Te Israel me Juda Hani Sigo Tuni Bidigo Po Elalubo Buku Deli 18:12 - Godigo dwagi yai po buku

¹² Te eno nage taga pabo sogo, teyu te Genuai Bidigo Mobo Bidigo nage selasa, te eno konesiąwai bulu me deliba sela pidalio. Te king Ahapgo nage gegagasali nage susąbaso, te agai wado homu elama, te ena ela mueibao. Nago ena me tagala palogobeo. Menio. Nago ena homu dene yao, magi baso meni, sesemane sogo ena Genuai Bidi dologode bidiyu, te agaba lotu udali, te ena ogomanide gagalali, te megi e sogoba usu nagasalio.

Te Israel me Juda Hani Sigo Tuni Bidigo Po Elalubo Buku Deli 18:12 Referans Kwoze

Godigo Sęba Tagala Palai Bidigo Po 8:39

Augwali si te ąį taga solama, buluba hola sobadi, Godigo Dwagi Yai Mobo Bidigo Filip polo te gasa buluba selasa pali. Tama te gavman bidigo aga ma sube. Tama aga buluba pabo tųdu peyu, bugai homu yali.

Te Israel me Juda Hani Sigo Tuni Bidigo Po Elalubo Buku Si 2:16

Tama augwaligo te Elisabolo e tiwai po wai, “Dago hanigo te bidi sese si olama, te nogo si bomai bidi dabe bidibo,” wali. “Tama dago homugo te bomai bidi dabe augwaligo te nago genuai bidi Elaija gegegi pomainao,” wali. “Genuai Bidigo Mobogo aga selasa pelama, tama te aga bulu du me, bulu odogode me, aga tede tagalama, bidi badi bogo,” wali. Tiali goli, te Elisago augwalibolo te po wai, “O tegio,” wali. “Dagego te bage tagala palama, aga gegegi pigio,” wali.

Esekiel 8:3

Eno te aga nogo tiwai suali, agai te nogo debelama te ena tobulu nisi tola selama, ugwaba kegai dao. Tama te nade subo tiwai yali nai dabe, te Godigo Mobo Bidigo ena ugwaba mu sagoasa holama, ena te Jerusalemba sela palio. Tama agai ena te Godigo beba odasa pali, tama ena te be bagulali obo te not badu elalubo sunumi tomode doligi pali. Te pesagede te Israel augwaligo te tibo god piksa noma dodolai elaluai, tama Godigo haliga sębę dwai mu te naide yai dao.

Esekiel 37:1

Genuai Bidigo bomo enaba aselama, tama Genuai Bidigo Mobo Bidigo ena oda selama, tama ena odasa pelama, odogo malu bulu mede bidi dili dabe kisu delalubo madi odasa pali.

Esekiel 11:24

Tialima, te nade ebo sę tiwai nai te Godigo Mobo Noma Bidigo ena ugaba sagoa selama, tama ena odasa, te Israel dabe kalabus bidibo pesage te bulu Babilonba ma sela asali. Tama te na silalio.

Te Israel me Juda Hani Sigo Tuni Bidigo Po Elalubo Buku Si 2:11

Tama augwali si te po mimi pabo sę ela peyu pali, tibadi yaide, polo tama te isi bogoli te bidi si tomo agebelede isi bogoli pedalali. Te isi tomode augwali sigo tonobadi yaide, te kibu hosgo te ni namego sai yai madigi bidi dugabo karis kegasa asobo suai. Awe, tama tialima, te pobege ebo waligo te bidi Elaija te dagaluba selasa holali.

Godigo Sęba Tagala Palai Bidigo Po 12:19

Tama Herotgo te yali sę po odama, “Pita gegegi piąo,” wali. Augwaligo gegegi pali, Pita sube. Tama tibaso, Herotgo te enesigi bidi dabe po tų elama, tama agai me badu bidibolo walama, “Augwali ela muao,” wali. Tama augwaligo te enesigi bidi dabe ela muani. Te sę elama, Herot te Judia tǫ tagalama, te Sisaria bulude osogo bidali.

Dwagi Yai Gesi Po Lukgo Asęani 1:15

Godigo gesabidide agai nogi genuai elaluaibao. Agai diluai wę dabe tulamuo. Te Jon aga ame nabo sogo gagalama, Godigo Dwagi Yai Mobo Bidi aga dali bidaibao.

Matyu 4:1

Te sogo Jisas baptais selama, tama Godigo Mobo Bidigo Jisas te bidi meni yai buluba odasa pali, te Satango aga dwai sę yanama sinawainogo yai.

Kolesaga Koneai Bidigo Pusali Po Elalubo Buku 7:18

Nage te tobage kolesaga si tomode bilao. Te God dologoba pelama bidibo bidi yaibaso da, teda agai te magi sę yali te tagalao, te wiegi yai naga pedelaibao.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Tuni Bidi Dabego Po Elalubo Buku Si 34:3

Te Josaia aga king bidibadi kibu be te 8 kibu be wabode, agai kibu be 15 elaluali, agai aga wąį king Devitgo Godiba lotu po wabo gagalali. Tama aga king bidibadi 12 kibu be ebode, agai tigidali sę bidi dabebolo olama, tigidali Juda me Jerusalem buluba pelama, augwali bolo tibo godiba lotu po wabo pesage, me god we Aserago piksa noma, me gasa tibo god piksa augwaligo nogogo nigai ni god, me aingo nigai god doligi pao po wali.

1 Samuel 2:26

Te sogo te Samuel te genuai bidi dwasianu pedalubo gana ebaso, tama God dali te bidi dabego me aga godolo homu yali, tama augwaligo homu me te bomai homu mu igulali.

1 Samuel 2:18

Augwali sigo te tobage dwai sę tama yali, tiali goli, te sogo me te gesi ogwa wai Samuelgo te Genuai Bidigo sę eyu, tama agai te prisgo sę ebo ugwa gudama, te sę yai.

Polgo Si Wali Pas Timotiba Asęani - 2TI 3:15

Tama e me nago koneani, polobadu nage te dwasianu wai bǫų elalubadi tama nago te tedali gasagi yai wiegi yai bukude po konebo sę gagalama sai. Te tedali bukude pogo te dwagi yai homu kolesaga nagebolo mabo usu yali. Tama nago te dwagi yai homu kolesagago eyu, tama konealubo po Krais Jisasba dąų obaso da, teda Godigo nage ma saibao.

Matyu 2:16

Tialima te genuai gavman tuni bidi Herotgo koneama, te giliga pedalobo badu asali po page koneai bidi augwaligo agai wali po tudiba munama, tama gasa tųdu geme pai homu yali, tialima aga sębę mu yai. Tama agai enesigi bidi dabe tagala paliyu, augwalibolo te po wai, “Dagego te Betlehem bulude me te pąde elalubo bulude me tede bidibo ogwa wai dabe te kibu be si yabo tomode augwali tigidali ela muao,” te po wali. Agai te po page koneai bidi augwalibolo te hǫ hasia pedelali sogode hanalu badi, tama augwaligo aga dali te wali po homugo ma koneama, agai kibu be si weyu tama tiwai dao.

Aisaia 50:10

Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.

Te Israel me Juda Hani Sigo Tuni Bidigo Po Elalubo Buku Deli 18:11

Tialima, nago homugo ena pelama, te kingba nage ma asai da po wagi pomainu homu ebao. Eno te tiwai ebo hagela homu ebao.

1 Samuel 16:2

Tiali goli, Samuelgo Genuai Bidiba te tiwai po wai, “Eno te sę mena tama egowe? Te Solgo eno tama tiali po odobaso da, teda agai ena ela muaibao.” Tialima, Genuai Bidigo agabolo te po wali, “Menio. Te bulmakau so kibu me deli te Betlehemba sela pelama, tama te taunde bidibo we bidibolo te tiwai po weyu, ‘Ena te Genuai Bidiba ofa yainu asai dao,’ po wao.

Godigo Nogi Ugwaba Sabo Tęąbi Po Wabo Buku Dabe 71:5

Genuai Bidi, eno konealubo homu nageba naga muani. Polobadu ena gesi ogwa bidide digi, te nageba konealubo homu dąų wali, tama eno konealubo homu dąų ola asali, megiba usu nagasobao.