Te Israel me Juda Hani Sigo Tuni Bidigo Po Elalubo Buku Deli 13:26 - Godigo dwagi yai po buku

²⁶ Te monu dabe profet bidigo te tama tiali po odama, tama agai e tama po wali, “Te da, te Juda hanigo profet bidi tigi tama dao,” wali. “Agai te Genuai Bidigo po sela sąyanigo da, tama te Genuai Bidigo te uni yowi laion tagala palama, tama te uni yowi asu, tama aga dolama, tama aga ela muanio, te Genuai Bidigo tama tiaibao wali po usu nigi soyu tama tiali,” te po wai.

Te Israel me Juda Hani Sigo Tuni Bidigo Po Elalubo Buku Deli 13:26 Referans Kwoze

Esekiel 9:6

Tigidali monu dabe ela muao, te tigidali gesi ogwa bidi me, gesi wegi ogwa we me ela mubadi yao, te ida dabe, te wai puluba me, tigidali mu elao. Tiali goli, dagego te eno augwali gesabidide dąį ilali bidi ma we me deli, te munu me elamuo. Te eno bede bidibo bidi dabe augwali bolo hasia ela muao,” wali. Tama tialima, augwaligo te sę gagalama, hasia augwaligo te Godigo be pąde bidibo tobolu bidi dabe ela muai dao.

1 Korin 11:30

Te page delide naga te dage tomode we bidi hauwa augwali tigi bomo meniama, tama augwali gasi elama, tama augwali meba me isalio.

Bugagia Bidibo Kolesagade Po Asęai Buku 11:31

Dago koneai, te doloba pai bidi dabego wiegi yai kolesaga te augwa tǫde bidibo sogo yali kolesagade te augwa wiegi yai nai saibao. Tama dago te homu me igio, te dwai kolesaga ebo bidi dabe te augwa yali dwai kolesagade dwai dene sabo te ela soabo homu me egobeo. Menio. Genuai Bidigo te augwaliba dolo wei ponaibao.

Godigo Nogi Ugwaba Sabo Tęąbi Po Wabo Buku Dabe 119:120

Ena nagede wi mu elama, tama ena didibili ebao. Eno nago po tų ebode homu kone palama, te wi ebo dao.

2 Samuel 12:14

Tiali goli, naga te dwai kolesagago, te Genuai Bidigo boi bidi dabego te agaba hagoma emainu yali dao. Tama tibaso, nago wai te Batsebago ame nabo si da, te aga isaibao,” wali.

2 Samuel 12:10

Tialima, bugagia odao. Nago eno po sela sąwanima, tama nago te Uriago we sali. Tama tialima, tigidali sogo nosali te bidi dabe mebago te nago hani sibi wąį bǫų dabe meba ela mubo sę yaibao.

Pris Sę Ebo Bomai Po 10:3

Tama Mosesgo Aronbolo te po wai, “Polobadu Genuai Bidigo te tiwai po wali, ‘Te eno sę eyu pąba asobo bidi dabe, ena te olo bidi tiwai meni augwaligo te tiwai koneabo elalubao, ena God mu dao. Augwaligo te tama homu bugagia konebaso da, teda eno genuai bomo me ula te we bidi augwaliba ola mawaibao.’ Agai te tama po wai, tiali goli te bidi sigo te po wali me pisąbaso, tama Genuai Bidigo augwali si dolali,” Mosesgo te po wai. Tama Arongo te tiali po odama, agai po me wabeo.

1 Pita 4:17

Magi baso meni. Te Godigo we bidi osola subo bodolu mani sogo pąba yagasai dao, tama agai te aga hani we bidi dali te osola suyu, te po tų ebo sę gagalaibao. Tama da, te da Godigo po wali pabo we bidi hani dao. Tialima God agai te po tų dodolobo sę gagalainogo eyu, tama hasia bolo agai te da aga hani we bidi dali te sę yaibao. Tama tibaso da, te Godigo gesi dwagi yai po odobo hagela yai we bidi dabe, nosali agai augwali dali te po tų ebo si, te augwaligo genuai dene mu saibao.

Te Israel me Juda Hani Sigo Tuni Bidigo Po Elalubo Buku Deli 13:25

Tama nosali me badu bidi dabe augwali te tųdu peyu, tama augwaligo suali, te bidi tigi te tųde munalubo suali, tama te bulu uni yowi laion me te bidi tigi munalubo pąde dolalubo susali. Tama tialima, augwali pelama, te Betel buluba pelama, tama te we bidi dabebolo wagi pali, te bidi tigi munalubo suali po augwalibolo pusigi pali.

Te Israel me Juda Hani Sigo Tuni Bidigo Po Elalubo Buku Deli 13:27

Te tama tialima, te agai aga ogomanibolo agai e tama po augwalibolo wali, “Eno donki kibuba te dugabo satel ugwa saligi soao,” wali. Tama augwaligo tama tiali.