Te Israel me Juda Hani Sigo Tuni Bidigo Po Elalubo Buku Deli 17:18 - Godigo dwagi yai po buku

¹⁸ Tama tialima, te wego te Elaijabolo te po wai, “Nage te Godigo sę ebo bidi dao, magi baso nago te tiwai kolesaga ena dali yaliwe? Tama nage aselama, tama Godigo homugo eno sęgę koneama, tama teyu, te eno wai isalio,” te wego te po wai.

Te Israel me Juda Hani Sigo Tuni Bidigo Po Elalubo Buku Deli 17:18 Referans Kwoze

Dwagi Yai Gesi Po Lukgo Asęani 5:8

Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.

Dwagi Yai Gesi Po Lukgo Asęani 4:34

Nage dabolo magi sę yainu asaliwe? Nage da dolainu asaliwe namao. Eno nage koneani. Nage Godigo gasagi yai tedali wiegi yai bidi da,” wali.

Te Israel me Juda Hani Sigo Tuni Bidigo Po Elalubo Buku Si 3:13

Elisa agai te Israel bidi dabego king bidi subaso, tama agai te po wai, “Magi baso nage ena pageba asobawe? Nage pao, tama te polobadu naga aya me, te ida me, augwaligo pelama, te hanalugi pali te profet bidi bageba pao,” wali. Tiali goli, te king Joramgo te po wei ponoyu, e tiwai po tama wali, “Menio. Genuai Bidi aga digi te da sela king bidi dabe sisinama, tama da te Moap hanigo king nogoba muainu ebao,” wali. “Tama tibaso, da nage pageba asai dao,” wali.

Dwagi Yai Gesi Po Jongo Asęani 2:4

Tama Jisasgo aga idabolo te po wai, “Ida, nago enabolo te po magi baso obawe? Eno we bidi augwali tau sabo sogo te pedalobeo,” Jisasgo aga ida dali te po wai.

2 Samuel 16:10

Tiali goli, kingo Abisaibolo me, te aga ama Joapba me, te tama po wai, “Te dage sigo sę me menio. Te aga gogola tagalao. Te Genuai Bidigo te bidiba po walobaso, te agai enaba te dwai po waibaso da, teda dego agaba hanalu waibawe, ‘Magi baso nago te tobage po obawe?’”

Dwagi Yai Gesi Po Lukgo Asęani 8:28

Te bidigo Jisas suyu, moni hai gela olama, Jisas sągą pageba degagaselama, moni i hai olama, te po wali, “Jisas, nage moni genuai Godigo Ogwa dao. Nago enabolo magi sę egowe? Nago ena dene magio,” wali.

Dwagi Yai Gesi Po Makgo Asęani 6:16

Tama te gavman tuni bidi Herotgo te wabo po odama, tama agai te po wai, “Polobadu eno bidi me tagala palama, tama agai Jon dogoni togolama tama aga isai dao. Tiali goli megi da, aga ma hodaluali dao,” te po wali.

Dwagi Yai Gesi Po Makgo Asęani 5:7

Agai bomo elama mu i weyu, te po wai, “Jisas, nage ugwade bidibo Godigo ogwa mu, nago magi sę enade yainogo ebawe? Eno te Godigo nogide nagebolo hanalu obao, nago te dene enabolo me magio,” te po wai.

Jopgo Po Asęani Elalubo Buku 13:26

Eno tonobo da, nago eno polobadu gesi bidide yali sęgę me konealubo ąǫ ebao. Tama megi nago te sęgę wei ponoyu, ena sęgę mabo ąǫ ebo.

Jopgo Po Asęani Elalubo Buku 13:23

Eno mena dwai sę, me kolesaga dwai, me sęgę yai sę dabe me yaliwe? Eno homugo nago enabolo pusa mao.

Tuni Bidi Dabego Po Elalubo Buku Si 35:21

Tiali goli king Nekogo Josaiabolo po ola toliyu, te po wali, “Juda dabego king, odao, eno nage dali sębę menio, tama ena nage dali hwįainu me asobeo. Tama tialima, nago magi baso nago ena dali hwįainogo ebawe? Eno da ena boi bidi dabe dali naga boi hwįainogo ebao. Tama God ena dali bidiyu, tama enabolo polo hwįgi pao po wali. Tama tialima, nago aga paligio. Tiyu, agai nage dolabuo,” te po wali.

Te Israel me Juda Hani Sigo Tuni Bidigo Po Elalubo Buku Deli 18:9

Tama Obadiago agabolo te tiwai po wali, “Genuai bidi, eno mena dwai sę ebaso, te nago homugo te king Ahapgo ena ela mumainogo ebawe?

Te Israel me Juda Hani Sigo Tuni Bidigo Po Elalubo Buku Deli 13:1

Tama te king Jeroboamgo aga te alta saide dolaluyu, te ofa nai ulubo sę eyu, alta saide dolaluali, tama te Godigo sę ebo profet bidi me deli aga pageba sabolali. Te profet bidi te Juda hani bidi da, tama te Genuai Bidigo te agabolo “Te Juda tǫ tagalama, tama nage te Betel buluba asao,” wali.

2 Samuel 19:22

Tiali goli, Devitgo te Abisaide, te aga ama Joap dali siba te tama po wai, “Te dage sigo sę menio,” wali. “Dage si te Seruiago ogwa si da, magi baso megi dage sigo enaba boi bidi yabo homu ebawe? Megi eno koneani, ena te tigidali Israelgo king bidibao, tama te tobage sogo, dago te Israel bidi deli me ela mugobeo. Mu menio!”

1 Samuel 16:4

Tialima, Samuelgo te Genuai Bidigo po odama, tama hogodama, te Betlehemba pai. Aga sabaligi pabode, te taunde bidali tobolu bidi dabego te aga dali deliba gesabidi ununani. Augwali wi elama, dwai noma siyu, tama agabolo te po wali, “Haniani po page konebo bidi, magi yaliwe? Nage asali, te da wiegi yai bugagia ilagasu asaliwe, ma meniwe?” wali.

Tigidali Nai Gagalama Nigali Side 50:17

‘Te Josepbolo wao, “Eno nagebolo hanalu wali, te naga ama dedego te dwai sę genuai yali, te sęgę nago sela sąyao,” ’ te po wai dao. Da te nago ayago Godigo sę bidi dao. Da nagebolo dwai sę yali. Megi, nago te dago yali dwai sę sela sąyao.” Josepgo te po wali odolama, tama aga gela udali.

Tigidali Nai Gagalama Nigali Side 50:15

Te augwa aya isalima, te Josep aga ama dedego augwa hasi te po wai, “Megi da, magi yaliwe, te Josepgo da dali te dago aga dali dwai sę yali te tigidali wei ponoyu, te da dali wado me udugowe?”

Matyu 8:29

Tialima, te bidi sigo bomonama i weyu, te po wai, “Nage Godigo Ogwa dao, nago magi sę da dali megi yainogowe? Te bodolu mani sogo me elalubadi digi, te nage eba asali te nago da dene mawainogo ebawe?” wali.

Israel Hanigo Namba 5:15

teda te bidigo aga we te pris bidi pageba odasa pao. Tama me, te bidigo te 1 kilogram plaua te rais baligo nigai, te ofa nai tiwai sela pao. Tiali goli, agai oliv wel te ofa naiba gelamuo, me agai te wiegi yai denami holobo pauda me teba me gelamuo, magi baso meni, te ofa da te bidigo homugo aga wego dwai kolesaga yaliwe homu ebo ofa dao. Teda te agai ofa yali te augwaligo konemainogo, te wego te dwai kolesaga yaliwe ma meniwe, augwaligo konemainogo,” wali.

Te Israel me Juda Hani Sigo Tuni Bidigo Po Elalubo Buku Deli 12:22

Tiali goli, te profet Semaiabolo te Godigo e tama po ola mani,

Te Israel me Juda Hani Sigo Tuni Bidigo Po Elalubo Buku Deli 17:17

Tialima, nosali te wego te wai gasi sali. Tama te wai gasi genuai mu elama, tama te wai isali.

Te Israel me Juda Hani Sigo Tuni Bidigo Po Elalubo Buku Deli 17:19

Tama te Elaija agai te po wei ponoyu, e tama wali, “Nago te wai enabolo mao,” wali. Tama tialima, te Elaijago agai te isali wai digi aga idago nogode agai selama, tama agai aga pibo be ugwa badu habuba selasa holali, tama agai te betba pilali.

Te Israel me Juda Hani Sigo Tuni Bidigo Po Elalubo Buku Deli 20:28

Tialima, te profet te king Ahap bidibo madiba ma pelama, agabolo te tiwai po wai, “Genuai Bidigo te tama po walio, ‘Te Siria dabego ena te bulu dude bidibo God da tiwai po obao, tama ena te odogo bulude God meni da po wai. Tama tialima, eno dagego te augwaligo genuai ami bidi dabe aiyaba elalubo si da, teda dage Israelgo koneagameo, ena digi ena Genuai Bidi dao, dagego te tama po waibao,’ God Genuai Bidigo te po wai,” profet bidigo te po wali.

Tigidali Nai Gagalama Nigali Side 44:16

Tama Judago po wei ponoyu te po wai, “Genuai bidi, te dago po mena tama wei ponagawe? Godigo te dago sęgę haninani. Genuai bidi, te nago kap elalubo suali naga, aga te nago olo sę ebo bidi me pedalugobeo. Menio. Da tigidali hodobo tiaibao,” wali.

Te Israel Tobolu Bidi Dabe 13:6

Tama te wego aga bidibolo wagi peyu, te tama tiwai po wali, “Te Godigo bidi me deli enaba asai. Te agai gesabidi ula yali, te Godigo Ensel gesabidi ula ebo tiwai yalio. Eno aga sulama, te ena wi mu yai. Eno aga te menadu asali po te hanalubeo. Tama agai te aga nogi me te nogi ebeo.

Te Israel me Juda Hani Sigo Tuni Bidigo Po Elalubo Buku Si 1:9

Awe, tama te kingo te ami tobolu bidi me deli dali, te bidi sese si olama, nogo si, 50 ami bidi dabe dali, tagala palama, tama augwali pelama, te Elaija odasa asomainu tagala palai. Augwali pelama, te Elaija aga bidibo buluba sabolali, tama te ami tobolu bidi keptengo Elaija te bulu dude dugulalubo suali. Tama te keptengo te Elaijabolo e tiwai po tama wai, “Nage Godigo po pusa mabo bidi da, kingo nage asao wali. Nage eba dulama, tama te king aga sugi pao,” wali.