Te Israel me Juda Hani Sigo Tuni Bidigo Po Elalubo Buku Deli 11:43 - Godigo dwagi yai po buku

⁴³ Tialima, aga isibaso, tama augwaligo aga te Jerusalem tǫ pedaide pubulali, augwa te nogi poyu, te Devitgo Hanu Da wali. Tama Rehoboam, te aga ogwago, te agai sę yali pesage hasegelama, tama te king pedelali.

Te Israel me Juda Hani Sigo Tuni Bidigo Po Elalubo Buku Deli 11:43 Referans Kwoze

Te Israel me Juda Hani Sigo Tuni Bidigo Po Elalubo Buku Si 21:18

Tama te king Manase isali, tama augwaligo te aga te kingo be sesegede te obo tomode te tǫ me deli elalubo madigi te king Manase pubulali. Te tǫ te augwaligo e tama nogi wabo, te tǫ te Usago tǫ da. Te aga ogwa, agai nogi te e dao, Emon, tama te bidi agai te bidigo sę yali silide te aga king sę yali.

Te Israel me Juda Hani Sigo Tuni Bidigo Po Elalubo Buku Deli 2:10

Tama nosali, Devit isilama, tama augwaligo aga te Jerusalemde pubulali, te hanu pedai augwa te tama nogi poali “Te Devitgo Hanu da,” wali.

Matyu 1:7

Tama Solomon aga ogwa Rehoboam. Tama Rehoboam aga ogwa Abiya. Tama Abiya aga ogwa Asa.

Matyu 1:5

Tama Salmongo ogwa Boas, tama Boas aga ida te aga Rahap. Tama Boasgo ogwa Obet, tama Obet aga ida te Rut.

Jeremaia 22:19

Menio. Te augwaligo agai tigi te bidi dabego te isai donki tigi sela sąbo tiwai yaibao. Te augwaligo aga kekasa pelama, aga te Jerusalem genuai obo bulu badu olo sągi paibao,” wai dao.

Tuni Bidi Dabego Po Elalubo Buku Si 28:27

Te Ahas isali sogo, augwaligo aga te Jerusalemde pubulali. Tiali goli augwaligo aga te king dabe gų pagede pubalobeo. Tama aga ogwa Hesekiago agai pesage selama, tama aga king pedelali.

Tuni Bidi Dabego Po Elalubo Buku Si 26:23

Te Usia isibo si, augwaligo aga te aga wąį dabego gų pagede pubulali. Tiali goli augwaligo aga te meba king dabego gų page digibulu gana pubulali, magi baso meni, aga oyabe gasi yaibaso. Tama aga ogwa Jotamgo agai sę selama, tama aga king pedelama king mu bidali.

Tuni Bidi Dabego Po Elalubo Buku Si 21:20

Te Jehoram aga kibu be 32 elaluali te aga king pedelali sogo, tama aga Jerusalemde king bidibadi kibu be te 8 kibu be tama naga bidali. Te aga isali sogo te bidigo aga hobede me ebeo. Augwaligo aga Devitgo Taunde pubulali, tiali goli augwaligo aga te king dabego gų page mu pubalobeo.

Tuni Bidi Dabego Po Elalubo Buku Si 13:7

Tama haniani dwai dwai kolesaga ebo bidi dabego Jeroboam dali age nama kisa selama bilali. Tama augwaligo Solomongo ogwa Rehoboamgo augwaligo homu kolesaga wali pomainogo bomo yali. Te sogo te Rehoboam aga gesi bidi mu, tama agai te kantri tonalubo kolesaga bugagia konesiąma ebadi. Tama tialima, agai augwaligo po sela sąyabo usu isąwai.

Tuni Bidi Dabego Po Elalubo Buku Si 9:31

Tialima aga isibaso, augwaligo aga te Jerusalemde pubulali, te augwaligo Devitgo Taun Dao wabo madi. Tama aga ogwa Rehoboamgo agai king sę sali, tama aga king pedelali.

Tuni Bidi Dabego Po Elalubo Buku Deli 3:10

Solomongo ogwa dabe hani dabego nogi e tiwai elalubao. Solomon te Rehoboamgo aya, te Rehoboam te Abiyago aya, te Abiya Asago aya da. Te Asa Jehosafatgo aya,

Te Israel me Juda Hani Sigo Tuni Bidigo Po Elalubo Buku Si 21:26

Tama augwaligo te king Emon te Usago tǫde elalubo gų pageba pubaligi pali. Tama aga ogwa Josaiago tama aga ayago king sę yali silide selama, tama king bidi nigilama, sę yali.

Te Israel me Juda Hani Sigo Tuni Bidigo Po Elalubo Buku Si 20:21

Te king Hesekia isali, tama te aga wai, te Manase, te aga ayago yali sę selama, te aga king bidi nigilama bidali.

Te Israel me Juda Hani Sigo Tuni Bidigo Po Elalubo Buku Si 16:20

Tama nosali te king Ahas isali, tama augwaligo aga te aga wąį nǫų dabe gų pageba te Devitgo taunba pubaligi pali. Tama aga ogwa, te Hesekiago, te aga ayago sę selama, tama aga king bidi nigali.

Te Israel me Juda Hani Sigo Tuni Bidigo Po Elalubo Buku Deli 16:6

Tama nosali te king Basa isali, tama augwaligo te aga tigi te Tirsa taunde pubaligi pali. Tama aga ogwa nogi Ela, agai te aga ayago king bidi nigilama bidali silide aga ogwago selama, tama aga te king bidi nigilama bidali.

Te Israel me Juda Hani Sigo Tuni Bidigo Po Elalubo Buku Deli 15:24

Tama nosali te king Asa isibaso, augwaligo aga tigi te aga wąį nǫų dabe pubalobo gų pageba pubaligi pali, te aga wąį nǫų Devitgo hanu taunba. Tama te aga ogwa Jehosafatgo, agai te aga ayago sę yali silide selama, tama aga te king bidi nigilama bidali.

Te Israel me Juda Hani Sigo Tuni Bidigo Po Elalubo Buku Deli 15:8

Tama nosali te king bidi Abiya isibo si, tama augwaligo aga tigi sela pelama, te aga wąį nǫų Devitgo hanu taunba pubaligi pai. Tama aga ogwa, Asa, agai aga ayago king sę yali silide selama, te aga king pedelama bidali.

Te Israel me Juda Hani Sigo Tuni Bidigo Po Elalubo Buku Deli 14:31

Tama nosali te king bidi Rehoboam isai, tama augwaligo aga tigi te aga wąį nǫų Devitgo taun bulu te isali bidi pubalobo gų pageba augwaligo aga tigi pubaligi pai. Tama aga ogwa, nogi Abiya, agai te aga ayago yali sę agai selama, tama aga king bidi pedelali. Rehoboam aga ida, agai nogi e tama Nama da, tama aga page bulu te Amon bulu hani we dao.

Te Israel me Juda Hani Sigo Tuni Bidigo Po Elalubo Buku Deli 1:21

“Te nago augwaliba megi po walisiąbaso da, teda nage isai madi da, te bidi dabego ena dali me eno wai, Solomon, da si te bidi me we dwai subo tiwai eyu, tama augwaligo da si ela muaibao,” Batsebago te tama po wai.

Bomai Po 31:16

Tama Mosesbolo Genuai Bidigo te po walali, “Pąde tama nage isaibao. Tama nosali te Israel we bidigo eno augwali dali dąų wali po togolama, ena tagalaibao, te bidi me aga we tagalama, te penani ebo weba pabo tiwai gilama. Tama tiyu augwaligo ena tudiba togolama, tama augwaligo tibo godiba lotu po waibao, te augwaligo megi sigi painogo ebo te bulude bidiyu tiaibao.

Tuni Bidi Dabego Po Elalubo Buku Si 9:30

Solomon aga Jerusalemde bididubadi, aga king te kibu be 40 bidama, agai te Israel hani tigidali tonaluali.

Te Israel me Juda Hani Sigo Tuni Bidigo Po Elalubo Buku Deli 22:40

Ahap isai baso da, teda augwaligo aga tigi pubulama da, te aga ogwa Ahasiago te aga ayago pesage selama, te king pedelalio.

Kolesaga Koneai Bidigo Pusali Po Elalubo Buku 2:19

Tama ena te bidali pesage hasegelibo bidi da, eno konebeo, aga te homu kolesaga mu ula tega pai bidi mu, ma te wabo pabo homu kolesaga elalubo bidi tiwai yaliwe? Konebeo. Tialima, agai eno te wiegi yai konea pali homu kolesagade sę dene elama pedelali nai tigidali tonalueibao. Te tama kolesaga me aga page meni yai elalubao.