Te Israel me Juda Hani Sigo Tuni Bidigo Po Elalubo Buku Deli 13:9 - Godigo dwagi yai po buku

⁹ “Magi baso meni, Genuai Bidigo te po wali, eno te dage dali te nai tuyu, tama te ąį tuyu, me te magi nai me siyu egio po wai. Tama me te ena asali tųdu ma begasa peyu, te ena buluba pogobeo. Menio. Ena gasa tųdu ma paibao,” wali.

Te Israel me Juda Hani Sigo Tuni Bidigo Po Elalubo Buku Deli 13:9 Referans Kwoze

Polgo Po Pas Rom Dabeba Asęani 16:17

Ama dedeo, te we bidi hani pedebo kolesaga ebo bidi dabe, te bagede dagego bugagia suao, dua dao. Te dagego Kraisde polobadu odali ola mabo po, te po augwaligo sela sąwainogo eyu, tama augwaligo we bidi dwai sę ebo kolesaga tomoba kegebo dao. Te tobage we bidi dagego tagalao, augwali tudiba mu muao.

Dwagi Yai Gesi Po Jongo Asęani 15:14

Tama dagego eno wali po selama, te po bugagia wali asobaso da, teda dage eno abagi dabe dao.

Dwagi Yai Gesi Po Jongo Asęani 13:17

Dagego te po page koneyu da, te sę yao. Tama te sę eyu da, teda dage dwagi yai homu yagameo,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 141:4

Ena te dwai kolesaga ebo tomoba pidali weyu, nago ena hageao. Tama nago ena te dwai sę ebo bidi dabe dali deliba sisinama, tama te dwai sę meba emainu me elamuo. Ena te augwali te moni nai daa tuboba pelama, te augwali dali deliba dugamainu me idali weyu, nago ena togolao.

Jopgo Po Asęani Elalubo Buku 23:12

Tama eno agai te tiwai ya wali po me sela sąbeo. Menio. Eno agai enabolo mani po wali peyu yai dao. Agai po pusu mu elama, tigidali deli deli sogo tuabo naigo pusu edelalio,” wali.

Te Israel me Juda Hani Sigo Tuni Bidigo Po Elalubo Buku Deli 13:1

Tama te king Jeroboamgo aga te alta saide dolaluyu, te ofa nai ulubo sę eyu, alta saide dolaluali, tama te Godigo sę ebo profet bidi me deli aga pageba sabolali. Te profet bidi te Juda hani bidi da, tama te Genuai Bidigo te agabolo “Te Juda tǫ tagalama, tama nage te Betel buluba asao,” wali.

1 Samuel 15:22

Tiali goli, Samuelgo agabolo te po wali, “Genuai Bidigo dago mena kolesaga ebo godolo ebo dawe? Agai te tobage ofa ebo dabe naga godolo ebo dawe? Ma, te dago agai po wali pomainu homu ebo dawe? Odao. Te agai po wali pabo kolesaga te polasa yaibao. Tama te wiegi yai kibu dabe ofa ebo sę, te nosali badu naga yaibao. Te dago agai po odobo kolesaga te wiegi yai dao, tiali goli te omai sipsip ili siago deyu, tama ofa ilibo, te nosali badu naga yaibao.

Israel Hanigo Namba 16:26

Tama Mosesgo tigidali we bidibolo e tama po walali, “Dage tigidali ugwanu kila sesa piąo, te dwai bidi dabego ugwa be pąde, tama augwaligo nai dabeba me dagana selama me elamuo. Tiyu, dage augwa pąde bidiyu da, augwaligo sęgę dage me isabuo.”

Kraisgo Geme Dualali Sę Pedelabo Po Jonbolo Ola Mani 18:4

Tama eno odali, gasa pedauwalidu po dagaludu pedalali, tama agai te po wali, “Eno we bidi hani, dage te bulu tagalama buluba soao. Dage aga dali te dwai sę ebode te dene sidali weyu, tama dagego agai ebo dwai dwai sę me egimio. Tama tibaso, te bulu tagalao.

Efesus 5:11

Tama dagego te dwai kolesagade biliyu hulia side bidibo bidi dabe augwali dali hai namu olama augwaligo te ebo kolesaga egio. Te tiwai kolesaga ebogo te nai dwagi yai me walogobeo. Menio. Te kolesaga da te hulia sai kolesaga dao. Te egimio. Te kolesaga ebo page dagego hania bugagia ugwaba haninama pedalao, tigidali we bidi augwalibolo ola mao.

1 Korin 5:11

Tiali goli eno asęani po page te e tiwai dao: te bidi me deligo aga dage dali ama da wabo bidigo te we sabo kolesaga dolobo me, agai te gasa bidigo naide pesa eyu, me agai tibo godibolo lotu po weyu, me agai posobo po obaso me, ma agai bomai wę tubaso, ma agai te gasa bidigo nai anoma elama te tigidali kolesaga ebaso da, teda dagego aga dali kisasa biligio, aga dali abagi me wagio. Menio. Dagego te tiwai sę ebo bidi dali te nai me munu me tulamo dao.

Te Israel me Juda Hani Sigo Tuni Bidigo Po Elalubo Buku Deli 13:8

Tiali goli, profet bidigo agabolo e tama po wali, “Tagalao,” wali. “Tialima, nago homugo te naga mone dabe me maiabo homu eyu da, teya si bugulama, te me badu pedai te ena maiabo homu yali goli, ena te nago beba me pelama, te e Betel bulude te nai me tuyu, ąį me tuyu egobeo,” wali.

Te Israel me Juda Hani Sigo Tuni Bidigo Po Elalubo Buku Deli 13:10

Tialima, te profet bidi aga te Betel bulu tagalama, tama aga gasa tųdu wali pali. Aga te aga asali tųdu ma pabe.

Te Israel me Juda Hani Sigo Tuni Bidigo Po Elalubo Buku Deli 13:16

Tiali goli, te Juda profet bidigo agabolo e tama po wali, “Ena nage dali nago beba ma geasa pabo usu egobeo,” wali. “Tama eno nai me, ąį me, e bulu pedaide me tugobeo,” wali.

Te Israel me Juda Hani Sigo Tuni Bidigo Po Elalubo Buku Deli 13:19

Tama te Juda hanigo profet bidigo te po odama, tama aga te monu dabe profet bidigo beba pelama, tama te nai tuyu, te ąį tuyu, tama yali.