Te Israel me Juda Hani Sigo Tuni Bidigo Po Elalubo Buku Deli 17:1 - Godigo dwagi yai po buku

¹ Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

Te Israel me Juda Hani Sigo Tuni Bidigo Po Elalubo Buku Deli 17:1 Referans Kwoze

Jems 5:17

Te polobadu bidai bidi nogi Elaija aga doloba pai bidi bidiyu, tama agai gedu haluasa po wabode bomo elaluali. Tama agai Godigo nosali yabo sę po augwalibolo pusuyu bidai. Tiali goli Elaija aga te da tiwai bidi bidai. Tama bidiyu, agai Godibolo gedu haluasa po bomonama wai, te tulubage tuluidali weyu, tama te tulubage dagalude tulisiąbadi kibu be sela olama, tama te polua a naga olama, me badu nogo deli olo bidai.

Dwagi Yai Gesi Po Lukgo Asęani 1:17

Agai te Godigo po polobadu pusa mawai bidi Elaijago yali sę me, bomo me tigidali selama, Genuai Bidi nosali asaibao obaso, te Jon aga polasa paibao. Agai te aya dabego homu hasegelama, wai bǫų hobede emai yaibao. Me agai te po sela sąbo bidi dabego homu hasegelama, augwali doloba pai bidigo homu somai yaibao. Agai bidi hauwa sisi elama elaludu, Genuai Bidi asabo tonalu mai yaibao. Tama tibaso, te we bidi augwaligo te Jonde bugai homu mu yaibao,” te ensel bidigo te po wali.

Te Israel me Juda Hani Sigo Tuni Bidigo Po Elalubo Buku Deli 22:14

Tialima, Mikaiago ofisa bidiba te tama po wai, “Te Sesemane Sogo Bidibo Genuai Bidigo nogide, eno mu po nageba obao, mena po Genuai Bidigo enaba mani, te po naga eno pusaibao,” wali.

Te Israel me Juda Hani Sigo Tuni Bidigo Po Elalubo Buku Si 3:14

Tama te Elisago te Jorambolo e tiwai po tama ola mani, “Ena te Genuai Bidigo sę ebo bidi dao. Aga te tigidali sogo bidada peyu, bidada pabo dao, tama aga tigidali bomo mu elalubo bidi dao. Tama agai nogide eno mu po tama e obao, tama tialima, te Jehosafat nage dali bidigi menigi sogo da, teda eno nage gesabidi sugi menio, ma po me wagi menio. Tiali goli, eno koneanio, Jehosafat aga te dwagi yai bidi mu yai baso, tama eno nago po odobao,” Elisago te po te king bagebolo wai.

Kraisgo Geme Dualali Sę Pedelabo Po Jonbolo Ola Mani 11:6

Tama te bidi sigo te dagalu dąų walobo bomo elalubao. Tama te dagalu dąų olama, tama augwali sigo Godigo po pusubadi te tulubage tulugobeo. Tama augwali sigo bomogo te tigidali wę begelama kaneme pedalabo bomo elalubo. Tama te haniani dwai naigo te tǫde we bidi dolabo bomo me elalubao. Tigidali sogo augwali sigo homugo tama tiainogo eyu da, teda te augwali sigo te sę ebo usu yaibao.

Polgo Po Pas Rom Dabeba Asęani 11:2

Te Godigo hani augwali te agai polobadu koneyu hagea sai, agai te augwali me sela sąwai menio. Dagego te Godigo po pusali profet bidi Elaijago po te Godigo po bukude elalubo te dagego koneani. Elaijago gedu haluasa po olama, tama te Israel dabe augwali te Godigo gesabide po tų ela mawai. Agai te wali po e dao,

Dwagi Yai Gesi Po Lukgo Asęani 21:36

Sesemane sogo dage bugagia suao, dua dao. Te sę eyu, tigidali sogo dage God hanalu wao, agai dagebolo aga bomo momainu yao. Tama tilama, tigidali te sę dageba pedelainogo yali da, te dage geda munama ela soeibao. Tiyu da, dage ena gesabide bugagia dolaluaibao, ena da te Godigo Bidi Mu dao,” Jisasgo te po wai.

Dwagi Yai Gesi Po Lukgo Asęani 9:30

Te sogo naga polo tama bidi si aga dali po udubo suali, te bidi Moses dali Elaija si dao. Te Moses, polobadu mu te bidibolo God agai te bomo yai po Juda dabebolo mani. Te bidi Elaija aga nosali bidiyu, Godigo agabolo ola mani po agai te Juda bagebolo pusali bidi dao.

Matyu 7:29

Magi basowe, agai augwali ola mani po te augwaligo bomo yai po page koneai bidi dabego po wabo tiwai wabeo. Menio. Agai augwali po ola mani te po page bidi, bomo elalubo bidi bidiyu, te po augwalibolo ola mani.

Te Israel me Juda Hani Sigo Tuni Bidigo Po Elalubo Buku Deli 18:1

Te sogo te genuai poi pibo giliga nanobo sesabi elama bidali sogo, te sela wabo kibu bede Genuai Bidigo Elaijabolo te tiwai po wai dao, “Nage pelama, te king Ahap sugi pao, te eno tulubage ma tagala palaibao,” wali.

Bomai Po 10:8

Polobadu augwali Sainai bulu dude bidibadi, Godigo te Livai hanigo te Dąų Wali Bomai Po Halobage tolomainogo sa muai dao. Te bidi dabe augwaligo te pris sę tuyu, me te we bidibolo augwaligo God augwali dali wiegi yai sę yaibao po weyu yai dao. Tama augwaligo te sę ela asidubadi, megiba tama usu nubao.

Godigo Sęba Tagala Palai Bidigo Po 27:23

Megi piali hulide Godigo enabolo po me olama, todalio. Te God eno agabolo lotu weyu, eno agai sę eyu ebo da. Te Godigo enabolo agai ensel bidi me deli ena pageba tagala palali.

Dwagi Yai Gesi Po Lukgo Asęani 1:19

Tama ensel bidigo te po wei ponoyu te po wai, “Ena nogi Gebriel dao. Ena God gesabidide dolalubo dao. God aga digi ena tagala palama, nagebolo dwagi yai po pusigi pa tobo obaso, nagebolo te po pusagasiyu te obao.

Te Israel me Juda Hani Sigo Tuni Bidigo Po Elalubo Buku Deli 18:15

Tialima, Elaijago agabolo te tiwai po wai, “Nage wi elamuo. Ena te Tigidali Bomo Elalubo Genuai Bidigo sę bidi dao, te Sesemane Sogo Bidibo God dao. Te eno agai nogide po weyu, mu po tama obao, Ahapgo ena megi e side tama sueibao,” wali.

Te Israel me Juda Hani Sigo Tuni Bidigo Po Elalubo Buku Deli 18:10

Te Sesemane Sogo Bidibo Godigo nogide, eno mu po tama obao, kingo nage ma suabo homu godolo ebao. Tama agai nage te tigidali tǫ kantride gegebo sę idubao. Te tǫ kantri pedai me deli tonalubo tuni bidi me deligo te po weyu, nage te agai tǫ kantride bidisiąbaso da, teda Ahapgo te tǫ kantri pedai tonalubo bidibolo po bomonama weyu, mu po ugwaba obao po weyu, te nage ede bidibeo po weyu, te po wabo dao.

Te Israel Tobolu Bidi Dabe 12:4

Tialima, Jeptago te Gileat bidi dabe tigidali sisinama, tama augwaligo te Efraimgo hani dabe dali hwįnama, tama augwali aiyaba elaluali, magi baso meni, te Efraimgo hani bidigo te Gileat hani bidi dabebolo te tama tiwai po wali, “Dage Gileat dabe te Efraim dabego bulude me te Manase dabego bulude me bidaluyu, te dage te boi bidi asama hwįagasobo side, te dage wi soyu tama da taga soali!”

Dwagi Yai Gesi Po Jongo Asęani 1:21

Tama augwaligo Jonbolo hanalu wai, “Magi yaliwe? Nage te bidi polobadu Godigo po wali bidi nogi Elaija dawe?” Tama Jongo te po wai, “Ena te bidi Elaija menio.” Tama augwaligo te po wai, “Dago te Godigo po wabo bidi asobo tonalubo dao. Nage te bidi dawe?” Tama Jongo te po wei ponoyu, te po wai, “Ena te bidi menio.”

Dwagi Yai Gesi Po Lukgo Asęani 9:54

Tama Jisas aga wali bilibo bidi si Jems de Jon dali sigo te Samaria bagego te tama tebo kolesaga ebo sulama, augwali sigo Jisasbolo hanalu te po wali, “Genuai Bidi, nago homugo dago dagalu badu isi i olama, te bage isigo domai hagede yaiwe?”

Dwagi Yai Gesi Po Lukgo Asęani 9:33

Tama te bidi sigo Jisas taga pidali weyu, Pitago Jisasbolo te po wali, “Genuai Bidi, da ede tama bidibo da usu dao. Da selago ugwa be sela sęnama, me nage osogo bidabo be sę eyu, me Moses osogo bidabo be sę eyu, me Elaija osogo bidabo be sę eyu yaibao,” te po wali. (Pita noma siyu, agai wali po page kuna konesiąma tama wali.)

Matyu 27:49

Tiali goli gasa bidi dabe meba augwaligo te po wai, “Meo, dago bolo sueibao. Ma, te bidi Elaija aselama, aga tau sagasobowe, ma menigowe?” te po wai.

Matyu 27:47

Tialima meba te pąde dolaluali bidi, augwaligo te wabo po odama, tama augwaligo te po wai, “Te bidi agai te polobadu bidali bidi Elaija te i obao,” te po wai.

Matyu 16:14

Tama augwaligo te po wai, “Mebago te po wabo dao, te nage te baptais mani bidi Jon da po wabo dao. Tama mebago nage ma te polobadu bidali profet bidi Elaija da wabo dao. Tama mebago te po weyu, nage te Jeremaia da po weyu, ma gasa te Godigo po polobadu pusali profet bidi da te po wabo dao.”

Matyu 11:14

Tama dagego odai wida, teda te po odao: te polobadu bidali profet bidi dabe augwaligo te genuai profet bidi Elaija ma asaibao po wai dao. Tama Jon da, Jon aga te bidi Elaija dao po wali.

Jeremaia 15:19

Tialima, Genuai Bidigo enabolo po wei ponoyu te tiwai wali, “Te nage haliga begelama, enaba ma begasa asobaso da, teda nage eno ma selama, te nago eno sę ma yagameo. Te nago dwai po pusubo tagalama, te nago wiegi yai po naga pusubaso da, teda nage eno pedauwalide po sabo bidi bidagameo. Tama te we bidi dabe nage wali pomainogo yaibao, tialima nage augwali wali me pelamu dao.

Aisaia 49:18

Nago tobolu ugwaba sagulama, tonono bilao, te nago naga wai dabe deliba sisinama, te nageba asobo sueibao. Ena Genuai Bidi, ena sesemane sogo bidibao, eno mu po obao, te nago wai dabe te nago au yabo nai dabe tiwai elalueibao, te we bidiba painu te sawi yai ugwa au ebo tiwai elama elalueibao.”

Te Israel me Juda Hani Sigo Tuni Bidigo Po Elalubo Buku Si 5:16

Tialima, Elisago te po wei ponoyu, te po wali, “Menio. Ena te tigidali sogo bidada pabo Genuai Bidi Godigo sę ebo bidi dao. Tama agai nogide, eno mu po obao, eno nago magi nai me deli munu me deli sogobeo,” wali. Naman agai bomo mu eyu, “Elisa nago eno nagebolo puba hwi wabo nai nago sao,” wali. Tiali goli, Elisa agai hagela ebo, tama agai sogobeo.

Te Israel me Juda Hani Sigo Tuni Bidigo Po Elalubo Buku Deli 17:2

Tama nosali te Genuai Bidigo te Elaijabolo e tama po wai,

Te Israel me Juda Hani Sigo Tuni Bidigo Po Elalubo Buku Deli 17:12

Tama te wego agabolo te po wali, “Godigo nogide, naga Genuai Bidi, te God tigidali sogo bidada peyu, bidada pabo God dao, eno mu po tama obao, eno te bret nai menio,” wali. “Eno te dwasianu o gagawai nai plaua deli digi te tǫgo nigali mouwa dage genagi sospende munalubo,” wali. “Tama me te dwasianu oliv wel te gasa mouwa dage genagi sospende munalubao,” wali. “Eno megi te e dwasianu isi sesa bilibo da, teda eno te plauanu ulugi painu ebao,” wali. “Eno ogwa dali dadi sigo te megi tama silibo nai tama dadi sigo ula tulama, tama nosali dago tuabo nai mu menio,” wali, “tama teyu, da mu isaibao,” te wilawe we agai tama po wali.

Te Israel me Juda Hani Sigo Tuni Bidigo Po Elalubo Buku Si 1:3

Tiali goli, te Genuai Bidigo po sela pabo ensel bidigo te profet bidi Elaija te Tisbe taun hanude bidibadi e tiwai po wali, “Tama nage pelama, te Samaria king bidigo te taun Ekronba tagala palali bidi dabe nago augwali tiąba pelama, tama nago augwalibolo e tiwai po tama wao, ‘Magi baso te dagego homugo Ekron augwaligo tibo god Balsebup hanalugi sobawe?’ wao,” wali. “‘Tialima, Israel bidi dabeo, dage dali God bidibewe?’ wao,” wali, “‘tibaso dage sobawe?’ wao,” wali.

Te Israel me Juda Hani Sigo Tuni Bidigo Po Elalubo Buku Si 5:20

tama Gehasi, Elisago sę bidi, aga digi e tiwai po aga homude tama wali, ‘Eno genuai bidigo te Naman olo pabo sula tagalali. Magi baso agai Namango te Naman aga homugo te aga dolo mawainu yali nai sabewe? Genuai Bidi God aga te tigidali sogo bidada pabo dao. Te mu po dao. Tama te tiwai gilama, eno mu po tama obao, tama ena Naman aga pali wali ma udada pelama, tama me badu agai te nai eno saio,’ Gehasigo te homu yai.

Tuni Bidi Dabego Po Elalubo Buku Si 6:26

“Tama tialima, da naga we bidi dabe dago nageba sęgę saibaso da, tama nago te sęgę wei ponoyu tulubage paliai baso, tama nosali dago homu begelama, tama nage dologode bidiyu, tama dago te beba tonaluyu, gedu haluasa po obaso da,

Jopgo Po Asęani Elalubo Buku 12:15

Ma, Godigo tulubage paliyu da, teda mone giliga nanama, mone poi piyu, tǫ mu wa pabo dao. Ma, agai tulubage hauwa taga paliyu da, teda wę dabe hauwa mu asiyu elama, tǫ dabe me genina mesega sabo dao.

Aisaia 5:6

Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Jeremaia 14:22

Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Jeremaia 28:8

Te polobadu digi gagalasa, te megi e sogoba usu nagasobao, te da i badu elalubadi, te polasa pedelali profet dabe, augwaligo te tiwai po wai, te hwįnama dolobo sę genuai me, dwai gasi me, te we bidi hani hauwaba pedelama, te genuai tǫ kantri dabeba me pedelaibao wali.

Hagai 1:10

Duga te tama tibo kolesagago da tama teyu te kulubage eba tulube dao,” wali, “tama te nai dabe te gide munu me holobe dao,” wali.

Te Israel me Juda Hani Sigo Tuni Bidigo Po Elalubo Buku Deli 8:35

“Tama naga we bidi dago dwai sę nageba ebaso, tama nago te dwai sę wei ponoyu, te tulubage dąų weyu palia sobaso, te nosali dago ge nenama, homu begeliyu, tama nage dologoba aselama bidiyu, tama dago te beba tonalu, tama nageba gedu haluasa po obaso da,

Te Israel me Juda Hani Sigo Tuni Bidigo Po Elalubo Buku Si 4:38

Israel bulude te dwai bodolu sogo me deli pedalali. Tama te we bidi dabe augwaligo tuabo nai mu menia sali. Tama te sogo Elisa aga te Gilgal hanuba tama ma geasa pelama, bidigi pai. Me sogo bodolude deli sogo, me badu profet bidi dabe augwali te Elisa pageba asama, agade skul olama, kolesaga sali. Tama augwali dugulama, tama te Elisago po odoyu bidali. Tama Elisago aga sę ebo bidibolo e tiwai po wai, “Genuai mouwa dage kenage sospen selama, tama te profet bage tuabo nai dali, te keba me, te sup ulao,” wali.

Tuni Bidi Dabego Po Elalubo Buku Si 21:12

Tialima te profet Elaijago pas me deli Jehorambolo toliyu e tama po walali, “Genuai Bidi, te naga wąį Devitgo God, agai po nage dali e tama wabo elalubao. Nago naga aya king Jehosafatgo wiegi yai kolesaga yali wali pabeo. Me naga wąį Asago wiegi yai kolesaga yali wali pabeo. Menio.