Te Israel me Juda Hani Sigo Tuni Bidigo Po Elalubo Buku Deli 14:4 - Godigo dwagi yai po buku

⁴ Tama te king Jeroboam aga wego te aga bidigo wali po odama, tama aga te Silo buluba pelama, tama te profet bidi Ahiyago beba sabolali. Tama te profet bidi Ahiya aga te megi monu dabe mu yai, tama agai gedu tigidali mu halua sali.

Te Israel me Juda Hani Sigo Tuni Bidigo Po Elalubo Buku Deli 14:4 Referans Kwoze

Te Israel me Juda Hani Sigo Tuni Bidigo Po Elalubo Buku Deli 11:29

Me sogo deli Jeroboamgo te Jerusalem tagalama, tama te sunumi me deli wali pobadi, tama te Silo hanu bidi profet Ahiyago aga dali te sunumide gesabidi deliba ununani. Augwali si naga bidali, tama gasa bidi te pąde me bidibeo. Te sogo Ahiyago te gudubo ugwa gesi me deli munasa asali.

1 Samuel 3:2

Megi da, Eligo gedu doyu, tama pąde aga gedu halua sainu yali. Tialima, me sogo hulide aga te Godigo be habude pila muani,

Kolesaga Koneai Bidigo Pusali Po Elalubo Buku 12:3

Te sogo dagego nogo bomo munu ma isiąma, te midigi saibao. Te dagego sągą bomo menisąma, gagea paibao. Te dagego kele me deli deli naga elalueibao, tama dagego te dila pai nai me tugobeo. Te dagego gedude me dwai elama, te dagego nai dabe bugagia tonono bilibo usu egobe dao.

Godigo Nogi Ugwaba Sabo Tęąbi Po Wabo Buku Dabe 90:10

Da bidibo kibu be te 70 usu naga bidaibao. Tama dago bomo elalubaso, da te kibu be 80 usu naga bidaibao. Tiali goli, te tigidali kibu bede da te sę dene naga eyu, tama sęgę naga gegaibao. Te tigidali kibu be polo silama, tama da me pela silaibao.

Te Israel me Juda Hani Sigo Tuni Bidigo Po Elalubo Buku Deli 14:2

Tama te king Jeroboamgo aga webolo e tama tiwai po ola mani, “Eno homugo nage te gasa gagawai au yao, tama te tigidali bidi dabego te king eno we da homu munu me konegobeo. Awe, tama te nage te Silo buluba pao. Te bulude te profet bidi Ahiya te bidibao,” wali. “Tama te profet bidi agai enabolo weyu, ena nage te Israel hanigo king bidi nigilama bidao wali profet bidi te bulude te bidibao,” wali.

Josua 18:1

Te Israel dabe augwaligo boi hwįnama, te tigidali bulu bidi dabe aiyaba elaluama, tama augwa hani tigidali te Siloba sisinani. Tede augwaligo te God dali sisinabo lotu be, te ugwa be, te augwaligo dodolama muai.

Bomai Po 34:7

Moses agai kibu be 120 kibu be elama, aga isali, tama aga bomo elalubadi, tama agai gedu wiegi yai elaluali.

Tigidali Nai Gagalama Nigali Side 48:10

Jekop te monu dabe elama, tama agai gedugo te nai dabe bugagia suainu ebo te usu meni yai. Josep aga ogwa si odasa aselama, tama Jekopgo augwali si nogo tola selama, tama augwali si nono nani.

Tigidali Nai Gagalama Nigali Side 27:1

Aisak monu dabe mu elama, tama aga gedu halua selama, tama te nai dabe me, bulu ula me ma bugagia suabo ąǫ isąwai. Tialima, agai aga gomunai ogwa Iso i olama, tama agabolo te po wali, “Ogwao!” Tama Isogo po wei ponani, “Awe, ena e bidibao,” wali.