Te Israel me Juda Hani Sigo Tuni Bidigo Po Elalubo Buku Deli 18:43 - Godigo dwagi yai po buku

⁴³ Tama agai aga sę bidibolo te tiwai po wai, “Nage u badu pelama, te tamu ąįba tonaludugi pao,” wali. Tialima, te sę bidi pelama, tonaludugi pelama, ma asu, te tama po wali, “Eno magi nai deli me subeo.” Tama Elaijago te sę bidibolo te tama po wai, “Nage ma pelama, tonaludugi pao.” Te sę bidigo tama tiwai yalio. Elaijago te deli po naga udubadi, te a naga olama, me si sogo usu nani.

Te Israel me Juda Hani Sigo Tuni Bidigo Po Elalubo Buku Deli 18:43 Referans Kwoze

Habakuk 2:3

Te sę dabe pedelabo sogo, te menu gana elalubao. Tama tibaso, nago te po asęnama, munalumainao. Tiali goli, te sesabi gana bidisiąbadi, te pąde sogo digi tama, te eno nagebolo ola mawainogo ebo sę da, te pedelaibao. Nago homugo te sę polo pedalugobe da homu yaibao, tiali goli nago dwasianu sogo tonaluama gana te sę pedelaibao, te mani bodolu te geda mugobeo.

Efesus 6:18

Tama tiyu, tigidali sogo dagego po God dali wao, agai dage tau somainu yai. Tama te Godigo Mobo Bidi agai dage bomo mayu, tego Godibolo po wao. Te sę yainu, dage pila mugimio, hodaluao, nolǫ isiąbo ąǫ egimio. Te sę munu me tagaligio. Tigidali sogo dagego gedu haluasa po Godigo we bidi tau somainu wao.

Dwagi Yai Gesi Po Lukgo Asęani 18:7

Te God aga sa muani we bidi augwaligo ulade me, hulide me aga hanalu wabo si, te God agai augwali tau magowe, ma magobewe? Agai bobenu bidama, tau sogowe?

Dwagi Yai Gesi Po Lukgo Asęani 18:1

Te Jisasgo aga wali asobo we bidibolo po begelai po me pusali. “Dagego sesemane sogo Godibolo gedu haluasa po weyu, nono meniama, tagalidali weyu, eno e po begelai po dagebolo pusubao,” wali.

Godigo Nogi Ugwaba Sabo Tęąbi Po Wabo Buku Dabe 5:3

Genuai Bidi, te tigidali sogo kigamude nago te eno gedu haluasa po odobo dao. Te giliga pedalubode eno nageba bomonama, gedu haluasa po obao, te ena ofa ebo tiwai. Tama eno te gedu haluasa po wali wei ponobo te nageba tonalubo dao.

Tigidali Nai Gagalama Nigali Side 32:26

tama te bidigo Jekopbolo te po wai, “Nago ena tagala palama, ena paio,” wai. “Te pąde be posainogo ebao,” wali. Tiali goli, Jekopgo agabolo te po wai, “Eno nage me tagala palogobeo. Nago te dwagi yai tau sabo po enabolo mayu bolo yao.”

Te Israel me Juda Hani Sigo Tuni Bidigo Po Elalubo Buku Deli 18:42

Tialima, Ahap pelama, nai tugi pali. Te Elaija aga sę bidi dali te bulu du Karmelba ugwaba holali. Tama Elaija basi gulama, te aga tobolu te sągą kidu si tomoba pǫgulali.

Te Israel me Juda Hani Sigo Tuni Bidigo Po Elalubo Buku Deli 18:44

Te a naga olama, si wabo side, te sę bidi ma begasa asu, te tiwai po wali, “Eno suali, te dagalu pǫ me deli tamu ąįde pedelali. Te dwasianu naga, te bidigo nogo tiwai usu.” Tialima, Elaijago aga sę bidibolo te tiwai po wali, “Nage polo pelama, te king Ahapbolo walama, te aga karis sisi elama, te asesa polo aiyaba dulao. Tiyu, tulubagego aga pabo sina sabuo,” te po wai dao.

Josua 6:4

Te nogo a naga me si wabo sogo te pris bidi te dąų wali po muani halobage tolali bage polasa pabo badu te augwali poligi pelama, tama augwaligo te bu wabo nai biugel tolomainu yao, augwaligo te omai kibu sipsip gąų pedelaligo nigai. Tama te nogo a naga me badu si wabo side, nage dali te ami bidi dabe badi tama te hanu bagula nogo a naga olama, me badu si te tama sogo biliyu yao,” wai. “Tama dage te hanu obo sesege badu bagula bilibo sogo, te pris dabego te bu wabo nai biugel te bu ola biliduao.

Te Israel me Juda Hani Sigo Tuni Bidigo Po Elalubo Buku Si 4:35

Tama tialima, Elisa te bet saide bidali tagalama, te be tomo habude dwasianu tama bilali. Tama aga ma pelama, te wai bau boalu kidu sugunani. Tama tibo si, te waigo asiga weyu, te nogo a olama, me badu nogo si wagi solama sogo asiga wali, tama te waigo gedu me pedali.