Te Israel me Juda Hani Sigo Tuni Bidigo Po Elalubo Buku Deli 13:6 - Godigo dwagi yai po buku

⁶ Tama tialima, te king Jeroboamgo te profet bidibolo e tama po wali, “Eno homugo nago te Godibolo gedu haluasa po wao,” wali, “naga Genuai Bidi Godibolo wao, tama agai ena tau selama, tama eno nogo ma gesa somainao,” wali. Tama tialima, te profet bidigo te gedu haluasa po wabode te Godigo te king bidi nogo dwagi yai ma ilama, tama te kingo nogo te polobadu tiwai ma ilai.

Te Israel me Juda Hani Sigo Tuni Bidigo Po Elalubo Buku Deli 13:6 Referans Kwoze

Godigo Sęba Tagala Palai Bidigo Po 8:24

Te bidi Saimon agai Pita dali Jon sibolo te po wai, “Dage sigo Genuai Bidibolo po wao, ena tau somainu, nago wali po ena pageba aselama, ena dolidali,” te po wai.

Ma Dobola Sali 10:17

Tama dage sigo eno sęgę megi deli sogo digi ma sela sąyao. Tama dage sigo Godiba gedu haluasa po weyu, tama dagego Genuai Bidi agabolo hanaluyu, tama te dwai naigo ena dolainogo ebo te sela sąmainao.”

Ma Dobola Sali 9:28

Te talua ge tulubage tulali dali, te dagalu kulukulu wali, te sigo da dolai dao. Tama nago gedu haluasa po Genuai Bidibolo olama, tama agai te nai silibo side, te eno dage pomainogo tagala palaibao. Tama dage e tǫde ma bidimainogo menio,” wali.

Ma Dobola Sali 8:8

Tama tuni bidigo Moses de Aron si i olama, asobode augwali sibolo te po wai, “Dage sigo Genuai Bidibolo gedu haluasa po olama, agai te gedeli dabe da tigide bidibo sela sąmainao, tama eno nago we bidi pomainogo tagala paliyu, tama augwa Genuai Bidibolo ofa magi pomainogo yaibao,” wali.

Israel Hanigo Namba 21:7

Tama te we bidi te Moses pageba aselama, e tama po wali, “Dago sęgę polo salio, te dago Genuai Bidi dali, me nage dali wado po walide. Megi nago Genuai Bidibolo gedu haluasa po wao, agai te gula mani sela sąmainao,” wali. Tama Mosesgo te we bidi tau somainogo Genuai Bidibolo gedu haluasa po wali.

Ma Dobola Sali 8:28

Tama tuni bidigo te po wai, “Te usu da, eno dage te duga Godibolo ofa magi pomainogo tagala paliyu, te duga Genuai Bidi Yawebolo te bidi meni yai tǫba ofa igi pomainogo, tiali goli dage digibulu gana pelamo dao. Tama dagego ena me tau somainogo gedu haluasa po wao,” wali.

Kraisgo Geme Dualali Sę Pedelabo Po Jonbolo Ola Mani 3:9

Suao. Nago te Satango bidi hani augwali koneai, tama augwaligo te po wabo, ‘Da te Juda bagego hani dao.’ Tiali goli menio. Augwali te tigide naga te Juda bage da wabo dao, tama augwaligo ebo kolesagade te Juda bage mu menio. Tialima te bidi dabe augwali eno selama, tama augwali te nago sągą pageba kidu sugunagasiyu, eno nage godolo mu ebo homu yali te augwaligo mu koneaibao.

Polgo Po Pas Rom Dabeba Asęani 12:21

Gasa bidigo nagebolo dwai sę elama tama nago aga dwai sę ma wei ponoyu da, teda dwai kolesagago nage aiyaba elaluai dao. Te tama gogologio. Menio. Nago agabolo dwagi yai sę naga wei ponao. Tama tiyu, nago dwagi yai kolesaga ebogo te aga dwai kolesaga yali aiyaba elaluao.

Polgo Po Pas Rom Dabeba Asęani 12:14

Te bidi dabe augwaligo dage dali dwai sę eyu dene mobaso da, te dagego Godibolo gedu haluasa po olama, te agai augwali wiegi yai ilimainao. Awe, dagego gedu haluasa po agaba obaso, te augwali agai wiegi yai ilimainogo wao. Dagego agai augwali dolomainogo gedu haluasa po weyu te i ola mabo po me olamuo.

Godigo Sęba Tagala Palai Bidigo Po 7:60

Aga kidu sugunama, agai Godibolo i bomo elama, te po wai, “Genuai Bidi, nago augwaligo te enabolo ebo dwai sę sęgę nago sela sąyao,” te po wai. Te po olama, aga isai. 8:1a Tama te bidi Sol agai augwaligo Stiven ela mubo sulama, Sol agai te sęde usu da wali.

Dwagi Yai Gesi Po Lukgo Asęani 23:34

Te Jisasgo te po wai, “Aya, nago augwaligo dwai sę yali sęgę sela sąyao. Augwaligo enade ebo sę sęgę augwaligo konebeo.” Tama te ami bidi dabe augwaligo satu gagali elama, Jisasgo gudubo ugwa dabe augwa dobola sai.

Matyu 5:44

Tiali goli megi eno dagebolo obao, dagego duga boi bidi dali dwagi yai homu eyu tama godolo eyu yao. Tama bidi meba augwaligo dagebolo dene mobaso da, teda dagego gedu haluasa po Godibolo wao, te agai augwali dali dwagi yai sę emainogo.

Jeremaia 37:3

Me sogo deli sogo king Sedekaiago Jehukal tagala palali, te Selemiago ogwa, te pris Safanaia dali, te Maseago ogwa, te profet Jeremaia sugi pelama, agabolo te tiwai po wali, “Kingo homugo nago te Godiba gedu haluasa po omainogo yali, te dago Genuai Bidi dao, te agabolo hanaluama, te da tigidali bugagia bidainogo obao,” wali.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

1 Samuel 12:19

Tama teyu, te we bidi dabego te tiwai po Samuelbolo wali, “Genuai bidio, dago homugo te nago gedu haluasa po te Godiba omainu homu ebao, te dago Genuai Bidibolo, tama agaba hanalu, te dabolo olo mu tau sabo wiegi yai homu kolesaga emainao, teda da isimainu me egobeo. Dago te dwai sę hauwa yali, tama megi dago koneani, dago te gasa sę me ma eyu, te dago nageba hanalu, te king me deli sa muyu nigilao po wali sogo, te sęgę me dago salio,” augwaligo te po wai.

Israel Hanigo Namba 12:13

Tialima, Mosesgo Genuai Bidiba e tama po i walio, “Godio, eno homugo nago Miriam ma usu ilao,” wali.

Ma Dobola Sali 12:32

Tama te kibu sipsip, me meme, tama te kibu bulmakau me selama, tama te Isip mu tagalama, dagego polobadu wali po tiwai eyu pao. Tama nago gedu haluasa po Godibolo obaso, agai ena dwagi yai ilimainao,” te Isip tuni bidigo augwali sibolo te po wai.

Te Israel me Juda Hani Sigo Tuni Bidigo Po Elalubo Buku Deli 13:5

Tama me te alta sai me auluama, tama te sia sisi dabe te tǫba tulaluama, pesala sąyani, te Genuai Bidigo te profet bidigo pedauwalidu poba usu nigi soyu tama tiali.

Godigo Nogi Ugwaba Sabo Tęąbi Po Wabo Buku Dabe 119:58

Eno nage bomonama hanalubao, nago ena homu dene eyu tau sao, magi baso meni, nago po dąų weyu tama wai.

Sekaraia 7:2

Tama te Betel we bidigo te Sareser me Regemelek me bidi meba ebadi augwaligo Tigidali Bomo Elalubo Genuai Bidigo beba tagala palali. Augwali pali da, Genuai Bidigo augwali dali wiegi yai sę emainu gedu haluasa po wagi pomai tagala palali.

Ma Dobola Sali 8:4

Tama te gedeli dabe augwali posoga palama, nago tigi daiba duayagasu, te nago sę ebo bidi dabeba, me te nago we bidi augwali tigiba duayagasaibao,” Genuai Bidi Yawego te po wai.’ Te po wao,” Genuai Bidigo te po wai. Mosesgo te po tuni bidiba wagasai, tama te tuni bidigo agai po odobeo.