Te Israel me Juda Hani Sigo Tuni Bidigo Po Elalubo Buku Deli 14:13 - Godigo dwagi yai po buku

¹³ Tama te tigidali Israel hani dabego aga gela usu menama, tama aga gų pageba pubulaibao. God, da Israel hani dena Genuai Bidi dao, suali, te ogwa deligo mu te Jeroboamgo hani tomode agai dwagi yai kolesaga mu ebao. Tama tialima, Genuai Bidigo agai tigi gų pageba pubalobo sula tagalali, tiali goli te Jeroboamgo gasa hani bidi, meni.

Te Israel me Juda Hani Sigo Tuni Bidigo Po Elalubo Buku Deli 14:13 Referans Kwoze

Tuni Bidi Dabego Po Elalubo Buku Si 19:3

Tiali goli nago meba wiegi yai kolesaga me ebo dao. Nago naga kantride elaluali tibo god we Aserago piksa noma alulama sąwai dao. Tama nago Godigo homu kolesaga wali pabo homu kolesaga bomo mu yai dao,” Jehugo te po wali.

Tuni Bidi Dabego Po Elalubo Buku Si 12:12

Genuai Bidigo king Rehoboamgo aga digi aga aiyaba elaluama tama aga dologode bidibo suali. Tama me agai meba wiegi yai kolesaga te kantri Judade elalubo suali. Tama tibaso, augwali dali aga sębę me ebeo, te Rehoboam dali, tama agai aga mu dolama tagalobeo.

Filemon 1:6

Tama eno Godibolo gedu haluasa po weyu, eno te homu ebo dao: da dena homu Jisasba muyu, te da nage dali wadolobo dao. Tama tiyu, eno homugo dago Jisasde konealubo po dąų wabo kolesaga ebogo nage ola momainao. Tama ola menama, tama God agai da Jisasde wadolali we bidi da dali yabo dwagi yai sę page nago gisiga mu koneaibao. Te homu eyu, eno Godibolo hanalu wabo dao.

Jeremaia 22:18

Te pagede naga tama Genuai Bidigo homude te Jehoiakim kone palali, te Josaiago ogwa, te Juda king bidai. Tama Genuai Bidigo te tama po wali, “Te Jehoiakim isibaso da, teda te we bidi dabego agade te homu dene ebo gela me wagobeo, te po weyu, ‘Hobede mu ebao, eno amao,’ te ‘Hobede mu ebao, eno abeo,’ te wagobeo. Te augwa homu dene ebo gela weyu, te po me wagobeo, ‘Te eno genuai bidi hobede mu ebao,’ ‘Te dago king homu dene mu ebao,’ po me wagobeo.

Jeremaia 22:10

Dage Juda, te king Josaia isalio, tiali goli dagego agade hobede ebo gela wagimio. Te dagego aga ogwa Joahasde dwai gela obaso, te usu yaibao. Magi baso meni, Joahasgo da tagalalio, te aga page buluba ma begasa me asogobe dao.

Jopgo Po Asęani Elalubo Buku 19:28

Dagego e tama wabo dao, ‘Dago Jop po tų ela mabo kolesaga tagalogobe. Magi baso meni. Te dolali sę page aga tigide te elalubao,’ dagego te po wabo dao.

Israel Hanigo Namba 20:29

Tama augwali sigo tigidali we bidibolo e tama po wali, “Aron polo isalio,” po wali. Tama augwali sese agade gela odubadi, polua deli usu nani.

Te Israel me Juda Hani Sigo Tuni Bidigo Po Elalubo Buku Deli 14:18

Tama augwaligo te wai bǫų tigi pubulama, tama te tigidali Israel hani we bidi dabe augwaligo te wai bǫų pubulama, hobede ebo gela wali. Te tama tialigo da, te profet bidi Ahiya agabolo te Genuai Bidi Godigo ola mani poba usu nigi pali, aga sę bidi.