Te Israel me Juda Hani Sigo Tuni Bidigo Po Elalubo Buku Deli 14:16 - Godigo dwagi yai po buku

¹⁶ Tama te king Jeroboam agai me te sęgę sabo sę me eduali, tama agai te Israel hani augwali me kegelama, tama sęgę sabo kolesaga eyu sęgę sali. Tama te Genuai Bidi Godigo te augwaligo te sęgę sabo kolesaga homu kone palama, tama agai te Israel hani dabe augwaliba agai tudi ola mani,” Ahiyago te po wai.

Te Israel me Juda Hani Sigo Tuni Bidigo Po Elalubo Buku Deli 14:16 Referans Kwoze

Te Israel me Juda Hani Sigo Tuni Bidigo Po Elalubo Buku Deli 16:2

“Basa, bugagia odao. Hasia te nage olo bidi mu gagawai, tialima eno nage te king bidi nigilama, tama nago te Israel hani augwali tonaluai, te we bidi dabe augwali te eno hani we bidi dabe da. Tiali goli, nago te king Jeroboamgo yali gilama, te nago kolesaga dwai mu ebuo,” wali. “Tama nago te we bidi dabe augwali kegelama, sęgę sabuo,” wali. “Tama augwaligo te sęgę sabo kolesagago te eno haliga sębę augwali dali ebao,” wali.

Te Israel me Juda Hani Sigo Tuni Bidigo Po Elalubo Buku Deli 15:34

Basa agai te king Jeroboamgo yali dwai kolesaga yali gilama, te agai me te yali kolesagadu wali pelama, tama agai me dwai kolesaga yali. Tama te agai me te Genuai Bidi God gedude sęgę sali. Tama me te agai te tigidali Israel hani we bidi kegelama sęgę sai.

Te Israel me Juda Hani Sigo Tuni Bidigo Po Elalubo Buku Deli 15:30

Te king Jeroboamgo hanide yali sęgę te page e tama tiwai da, te king bidi Jeroboam aga digi te polobadu te Genuai Bidi Godigo gedude yali sęgęde dao, Israel bidi dabego Genuai Bidi, tama me te agai te Israel hani we bidi dabe kegelama, te augwaligo sęgę sali bage. Augwaligo te tama yali sęgęde te Genuai Bidi haliga sębę genuai mu ilali, tama teyu, te Genuai Bidigo te king Jeroboamgo hani tigidali dola silali.

Te Israel me Juda Hani Sigo Tuni Bidigo Po Elalubo Buku Deli 13:34

Te king Jeroboam dali, te aga hani dali, augwaligo te tama sęgę sabo dwai meda yai kolesaga me eyu gęani, tama augwaligo augwa te dwai kolesagago sęgę me sę edu gęani. Tama te tiali bagego da, Genuai Bidigo te king Jeroboamgo hani tigidali nosali mu dolali.

Te Israel me Juda Hani Sigo Tuni Bidigo Po Elalubo Buku Deli 12:30

Tialima, te we bidi dabe augwaligo te tibo god te bulmakau noma siba lotu po wali. Tama te tibo kolesagago te augwaligo sęgę sali. Tiali goli, hanu Dan te digibulu elalubo bulu goli, te tigidali we bidi dabe augwali te Dan taunde elalubo tibo god bulmakau nomaba augwaligo lotu po wagi pabo kolesaga iduai dao.

Polgo Po Pas Rom Dabeba Asęani 14:13

Te da tigidali te Godigo po tų ebode mu dolalubaso, tama dago dwai homu gasa amago ebo kolesagade ebo tagalao, te me elamuo. Menio. Dago te tiwai homu yao: dago te ama dwai sęgęba tulalumainogo magi sę me deli elamu dao. Te aga Godigo pabo tųdu pabo dolamuo.

Matyu 18:7

“Magi baso meni. Te tǫde bidi dabe augwaligo te bidi meba te dwai sę ebo kolesaga tomoba kegelama, te bidi meba tulalubo dao. Te augwali kegali bidi dabego moni dene mu saibao. Mu dao, te tobage haniani dwai kolesaga pedalaibao. Tiali goli te dwai sę ebo kolesaga tomoba gasa bidi kegebo bage, augwalide hobede mu yao, augwaligo moni dene mu saibao.

Maika 6:16

Dagego te king Omrigo dwai kolesaga wali pali, me aga ogwa king Ahapgo kolesaga me wali pai. Dagego augwali sigo polobadu te yali tobage kolesaga tiwai yali, tialima te eno dage dolaibao, te gasa bidi hani bagego dage tudiba muaibao. Te tigidali bulu pedaide bidibo hani bidigo te dageba gesabidi tuluga selama, tama dwai posobo po waibao,” wai dao.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Aisaia 40:24

Augwali te plaua dabe te bidigo tamadi tama bulama, te augwa sele aiyaba dulusiąwai tiwai elalubao. Te Genuai Bidigo bomai posolai wali tagala palobo sogo, augwali te deli sogo polo tama sasia pelama, te baguasa pabo waligo augwali te hogomu sela pabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 81:12

Tama tibaso, eno te augwa hagoma ebo kolesagade wali bilimainu sula tagalali, tama augwa te mena augwa homugo ela palio.

Ma Dobola Sali 32:35

Tialima, Genuai Bidigo nosali genuai gasi dwai me deli te bidi dabego dwai sę yali wei ponoyu, tama te gasi augwaliba tagala palai. Magi baso meni, augwaligo po bomo yai Aronbolo olama, tama agai te bulmakau wai te golgo nigai dao.

Ma Dobola Sali 32:21

Tama agai Aronbolo te po hanalu wai, “Te e we bidi augwaligo magi sę nagebolo ebaso, tama nago augwaligo te dwai kolesaga mu emainogo sula tagalaliwe?”

Ma Dobola Sali 32:25

Mosesgo koneani, te we bidi augwaligo dwai kolesaga subigila emainogo yali, tama Arongo augwali dąų wabo usu ebeo, te homu yali. Tama agai te homu yai, tiyu augwa boi bidi dabego augwali sulama, tama posobo po me gisugu maidali, te homu yai.

Te Israel me Juda Hani Sigo Tuni Bidigo Po Elalubo Buku Deli 15:26

Tama agai te aga ayago yali dwai kolesaga tiwaidu wali pali. Aga digi aga sęgę sabo dwai kolesaga te Genuai Bidigo gedude yali, tama teyu, agai te Israel hani we bidi dabe me agai kegelama, sęgę sali.

Te Israel me Juda Hani Sigo Tuni Bidigo Po Elalubo Buku Deli 16:19

Te bidi Simri aga tigide te pedelali sęgę, magi baso meni, agai te king Jeroboamgo yali tiwai dwai kolesaga agai me tibaso, te tiwai sęgę aga tigide pedelai. Agai te Genuai Bidigo gedude agai me sęgę sai, tama me te agai te Israel hani we bidi dabe agai kegelama, te we bidi dabe augwaligo me sęgę sali.

Te Israel me Juda Hani Sigo Tuni Bidigo Po Elalubo Buku Deli 21:22

Nago te we bidi augwali dwai sę eboba kegebaso, tama nago te tebo kolesagago ena haliga sębę ilibao. Tama tialima, eno te deli tigi poai kolesaga te nago deli hani sibiba yaibao, eno te king Jeroboamgo deli hani sibiba yali sę tiwai yaibao, te Nebatgo ogwa da, te king Basago deli hani sibiba me te tiwai yali, te Ahiyago ogwa dao,’ wali.

Te Israel me Juda Hani Sigo Tuni Bidigo Po Elalubo Buku Si 3:3

Tialima, Joramgo te dwai kolesaga yali sęgę te king Jeroboamgo yali te sęgę sabo kolesaga te tiwai naga yali, aga te Nebatgo ogwa, te agai yali sęgę te tiwai, augwaligo te yali tiwai sęgę sabo kolesaga naga eyu, te Jeroboamgo agai te Israel augwali kegelama, te augwaligo te tiwai dwai kolesaga emainu Joramgo Israel augwaligo me tiwai kolesaga emainu kegai. Joramgo agai te dwai kolesaga ebo me tagalobe. Mu meni.

Bomai Po 32:30

Magi baso mu boi bidi dabe deli deligo te 1,000 Israel dabe dolama tagalaliwe? Tama ma, magi baso te boi bidi sigo te 10,000 Israel dabe aiyaba elalualiwe? Te po page da e tama dao. Te augwa Genuai Bidi Godigo augwali hagela polo yali. Augwa bomai Godigo augwali tudi ola mani.

Te Israel me Juda Hani Sigo Tuni Bidigo Po Elalubo Buku Deli 16:13

Te king Basago hani tigide pedelali sęgę page e tama dao. Te king bidi Basa dali, te aga wai te king bidi Ela dali si, augwali sigo te Genuai Bidi Godigo gedude augwali sigo sęgę sai, Israel hanigo Genuai Bidi, tama augwali sigo te tibo godiba lotu po wali. Tama augwali sigo te Israel hani dabe augwali kegelama, sęgę sabo sę yali. Augwali sigo tama tiali sęgęde te Genuai Bidigo augwali dali agai haliga sębę mu yai, tama teyu, te Genuai Bidi agai te king Basago hani tigidali dolali.

Te Israel me Juda Hani Sigo Tuni Bidigo Po Elalubo Buku Deli 16:27

Te king Omrigo haniani sę yali po da, te po gasa bukude elalubo, augwaligo e tama nogi ebo da, Israel Hani Dabego King Bidi Dabego Po Elalubo Buku Da wabo da. Te bukugo te king bidi Omri agai te haniani tigidali dila pai sę yali po ola mabo buku dao.

Te Israel me Juda Hani Sigo Tuni Bidigo Po Elalubo Buku Deli 22:53

agai te tibo god Balba lotu wabo sę yai. Te tiali kolesagade agai te God, te Israelgo Genuai Bidi, agaba haliga sębę dwai ilali, te aga aya Ahapba dwai haliga yali tiwai yai dao.

Te Israel me Juda Hani Sigo Tuni Bidigo Po Elalubo Buku Si 10:31

Tama me te Jehugo te Israel bidi dabego Genuai Bidi Godigo te tigidali bomai po te agai bugagia bomo elama, wali pabe. Menio. Agai te king Jeroboamgo yali kolesagadu wali pali, te kingo te polobadu agai te Israel hani augwali kegelama, te augwaligo te dwai sęgę ebo kolesaga yai.

Te Israel me Juda Hani Sigo Tuni Bidigo Po Elalubo Buku Si 13:2

Tama agai te king Jeroboamgo yali dwai kolesaga tiwai te agai me te Genuai Bidi gedude dwai kolesaga yali. Polobadu te king Jeroboamgo te Israel hani kegelama, tama teyu augwaligo te Genuai Bidigo gedude augwaligo dwai sęgę sabo kolesaga yali. Tama tialima, te Joahas agai me te king Jeroboamgo yali gilama deli kolesaga naga yali, tama agai te dwai kolesaga me tagalobe. Mu menio.

Te Israel me Juda Hani Sigo Tuni Bidigo Po Elalubo Buku Si 13:6

Tiali goli, augwa te sęgę sabo dwai kolesaga sela sąbe. Te polobadu te king Jeroboamgo hani bidiyu yali gilama, tama te Israel hani augwaligo me augwali wali pabo tagalobeo. Menio. Augwaligo te dwai kolesaga ebo sę me eduali. Tama augwaligo te tibo god te we Asera noma nigilama, te Samaria bulude muani piksa noma, augwaligo munu me sela sąbeo.

Te Israel me Juda Hani Sigo Tuni Bidigo Po Elalubo Buku Si 14:24

Tama agai kolesaga te aga sabi bidi Jeroboamgo yali dwai kolesaga tiwai agai me te Genuai Bidi gedude te dwai kolesaga yali. Polobadu te king Jeroboam te aga sabi bidigo te Israel hani kegelama, tama augwaligo te dwai sęgę sabo kolesaga te Genuai Bidigo gedude dwai mu yali. Tama megi te king nigali sabi bidi te Jeroboamgo me, te hasia king Jeroboamgo yali deli kolesaga tiwai naga te sęgę sabo kolesaga eyu, tama bidali.

Te Israel me Juda Hani Sigo Tuni Bidigo Po Elalubo Buku Si 15:9

Tama te king Sekaraiago te Genuai Bidigo gedude agai me dwai kolesaga yali, te aga wąį nǫų dabego yali kolesaga tiwai naga yali. Agai te dwai sęgę sabo dwai kolesaga yali, te hasia king Jeroboamgo yali tiwai naga yali. Polobadu te king Jeroboamgo te Israel hani agai kegelama, te dwai kolesaga eyu, tama te augwaligo Genuai Bidigo gedude te sęgę sabo kolesaga genuai mu yai. Tama te king Sekaraiago agai me te king bidi dabego yali kolesaga tiwai ma yali.

Te Israel me Juda Hani Sigo Tuni Bidigo Po Elalubo Buku Si 15:18

Tama te Genuai Bidigo gedude agai dwai kolesaga mu yali. Tama te hasia king Jeroboamgo yali kolesaga tiwai naga yali. Polobadu te king Jeroboamgo te Israel hani agai kegelama, tama augwaligo te Genuai Bidigo gedude sęgę sai dao. Tama te bidi te Menahemgo me te deli kolesaga naga ela pedu kęnama, tama aga isiboba usu nigi pai.

Te Israel me Juda Hani Sigo Tuni Bidigo Po Elalubo Buku Si 17:21

Polobadu Israel hani dali, te Juda hani dali si, augwali te king Devit dologode bidai. Tiali goli, nosali te Genuai Bidigo te Israel hani augwaligo te Juda hani tagalama, augwa tedali bidimainu nigilali. Tama tilama, te Israel hani augwa king tedali dąį ilali, te bidi te Jeroboam, Nebatgo ogwa, te Jeroboam te bidi te Israel hanigo king bidi nigilali. Tiali goli, te king Jeroboamgo te Israel hani augwali kegelama, tama augwaligo Genuai Bidi tagalama, tama augwaligo dwai kolesaga umabo mu eyu, tama genuai sęgę mu sali.

Te Israel me Juda Hani Sigo Tuni Bidigo Po Elalubo Buku Si 17:23

Tama nosali te Genuai Bidigo augwali hagela mu ebaso, tama augwali aga pąde me bidisiąmainogo eyu, agai augwali te gasa buluba bidigi pomainu digibulu mu sela sąyani. Genuai Bidigo tama tiali, magi baso meni, te Israel hani bidi dabe augwaligo te tigidali po agai te aga sę bidi profet bidi dabego pedauwalidu ola mani podu wali pabe, te profet bidi dabe te aga sę ebo bidi dabe dao. Tama tibaso, te Asiria hani augwali asama, te Israel hani dabe dali boi hwįagaselama, te Israel hani augwali aiyaba elaluali, tama augwali te Asiria buluba odasa pali. Tama augwali te bulude me bidibao. Te gasa hani we bidi dabe augwali asama, te Israel hanigo buluba bidagasali.

Te Israel me Juda Hani Sigo Tuni Bidigo Po Elalubo Buku Si 21:16

Te king Manasego agai te Juda hani augwali kegelama, tama augwaligo te Genuai Bidi gedude sęgę genuai mu sali. Tama me te agai aga hani we bidi dabe dali boi bidi ebo kolesaga yali. Tama te tigidali Jerusalem bulude te king Manase agai e tama kolesaga yali, te dwai kolesaga isiąwai doloba pai we bidi umabo mu agai ela muna muna pali.

Te Israel me Juda Hani Sigo Tuni Bidigo Po Elalubo Buku Si 23:15

Polobadu te king Jeroboamgo, te Nebatgo ogwa da, tama agai te ofa nai muabo alta sai me deli nigali, tama te lotu po wabo bulu du pesage me deli te taun Betelde nigali. Jeroboam aga te king te polobadu Israel hani kegelama, tama te Genuai Bidi gedude dwai kolesaga haniani elama, sęgę sali. Tialima, megi te king Josaia aga te taun Betel buluba pelama, tama te bidi dabe augwalibolo e tama po ola mani, tama augwaligo te lotu po wabo pesage me dolama, tama te alta sai me hųginama, sąyani. Tama augwaligo te lotu po wabo pesagede te sia dogonama, tama nosali augwaligo te sisi dabe selama, tama augwaligo te haluama, tama te pauda gagawai mu pedalali. Tama me te augwaligo tibo god we Asera noma piksa elalubo pos ni selama, tama augwaligo siaba ulali.

Tuni Bidi Dabego Po Elalubo Buku Si 28:19

Te sęgę te king Ahas me Juda we bidiba te pedelali po page da e dao, Ahasgo dwai kolesaga hauwa mu yali, tama agai Genuai Bidiba tudi ola mani. Tialima Genuai Bidigo te genuai sęgę pedelama, te kantri Juda aiyaba elalumainu sula tagalali.