali nai dabe dabo isi, me moni genuai tulubage, me wali, me talua ge tulubage dali, tama aga asaibao. Tama te be kulu obaso, te tigidali we bidigo agai sębę ebo sueibao.

Jopgo Po Asęani Elalubo Buku 38:1

Te Elihugo po ola silibo si, tama te Genuai Bidi te genuai tulubage dali, bomai wali dali si tomode bidiyu, tama agai po e tama wali,

Hibru 12:26

Tama polobadu Godigo pedauwalide tǫ mali ilai. Tiali goli megi agai dabolo e dąų wali po walio, “Te eno tǫ deli sogo ma mali ilaibao. Tama tǫ naga me tegobeo. Te eno tǫ de dagalu dali si mali ilaibao.”

Esekiel 37:7

Tama tibaso, eno Genuai Bidigo enabolo pusao wali po tiwai tama pusali. Eno te po pusubo sę idubadi, tama eno kilikili wabo odali. Te da te dili sibi kidagalo wabo po odali. Tama eno tonalubadi, te dili aga digi pąba kigigili pabo suali, te aga elaluali pesageba ma pabo suali, tama augwali bidi mu ma pedalobo suali.

Godigo Nogi Ugwaba Sabo Tęąbi Po Wabo Buku Dabe 68:8

Te sogo te tǫ gęǫ elama, tama tulubage genuai aiyaba tulali, magi baso meni, God, nage asalio. Mu tama, te da Israel dabego God nage asobaso, tama te Sainai bulu du gęǫ umabo mu yai dao.

Ma Dobola Sali 34:2

Tama nago te masigi si dodola munama, tama do kigamu nage te bulu duba holama, tama ena dali da si deliba sisinaibao.

Ma Dobola Sali 19:20

Tama Genuai Bidi dulama, te Sainai bulu du bagede bidiyu, tama agai Moses te bulu duba ugwa holomainogo aga i wai. Tama Moses te bulu duba ugwa holai.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Kraisgo Geme Dualali Sę Pedelabo Po Jonbolo Ola Mani 16:18

Tama dagalude be sele eyu, tama be kulu kulu weyu, genuai po me weyu, tama moni genuai dwai tǫ mali yai. Te mali genuai mu yali, tama bidi tǫde bidibo sogo tigidali, te polobadu te tiwai tǫ mali genuai me pedalai menio. Te maligo bomogo te tigidali polobadu yali maligo bomo aiyaba mu elaluali.

Kraisgo Geme Dualali Sę Pedelabo Po Jonbolo Ola Mani 11:19

Augwaligo po ola silama, tama augwaligo te Godigo dagalude elalubo Moni Lotu Be tempel te be tų dawai. Tama polobadu Godigo te Israel we bidi dali po dąų olama, tama augwaligo te asęani po te halobage me deli tomoba muani. Tama te halobage te Lotu Be tomode munalubo eno hania suali. Tama te sogo tama te be sele eyu, tama moni u wabo me, te be kulu wali me, tama tǫ mali ebadi, te kedau ebo nai talua ge tulubage hauwa te dagaludu tǫba tulaluai.

Ma Dobola Sali 24:18

Tama Moses te pǫ tomoba pelama, tama te bulu du ugwaba mu holai. Tama aga te bulu dude te bidi sese si 40 te tama sogo bidai.

Ma Dobola Sali 24:12

Nosali Genuai Bidigo Mosesbolo te po wai, “Nage bulu duba ma holama, tama ena pąba bidagasao. Eno bomo yai po meba te masigi sawali side asęaibao. Tama eno te masigi si nagebolo menama, tama nago te bomo yai po te we bidibolo ola magameo,” wali.

Matyu 28:2

Tama polo mu genuai tǫ mali pedalai. Magi baso meni. Te Genuai Bidigo mobo bidi ensel te dagalu tagalama, tama e tǫba aiya dulali, tama agai te ola be gų page sunumi paniani masigi hogogo bele pelama, tama aga te masigi daide ugwadu dulalualio.

Sekaraia 4:6

Tama tialima enselgo enabolo Genuai Bidigo te po te polalubo gavman bidi Serubabelbolo pusa mao po wali. Genuai Bidigo te po wali, “Nago naga bomogo o naga ami dabego bomogo te sę dabe ebo usu egobeo. Menio. Eno Mobo Bidi Spiritgo bomo nage dali bidaibao, tama te bomo deligo naga nago te sę yaibao.

Nahum 1:3

Genuai Bidigo asesa wado po me wagobeo. Tiali goli, aga te bomo yai elalubao, te sesemane sogo agai te dwai sę ebo bidi dabeba te dene mawaibao. Te Genuai Bidi gasaba me deli pabo sogo da, te genuai wali me tulubage pedelaibao, te pǫ dabe te agai sągą dologode te pobele bage hogomu tiwai pedalubo dao.

Ma Dobola Sali 34:6

Tama aga te Moses pąba pelama ela soali, tama i weyu, te po wai, “Ena Genuai Bidi, ena Genuai Bidi dao. Ena God, tama ena te olo tau siyu mabo wiegi yai kolesaga badi, te homu dene ebo page bidi dao. Tama eno sębę polo me egobeo. Eno tigidali we bidi godolo mu elama, tama eno ena wali po tigidali wali pabo dao.

Ma Dobola Sali 20:18

Te we bidi augwaligo te pǫ kulukulu wabo, me te bu wabo nai biugel gela wabo me odai. Tama augwaligo te be sele te pǫ ula ebo ugwaba peyu, eda asiyu eyu, tama genuai hano te bulu dude pedalobo sulama, tama augwali wi mu yai. Tama augwali kilasa ma pelama, te bulu du digibulu gana dolalugi pai.

Matyu 24:7

Awe, tama genuai hwįyu, bidi hani me deligo te wąbi te gasa genuai bidi hani dali hwį yaibao. Tama me tuni bidigo bidi hani te gasa tuni bidigo bidi hani dali wąbi hwįyu hwį yaibao. Tama haniani bulu habu badu genuai nai nasi ela ela paibao, tama tǫ me mali ela ela paibao.

Sekaraia 14:5

Te dage Jerusalem bage te bulu odogo kilasa pali te bulu Asalba dąį usu nigi peyu wi paibao. Te dage asesa polo tama wi peyu, te dage bulali wąį nǫų hani dabe te Juda king Usia bidali sogo te genuai tǫ mali yainu ebaso wi pelawali tiwai gilama yaibao. Tama te bodolu side God, eno Genuai Bidigo, te aga mobo bidi ensel tigidali selama, te nageba asaibao po wai dao.

1 Samuel 14:15

Tama te Filistia ami dabe te bidibo pesagede bidali, tama te bulude biliyu hwįbo ami bidi dabe, tama te tigidali gasa Filistia dabego me te hwįani po sabilibo odama, tama augwali wi dwai mu yali. Tama tǫ mali yai. Tama Godigo te Filistia dabe homu kolesaga dolama, tama augwali wi tedela pai dao.

Ma Dobola Sali 19:16

Tama bidama, te sela sogo wabo side kigamu, te genuai pǫ te bulu dude pedelali, tama te pǫ kulukulu olama, tama be sele ula pepeda pelama, tama bu wabo nai biugel gela genuai mu wai. Tama te bulu du sesegede pesage nigali we bidi dabe tigidali wi mu elama, tama augwali tigi didibili yai.

Godigo Nogi Ugwaba Sabo Tęąbi Po Wabo Buku Dabe 68:9

God, nago te moni tulubage te naga tǫba tulumainu elama, tama nago te e tǫ dwali te wiegi yai ma pedalumainu ilai dao.