Te Israel me Juda Hani Sigo Tuni Bidigo Po Elalubo Buku Deli 15:5 - Godigo dwagi yai po buku

⁵ Genuai Bidigo te Devit homu kone palali, magi baso meni, Devit agai te dwagi yai kolesaga te Genuai Bidigo gedude yai. Tigidali sogo agai te Genuai Bidigo tigidali bomo yai po wali pai. Tialima, me sogo deli, meni. Te tama sogo deli Devitgo te Hit hani bidi Uria dali te dwai sę yali.

Te Israel me Juda Hani Sigo Tuni Bidigo Po Elalubo Buku Deli 15:5 Referans Kwoze

Te Israel me Juda Hani Sigo Tuni Bidigo Po Elalubo Buku Deli 14:8

Eno bomonama, te Devitgo hanigo te king sę yali sela sąnama, tama te sę eno nagebolo mawai dao. Tiali goli, nago te Devitgo yali gilama dwagi yai kolesaga tų wali pabeo, aga te eno sę bidio,’” wali. “‘Agai te bomo mu elama, tama te eno bomai po wali painu ebo bidi bidali. Tama te magi kolesaga doloba pai eno gedude ebawe, te tama tiwai kolesaga te Devitgo yai dao.

Dwagi Yai Gesi Po Lukgo Asęani 1:6

Te bidi Sekaraia dali aga we dali si te God gedude dolasa bidiyu, te God tonaludubadi, te augwali sigo dwai sę me ebeo. Augwa si Godigo bomo yai po tigidali wali pidu digi, te Genuai Bidigo po dabe me tigidali wali palio, tama augwali sigo dwai sę me ebeo.

Te Israel me Juda Hani Sigo Tuni Bidigo Po Elalubo Buku Deli 9:4

Tama nagede, te nago ena deli naga homu konealu, tama doloba pai kolesagade biliyu, tama eno bomai po tigidali wali peyu, tama eno nagebolo wali sę po tigidali eyu, te naga aya Devitgo yali sę tiwai gilama yao po wai.

Godigo Sęba Tagala Palai Bidigo Po 13:36

Tama Devit agai Godigo sę aga hani we bidi tomode elama, tama aga nosali isai. Tama isąma, augwaligo aga wąįgo masigi dudulaweba mugi pai. Tama tede aga tigi damua pai. Tama dago Devitgo polobadu wali po koneao, te po wali Devit aga tigide wabe. Agai tigide wabeo.

Godigo Sęba Tagala Palai Bidigo Po 13:22

Tama tilama, Godigo Sol hasegelama, Devit te moni genuai gavman bidi nigilama bidali. Tama Godigo te po Devitde wai, ‘Megi eno te bidi Devit sualio, te bidi Jesigo ogwa, eno agade dwagi yai homu ebao. Nosali eno sę tigidali agai yaibao,’ Godigo te po wai.

Godigo Nogi Ugwaba Sabo Tęąbi Po Wabo Buku Dabe 119:6

Tama tiyu, eno hale homu me isąwai, magi basowe, eno homugo nago bomo yai po naga konealuai.

Godigo Nogi Ugwaba Sabo Tęąbi Po Wabo Buku Dabe 51:1

God, nage hobede ebo page bidi, nago ena olo mabo sęgo ena tau sao. Nago olo mabo sę hauwa mu elaluai, tama eno homugo nago eno dwai kolesaga tigidali sela sąyao.

Tuni Bidi Dabego Po Elalubo Buku Si 34:2

Josaia agai Godigo gedude wiegi yai kolesaga mu yali. Agai aga wąį king Devitgo polobadu yali wiegi yai kolesaga tiwai tama yali, tama agai Genuai Bidigo po tigidali wali pabo bomo mu yali, te po tagalobeo.

Te Israel me Juda Hani Sigo Tuni Bidigo Po Elalubo Buku Si 22:2

Tama te king Josaia agai te Genuai Bidigo gedude te dwagi yai kolesaga yali. Tama agai te aga wąį nǫų Devitgo yali tiwai dwagi yai kolesaga mu yali, te king Devit, agai te polobadu yali sę. Tama te king Josaia agai te Genuai Bidigo tigidali po agai bomo mu elama, dolo naga wali pali.

Te Israel me Juda Hani Sigo Tuni Bidigo Po Elalubo Buku Deli 15:3

Te Abiya agai te aga ayago yali dwai sęgę sabo kolesaga yali gilama, Abiya agai me te tigidali haniani kolesaga dwai mu yali. Agai te aga wąį nǫų Devitgo yali dwagi yai kolesagadu wali pabe, tama agai te God dali deli homu ebe, aga Genuai Bidi.

Bomai Po 17:20

Tama tialima, agai aga digi ugwaba siyu, tama agai meba Israel dabe aiyaba me elalugobeo. Tama me ma, agai te Genuai Bidigo dwasianu bomai po dabe me bolamuo. Tama dwagi yai kolesaga tama tiyu da, aga tuni bidi king kibu be hauwa sogo bidaibao. Tama nosali nosali me tuni bidi king aga hanide naga pedaliyu, iduaibao,” Mosesgo te po wali.

Godigo Nogi Ugwaba Sabo Tęąbi Po Wabo Buku Dabe 119:102

Naga digi nago po dabe ena ola mani. Tama tiyu, eno te po me tagalobo menio.

1 Samuel 25:28

“Te eno yali sę nage gedude dolo meni ebaso da, teda eno homugo nago te eno yali dwai sę te sela sąyao. Eno koneani, te Genuai Bidigo homugo nago te boi bidi dabe dali hwįgi pomainu homu ebo sogo, teda nago te boi bidi dabe dali hwįgi pali. Tama nago te dwai kolesaga ebo bidi meni. Tama tibaso, Genuai Bidigo nage te king pedalumainu elama, tama te Israel king dabe te nago wai hanide pedelaibao.

Te Israel me Juda Hani Sigo Tuni Bidigo Po Elalubo Buku Deli 3:3

Solomongo te Genuai Bidi godolo mu elama, tama agai te wiegi yai kolesaga dabe wali pali, te aga aya Devitgo kolesaga tiwai yali, te agabolo te tiwai tama yao po wali. Tiali goli, agai me te kibu dabe elama, tama te lotu wabo pesagede te Genuai Bidiba ofa eyu yai, te bulu du bage dabede tama iduai.