Te Israel me Juda Hani Sigo Tuni Bidigo Po Elalubo Buku Deli 17:21 - Godigo dwagi yai po buku

²¹ Tama Elaija aga te wai bau badu aga sela sogo pigiluama, tama agai e tama gedu haluasa po wai, “God, eno Genuai Bidi, nago te e waigo hoboludu ogwa wai mobo ma mao,” wali.

Te Israel me Juda Hani Sigo Tuni Bidigo Po Elalubo Buku Deli 17:21 Referans Kwoze

Godigo Sęba Tagala Palai Bidigo Po 20:10

Tiali goli Pol aga udulama, tǫba dulali. Tama agai te bidi tigiba usu si elama, agai nogogo te bidi nogo si dua elama, tuali. Tama Pol agai tigidali we bidibolo te po wai, “Dagego te bidi homu dene baso, gela wagimio. E bidi bidibo. Megi ma hodaluama, bidaibao,” wali.

Godigo Sęba Tagala Palai Bidigo Po 9:40

Tama Pitago augwali “Buluba piąo,” wali. Tama agai kidu sugunama, Godibolo po wali. Nosali agai isai we tigiba suali, te po wai, “Tabita, nage hodaluao,” wali. Tama te we agai gedu peda sanama, tonono bilali, tama agai Pita sulama, hodasa holama, duagulali.

Hibru 11:19

Magi baso meni, agai e homu yai, “Awe, te eno aga ela munama tama Godibolo mobaso, teda Godigo te aga ma hodolama enabolo ma mabo bomo usu mu yaibao,” te homu yai. Tama mu tamao, dago te sęde po digi po begelama e tiwai po wai: “Abrahamgo aga ogwa Aisak te gų pagede ma sabo tiwai ąǫ yai dao.” Te po wai.

Godigo Sęba Tagala Palai Bidigo Po 10:10

Tama agai nasi mu ebaso, agai homugo nai tuai hagede yali. Tama augwaligo nai dodolobadi, Pitago naa gagawai mu yali.

Te Israel me Juda Hani Sigo Tuni Bidigo Po Elalubo Buku Deli 17:20

Tama agai e tama gedu haluasa po bomai mu wali, “God, eno Genuai Bidi, te e wilawe wego ena agai bugagia tonalubo da. Magi baso nago genuai sęgę e we tigide pedelaliwe? Tama magi baso agai e wai isilaliwe?”