Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Deli 13:34 - Godigo dwagi yai po buku

34 Te king Jeroboam dali, te aga hani dali, augwaligo te tama sęgę sabo dwai meda yai kolesaga me eyu gęani, tama augwaligo augwa te dwai kolesagago sęgę me sę edu gęani. Tama te tiali bagego da, Genuai Bidigo te king Jeroboamgo hani tigidali nosali mu dolali.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Deli 13:34
17 Referans Kwoze  

“‘Tama teyu, mu tama, eno te nago hani mu tama dolaibao. Tama te Jeroboam, tama eno te Israel hani tomode elalubo te nago hani we bidi dabe tigidali eno mu dola silaibao,’” wali, “‘ma te augwali te ogwa bidi me, ma te we sai bidi genuai bidi me, te augwali tigidali eno sela sąwaibao. Te e tama tiwai gilama yaibao, bidigo te di telama, te habude me dwasianu te elalusiąbo tiwai gilama yaibao.


Tialima, te we bidi dabe augwaligo te tibo god te bulmakau noma siba lotu po wali. Tama te tibo kolesagago te augwaligo sęgę sali. Tiali goli, hanu Dan te digibulu elalubo bulu goli, te tigidali we bidi dabe augwali te Dan taunde elalubo tibo god bulmakau nomaba augwaligo lotu po wagi pabo kolesaga iduai dao.


Polobadu Israel hani dali, te Juda hani dali si, augwali te king Devit dologode bidai. Tiali goli, nosali te Genuai Bidigo te Israel hani augwaligo te Juda hani tagalama, augwa tedali bidimainu nigilali. Tama tilama, te Israel hani augwa king tedali dąį ilali, te bidi te Jeroboam, Nebatgo ogwa, te Jeroboam te bidi te Israel hanigo king bidi nigilali. Tiali goli, te king Jeroboamgo te Israel hani augwali kegelama, tama augwaligo Genuai Bidi tagalama, tama augwaligo dwai kolesaga umabo mu eyu, tama genuai sęgę mu sali.


Te bidigo doloba pai kolesaga ebaso da, teda aga te kolesagago aga bobogela selama, tama aga bugagia bidibo dao. Tiali goli, te dwai sę ebo bidi dabego kolesagago te augwa digi dolobo dao.


Tama me te Jehugo te Israel bidi dabego Genuai Bidi Godigo te tigidali bomai po te agai bugagia bomo elama, wali pabe. Menio. Agai te king Jeroboamgo yali kolesagadu wali pali, te kingo te polobadu agai te Israel hani augwali kegelama, te augwaligo te dwai sęgę ebo kolesaga yai.


Te king Jeroboamgo e tama homu yali, ‘Eno hani we bidigo ena tagalama, tama augwaligo te Devitgo hani king bidi dologoba ma bidigi paibao.


Tama te tiali sogo Abiya, te king Jeroboamgo ogwa, gasi yali.


Tama te king Jeroboam agai me te sęgę sabo sę me eduali, tama agai te Israel hani augwali me kegelama, tama sęgę sabo kolesaga eyu sęgę sali. Tama te Genuai Bidi Godigo te augwaligo te sęgę sabo kolesaga homu kone palama, tama agai te Israel hani dabe augwaliba agai tudi ola mani,” Ahiyago te po wai.


Tama agai te aga ayago yali dwai kolesaga tiwaidu wali pali. Aga digi aga sęgę sabo dwai kolesaga te Genuai Bidigo gedude yali, tama teyu, agai te Israel hani we bidi dabe me agai kegelama, sęgę sali.


Nago te we bidi augwali dwai sę eboba kegebaso, tama nago te tebo kolesagago ena haliga sębę ilibao. Tama tialima, eno te deli tigi poai kolesaga te nago deli hani sibiba yaibao, eno te king Jeroboamgo deli hani sibiba yali sę tiwai yaibao, te Nebatgo ogwa da, te king Basago deli hani sibiba me te tiwai yali, te Ahiyago ogwa dao,’ wali.


Tama te Genuai Bidi Godigo te Jehubolo e tama po ola mani, “Nago te ebo homu kolesaga te eno me te tiwai kolesaga tų wali te pobao,” wali, “tama nago te Ahapgo hani dali te tibo sę, tama nago te tibo kolesaga te dwagi yai mu dao. Tama tialima, te nosali te eno homugo te nago hani augwali tomode te bidi me deli te king bidi nigilibo eno sula tagalaibao,” wali. “Tama tidi peyu, te duga ame nabo wai dabe te wąį nǫų te me si me si tama namba haniba nama usu nigi paibao,” wali. Tama tiali goli, nosali te king Jehugo te king Jeroboamgo yali dwai kolesaga wali ma pai, te bidigo te polobadu te Israel hani agai kegelama, te augwaligo te sęgę sabo te dwai kolesaga yali bidi dao, Jeroboam agai te golgo te kibu bulmakau noma si nigilama, tama agai me deli te Betel hanude muani, tama me deli te Dan hanude muani. Tama te Israel hani augwaligo te kibu bulmakau nomaba lotu po obaso, te Jehugo sulama, tagalali.


Tama tialima, Genuai Bidigo te tiwai po wali, ‘Mu tamao, te eno nage te tǫde mu silaibao. Te kibu bede naga nage isaibao, magi baso meni, nago pogo te we bidi dabe kekebaso, te eno po sela sąwainogo ebo dao.’” Te po wali.


Te Israel dabego te tibo godiba lotu weyu, te bulu du ugwadu bagede te lotu wabo pesage elaluali, tama Godigo te pesage dabe dolaibao. Tama nosai me te sesane yai bono dabe pedelama, te alta dabe mesegelaibao. Tama te sogo te boi bidi dabede geme duala sainu yali we bidi dabe, tama augwaligo te bulu du dabeba hanalu, te augwali mesega sao po waibao.


Nage te naga bidi Jeroboam pageba ma geasa pao,” wali, “tama agabolo Genuai Bidigo e po tama pusa magi pao,” wali, “‘Ena God, Israel hanigo Genuai Bidi dao, eno e tama po obao. Jeroboam o, eno nage deli te Israel hani tomode sai dao, eno hani we bidi dabeo, tama eno nage deli tama augwaligo genuai bidi king nigilama bidimainu dąį ilai dao.


Tialima, nago deli hani me deli e taun tomode isibaso da, teda augwaligo tigi te yowigo tuaibao. Tama tialima, te me badu bidi dabe te taun bulu badu isai baso da, te bidi tigi te ba kemodage aselama tuabuo. Ena Genuai Bidi, eno po mu walio,’” te Ahiyago te po wai.


Te bidi Asa aga te Juda hanigo king bidi nigilama bidali kibu be si naga bidai, te Nadap, aga te aya te king Jeroboamgo ogwa da, aga te Israel hani dabego king bidi pedelama bidali. Tama aga te kibu be si digi tama bidali.


Swiv nou:

Piblisite


Piblisite