Te Israel me Juda Hani Sigo Tuni Bidigo Po Elalubo Buku Deli 18:5 - Godigo dwagi yai po buku

⁵ Obadia te Ahap pageba asobaso, te Ahapgo agabolo te tama po wali, “Da si te tigidali tǫ kantri dabeba pelama, te ulu ąį, me dwasianu ąį dabe polobadu elaluali madi susa bilaibao. Te pedai badu te nosai dabe elalubo suina homu ebao, te hos dabe me, donki dabego me tumainu homu ebao. Te nosai elalubaso da, teda dago te hos dabe me donki dabe eligobeo,” te po wali.

Te Israel me Juda Hani Sigo Tuni Bidigo Po Elalubo Buku Deli 18:5 Referans Kwoze

Joel 1:18

Hobede dao, te bulmakau dabe nasi dwai mu ebaso, te hou weyu, ga walio. Augwali te homu kolesaga meni yani, magi baso meni, te tuabo nosai me elalubeo. Te sipsip hani me nasi eyu, te nomona salio.

Habakuk 3:17

Te ni kaya fik dabego te du walisąbaso, me te ni wain dabego me te wain du walisąbaso, tama te ni oliv dabego me te du wai walisąma, tama te gide nai meni yai elalu, tama te kibu sipsip tigidali isibadi elama, tama te kibu bulmakau dabego be dabe me olo mu elaluyu da,

Joel 2:22

Te kibu hasa sibi dabe, dage wi me igimio. Magi baso meni, te nosai ma pedelali. Te ni dabego nai ma walali, te ni kaya fik me, ni wain me, te du hauwa walama elaluali.”

Godigo Nogi Ugwaba Sabo Tęąbi Po Wabo Buku Dabe 104:14

Nago te kibu bulmakaugo tuabo nosa dabe pedalao wai, tama nai dabe meba da we bidigo bulama, sela tuabo nai me pedelai.

Te Israel me Juda Hani Sigo Tuni Bidigo Po Elalubo Buku Deli 18:4

Tama te sogo te we kwin Jesebelgo te Genuai Bidigo po pusumainu tagala palali profet dabe ela mubo sę ebaso, Obadiago te profet dabe bidi sese a naga, 100 profet bidi dabe selama, augwali te genuai masigi ola be dedage tomoba geme dualali. Agai te bidi sese si olama, nogo si, 50 te gasa ola be dedageba dualiyu, te gasa bidi sese si olama, nogo si, 50 te gasa masigi ola beba geme dualiyu yai. Te agai augwali tonalu, te nai me wę mayu, iduai dao.

Te Israel me Juda Hani Sigo Tuni Bidigo Po Elalubo Buku Deli 18:6

Tialima, augwali sigo te tǫ kantri pedai me badu pabo badu dąį ilali, te Ahap aga pelama, te nosai gegegi pabo madi, te me badu pedai badu te Obadia pabo madi tama tialio. Tialima, augwali si pai dao.

Jeremaia 14:3

Te genuai bidi dabe augwa sę ebo bidi dabe tagala palama, te ąį tugi pao wali. Augwali te ulu wę dabeba pali, tiali goli ąį me elalubeo. Tama augwa te sospen sene olo ma sela pai. Te we bidi dabe augwa homu kone palali dwai mu ebaso, te augwa hale ebaso, augwa gesabidi halua siyu yai dao.

Joel 1:20

Te uni hasa dabego me nageba i obao, magi baso meni, tigidali ąį sula siyu, tigidali nosai me wa pai dao.

Amos 4:8

Te taun me badu we bidi augwali wę nogonego mu salio. Tama tialima, bomo meni baso, dwai biliyu, augwa te gasa taun dabeba wę gege palio. Tiali goli, wę sǫą palio. Eno te tama sę me yali, tiali goli te dage enaba ma geasa asobeo. Mu menio,” wali.