Te Israel me Juda Hani Sigo Tuni Bidigo Po Elalubo Buku Deli 17:10 - Godigo dwagi yai po buku

¹⁰ Tama tibaso, Elaija aga hodaloama, Sarefat buluba pai. Tama aga pelama, te oboba sabaligi pai, tama agai suali, ma we me deligo isi selama, sisinibo suali. Elaija agai sulama, agai koneani, te we wilawe we da homu yali. Tama agai te we i weyu, e tama wali, “Ena wę tuabo homu ebuo,” wali. “Nago te wę tubo mouwa dage genagi wę tulama, tama nago enabolo magasobo usu yaibawe?” te po wali.

Te Israel me Juda Hani Sigo Tuni Bidigo Po Elalubo Buku Deli 17:10 Referans Kwoze

Dwagi Yai Gesi Po Jongo Asęani 4:7

Jisas aga wali pabo bidi augwali te be nani nogi Sikarba pelama, nai abelegi pai. Tama Samaria we me deli asama, ąį tuagasu asai. Jisasgo te webolo po weyu, te po wai, “Aį ena mao, ena tueio,” te po wai, Jisasgo.

Tigidali Nai Gagalama Nigali Side 24:17

Tama te sę bidi aga pageba udulama, tama te po wai, “Ae, nago te botol węgo enanu dwasianu tuaio,” wali.

Hibru 11:37

Tama augwali tigiba te boi bidi dabego masigi sąyu ela muyu yai. Tama augwaligo te ni togobo so selama, tama augwali tigi te sogo togolama pedai pedalai. Tama augwaligo te bobage hwą gego augwali ela muyu yai. Tama te konealubo po dąų wali we bidi meba augwali nai meni yai baso, augwaligo te kibu sipsip tigi waligo me te meme waligo te ugwa tiwai gudama, tama augwali bilalio. Augwali te tigi tau sabo doado bage tigidali menia sali, tama te bidi dabego sęgę augwalibolo mayu, tama dwai kolesaga mu augwalibolo yai dao.

2 Korin 11:27

Eno sę dene haniani mu yalio. Hauwa sogo ena hulide sę eyu, tama ena godege me pibe. Ena nai sili bidali, tama ena ąį nogonego sali. Hauwa sogo eno nai gisilali. Ena kedaugo me siyu, tama ena ugwa me meni yai bidai dao.

Tigidali Nai Gagalama Nigali Side 21:15

Nosali te botolde wę sia sobaso, tama agai te ogwa te dwasianu ni dologode bididubadi taga soali.

Te Israel me Juda Hani Sigo Tuni Bidigo Po Elalubo Buku Deli 17:11

Te wego te Elaijago wali po odama, tama aga wę sigi peyu pali. Tama Elaijago te we ma i weyu, e tama wali, “Eno homugo nago te dwasianu tubo nai bret pedainu me magasao,” wali.