Te Israel me Juda Hani Sigo Tuni Bidigo Po Elalubo Buku Deli 11:34 - Godigo dwagi yai po buku

³⁴ “‘Tiali goli, eno Solomon te king sęde mu me sela sągobeo. Eno te ena sę bidi Devitde homu kone paliyu, te bidi eno sa muani. Agai te eno bomai po, me eno gasa po wali pali. Eno agade homu kone paliyu, tama te Solomon king bidimainu ilama, te aga isibo siba usu naibao,’ te po wai.

Te Israel me Juda Hani Sigo Tuni Bidigo Po Elalubo Buku Deli 11:34 Referans Kwoze

Habakuk 3:2

Genuai Bidio, te nago bomogo yali sęde po eno odolama, te ena noma siyu, nage dologode bidabo homu ebao. Te polobadu nago yali genuai genuai sę dabe, eno homugo nago te tiwai bomai sę dabe te nago da megi bidibo sogo ma emainu homu ebao, te megi e sogo bidibo bidi dabe augwaligo nago te tebo sę ebo kolesaga sulama konemainao. Mu tama, nago dade sębę ebo page elalubao, tiali goli, nago te hobede ebo God da, te eno nagebolo hanalubo, te nago da hobede elama, tama da tau sao.

Aisaia 55:3

“Odao, dage eno we bidi dabe dao. Dage bugagia bidimainu eyu, enaba asiąo. Te eno dage dali bomo yai po dąų walama, tama te dąų wali bomai po sesemane elalueibao. Te sesemane sogo eno dage godolo homu mu elama, te dageba wiegi yai sę yaibao. Te polobadu eno te bomo yai po te king Devitba dąų wali tiwai gilama yaibao wali.

Godigo Nogi Ugwaba Sabo Tęąbi Po Wabo Buku Dabe 103:10

Dago dwai sę ebode da dene sabo digi, agai te dago yali dwai sę usu nama dene dabolo mabo menio. Dago dwai kolesaga hauwa yai, tama agai genuai sęgę dabolo wei begelaibao homu yai, tialima agai te sę ebo menio.

Jopgo Po Asęani Elalubo Buku 11:6

Tama eno homugo aga digi nagebolo te dwagi yai kolesaga page dabe, me te dwagi yai homu kolesaga page dabe ola momai igi dao. Magi baso meni. Nai hauwa mu geme dualalubao, te da bidi dago kuna konegobeo. Jop, eno homu nago konemai yaibao. Godigo nage dali dua mu yali, tama agai nage genuai sęgę mu mabe, te nago dwai kolesaga dolo wei ponoyu,” wali.

Te Israel me Juda Hani Sigo Tuni Bidigo Po Elalubo Buku Deli 11:31

Tama agai te Jeroboamba te tama po wali, “Te nogo si pedai ugwa nago sao,” wali, “magi baso meni, God, da Israel dabego Genuai Bidi, te tama po nagebolo wali, ‘Ena Genuai Bidi, eno homugo te Solomon te king sęde sela sąyabo homu yai. Tama eno nago te Israel hani nogo si nago tonalumainu ilaibao,’ po wai dao.

2 Samuel 7:14

Tama ena te aga aya bidiyu, tama aga te eno wai bidiyu yaibao. Te agai dwai kolesaga ebo sogo, te eno agaba dene mabo sę eyu, te ayago aga waibolo ebo sę tiwai yaibao.

Te Israel me Juda Hani Sigo Tuni Bidigo Po Elalubo Buku Deli 11:33

Eno te kolesaga te Israel dabeba yaibao, magi baso meni, augwaligo ena tudiba munama, tama augwaligo te Astarteba lotu wali, te Saidon dabego god we, tama te Kemos, te Moap dabego god, tama te Molek, te Amon dabego god dao. Tama augwaligo te eno sa muani wiegi yai sunumidu bilibeo, tama augwaligo te eno bomai po dabe me, te eno gasa po me wali pisiąma, tama augwaligo te eno wei eyu, godolo homu yabo sę me isiąwai. Augwaligo te Devitgo yali wiegi yai kolesaga tagalalio,’” te po wali.

Te Israel me Juda Hani Sigo Tuni Bidigo Po Elalubo Buku Deli 11:35

‘Solomon isibaso, tama aga ogwa te king pedelali, teda eno te Israel hani nogo si te aga nogode dobola selama, tama nageba mawaibao,’ wai.

Godigo Nogi Ugwaba Sabo Tęąbi Po Wabo Buku Dabe 89:19

Te ugwadu sogo polobadu, nago te nage wali pabo bidi dabe muba te na menama, tama nago augwaliba te tama po wali, “Eno te polaluabo ami bidi me deli sa munama, tama eno agaba te kingo hat madi muai. Eno aga te we bidi dabe tomode selama, tama aga te king munama bidai.

Te Israel me Juda Hani Sigo Tuni Bidigo Po Elalubo Buku Deli 3:14

Tama te nage eno te sa muani te wiegi yai sunumidu peyu, tama nago te bomai po me eno po me wali peyu, te naga aya Devitgo te yali kolesaga tiwai ebaso da, teda eno nage te sesabi elama, te bobage sogo te tǫde bidimainu yaibao,” po wali.