Te Israel me Juda Hani Sigo Tuni Bidigo Po Elalubo Buku Deli 15:13 - Godigo dwagi yai po buku

¹³ Tama agai te aga idago auwa mosi agai sela sąyani, Maka, tama agai sę me te ma sula tagalobe, te aga namba yali me, te kingo ida da homu meni. Magi baso meni, te we Maka agai te tibo god we Asera noma me deli nigibo sę yai. Tama te bidi Asago te po wali, “Tama dagego te dwai kugumini yai piksa noma nigali togolama, tama dagego selasa pelama, te Kidron wę odogo maluba sia ulugi pao,” wali.

Te Israel me Juda Hani Sigo Tuni Bidigo Po Elalubo Buku Deli 15:13 Referans Kwoze

Ma Dobola Sali 32:20

Tama Mosesgo augwaligo te nigali bulmakau selama, tama siaba ulai. Tama te gol ąį tiwai pedelama, tama nosali kedau elama, dila saide, agai te hamago haluama, te olo pauda tiwai pedelai. Tama agai te pauda gol te pabo ąįba sąwai. Tama sąsą bila silama, tama Mosesgo te tiwai ilama, te Israel dabe augwaligo te ąį tumainogo yalio.

Galesia 2:14

Tama tiali goli eno suali, augwaligo Godigo gesi dwagi yai po tagalama, te wiegi yai doloba pai kolesaga me wali pabeo, te eno suali. Tama tibaso, eno Pita augwaligo gedude te eno aga dali te po wali, “Naga ida dali aya augwali si Juda bidi hani bage dao. Tama augwali sigo nage Juda hani tomode ame nani, te nage Juda bidi mu dao. Tiali digi, me sogo nago te Juda dabego ebo kolesaga tagalama, tama nage te Juda hani isąwai we bidi tiwai bidibo dao. Tama tibaso, megi nago te Juda hani isąwai bidi dali bomo eyu, augwaligo te Juda hanigo ebo kolesaga wali pao po nago magi baso obawe?” eno Pitabolo te po wai.

2 Korin 5:16

Tama tibaso, megi dena digi te poloba te tǫde bidi dabego ebo homu kolesaga wali me pisąma tama bidi me deligo kolesaga me dagalogobeo. Mu tama, polobadu dago te tǫde poloba homu kolesaga wali peyu tama Krais dagaloyu tiwai. Tiali goli megi dago aga te dagalabo kolesagade me dagalobeo.

Dwagi Yai Gesi Po Jongo Asęani 18:1

Te Jisasgo te po olama, tama Jisas aga bidi dabe dali augwaligo te bulu tagalama, tama peyu, Kidron ąį odogo nogogi pai. Te ni oliv sili, te ąį u badu elaluai. Tama Jisas aga wali pabo bidi dabe dali augwali te oliv ni sili bulu tomoba pai.

Matyu 10:37

Tama niwai bidi agai aga aya me ida naga mu godolo eyu tama ena kuna godolo me isąwani da, te bidi aga eno abagi bidigobeo, te usu menio. Tama bidi mego aga ogwa ma wegi naga godolo eyu, tama ena kuna godolo me isąbo bidi, te aga eno abagi bidigobe dao.

Sekaraia 13:3

Te bidi me deligo tibo po ola mayu, te profet po obaso da, teda aga aya idago digi aga waibolo te tiwai po walao, ‘Naga digi nago tibo po pusubao,’ po wao. ‘Te Genuai Bidigo po me wabeo. Tibaso, nage isao,’ po wao. Te bidigo te tiwai tibo profet po pusubaso da, teda aga aya idago digi te hwą gego aga enama isilao.

Tuni Bidi Dabego Po Elalubo Buku Si 34:4

Tama aga sę bidi dabe dali biligi pelama, tama agai augwaligo te tibo god Balgo alta dabe doligi pabo suali. Tama me te wiegi yai denami hano holobo pauda ulubo alta me dolali, te Balgo alta ugwadu daide dolalubadi dolali. Augwaligo tibo god we Aserago piksa noma pisilama tagalali, me te meba tibo god dabego piksa noma pisilama tagalali, tama augwaligo te piksa dabe halua mia sąnama, keli gagabode mu tagalali. Tama augwaligo te pauda selama, tama augwaligo te tibo godiba lotu wali we bidigo gų pageba gegele biligi pali.

Te Israel me Juda Hani Sigo Tuni Bidigo Po Elalubo Buku Si 23:6

Tama agai te augwaligo te tibo god we Asera noma nigilama, te Genuai Bidigo tempel bede munaluali piksa noma me sela sąyani, tama augwaligo te Jerusalem bulu tagalama, tama te bulu me odogo te wę Kidron elalubo odogoba selasa pai. Tama te augwaligo siaba ulali. Tama te nosali augwaligo te sisi selama, tama augwaligo haluama, te pauda mu dolo nigali. Tama tilama, augwaligo te pauda selasa pelama, te taun Jerusalem bulude te olo we bidi dabe isali te pubulali gų pageba sąsą biligi pali. Magi baso meni, te Aseraba lotu po wabo nai te dwai dwai nai mu da, te ola momainogo tama tiali.

Te Israel me Juda Hani Sigo Tuni Bidigo Po Elalubo Buku Si 18:4

Tama te king Hesekia agai te e tama kolesaga yali, te augwaligo te tibo godiba lotu po wabo pesage dolama, tama agai te masigide age ni posde te tibo god noma piksa nigilama daganani masigi pos dabe me hųginama sąyani. Tama me te nigo te tibo god we Asera noma nigilama daganai age ni pos gelama, sąyani. Tama me polobadu Mosesgo te brasgo nigali hasamani te agai selama, augwaligo te hasamani e tama nogi poai, Nehustan, tama te hasamani noma agai te denege minama, sąyani. Magi baso meni, te we bidi dabego te hasamaniba lotu po weyu, te dwagi yai denami emainu hano ebo pauda ulubaso, tiai dao.

Te Israel me Juda Hani Sigo Tuni Bidigo Po Elalubo Buku Deli 15:10

Tama aga te Jerusalem bulude king nigilama bidali kibu be e tama dao, te 41 yia usu nama bidai. Maka, aga te Apsalomgo wegi da, te Asa aga auwa mosi da.

Te Israel me Juda Hani Sigo Tuni Bidigo Po Elalubo Buku Deli 15:2

Tama aga te Jerusalemde king nigilama bidali kibu be me si me deli, tama kibu be usu nama bidai. Maka, Apsalomgo wegi da, aga te Abiyago ida da.

2 Samuel 15:23

Te Devit aga hani dali augwa te Jerusalem taga pabo sogo, te tigidali we bidi gela umabo sę elama, mu dwai homu dene ebo gela wai. Tama king te aga hani dali te wę Kidron nogelama, tama te bulu kemi tǫ wa pai bulu pedaiba poloba pelawali.

Josua 6:24

Tama nosali te Israel dabe augwaligo sia nogolama, tama te hanu me te tomode elaluali nai tigidali te siago dai. Tiali goli, hasiabolo te Israel dabego te gol, me silva, me bras, me ain, tego nigali te nai dabe augwaligo selama, tama deli madi sisinama, te Genuai Bidigo mone mubo be tomoba muai dao.

Bomai Po 33:9

Augwaligo nago po me nago kontrak dąų wali po wali pabo bomo elalubao. Tama augwaligo augwa ida aya, me augwa ama dede, me augwa wai bǫų dabego homu kolesaga wali me pabeo. Menio. Augwaligo te nago homu kolesaga naga wali pai dao.

Bomai Po 9:21

Dagego te kau kibu wai geselama, tama dage sęgę sali. Tama tibaso, eno te kau kibu selama, tama eno isiba sąwani, tama eno tigidali miminama, tama tigidali tama hogomu tiwai gagawali, tama eno te hogomu te bulu dude gomo elalubo węba aiyaba gea palali,” Mosesgo te po wali.

Bomai Po 7:5

Dage te bidi hani dali abagi igimio. Menio. Dagego augwaligo alta togoyu, me augwaligo tibo god noma elalubo masigi pos ni toga sąyu, me te tibo god we nogi Aserago noma elalubo ni pos toga sąyu elama, me augwaligo tibo god piksa sia uluyu yao.

Pris Sę Ebo Bomai Po 26:30

“Te eno dwai haliga dageba elama, te dagego tibo god dabego lotu be te bulu dude sę yani te eno dolaibao, te wiegi yai denami ebo hano holobo ofa ebo alta eno alueibao. Te eno dage ela munama, te eno dolali te tibo god piksa daiba sąwaibao.

Te Israel me Juda Hani Sigo Tuni Bidigo Po Elalubo Buku Deli 2:19

Batseba pelama, te king Solomon sugi pelama, te agaba hanaluyu, te Abisak te Adoniyago sabo po hanalugi pai. Kingo te Batseba asobo sulama, tama aga dolugulama, tama kidu sugunu gulama, tama tobolu basi gulama, te aga idaba genuai nogi mayu te tama tiali. Tama aga te king dulalubo sia saiba ma duagulama, tama te sę bidi dabeba weyu, te augwaligo sia sai me deli sela asao olama, tama aga te king dugulalubo sia sai pąde te aga dolo nogo badu munama, tama Batseba te sia saiba duagulali.

Te Israel me Juda Hani Sigo Tuni Bidigo Po Elalubo Buku Si 10:26

Tama augwali te lotu po wabo be tomoba pelama, tama augwaligo te bidi dabego lotu po wabo te noma ni dabe sali, tama augwaligo te ni dabe selasa buluba pelama, tama augwaligo te bulude te noma ni dabe isiba ulali.

Te Israel me Juda Hani Sigo Tuni Bidigo Po Elalubo Buku Si 23:4

Nosali te king Josaiago agai tobolu pris bidi Hilkia dali, te aga dologode sę ebo pris bidi dabe dali sali, tama me badu pris bidi dabe te augwali te Genuai Bidigo tempel be tų tonalubo pris bidi dabe me, tama agai augwalibolo te po wali, “Dage te Genuai Bidigo te be tomoba pelama, tama te tigidali te tibo god Bal me, me te god we Asera me, me te dagalu hǫ dabe, te tobage tibo god dabeba lotu po wabo doado bage dabe tigidali selama, buluba sela sąyao,” wali. Tama tilama, te kingo augwalibolo te po wali, “Te doado bage dabe tigidali selama, tama te buluba tolasa pelama, tama te wę Kidron wę bulu odogoba pelama, te doado bage tigidali sia ulao,” wali. Tigidali doado bage siago dela pela silibo si, tama te augwaligo te keli naga sela pelama, tama te taun Betel buluba pao wai.