Te Israel me Juda Hani Sigo Tuni Bidigo Po Elalubo Buku Deli 11:3 - Godigo dwagi yai po buku

³ Solomongo we 700 elaluali, te augwali te gasa tǫ pedai kantri polalubo bidi dabego wegi da, tama agai te gasa si wali we hani me te 300 elaluai. Tama te we dabego agai homu bega selama, tama agai te Genuai Bidi tudiba muani.

Te Israel me Juda Hani Sigo Tuni Bidigo Po Elalubo Buku Deli 11:3 Referans Kwoze

Kolesaga Koneai Bidigo Pusali Po Elalubo Buku 7:28

Eno te wiegi yai we me deli gegebo sę yali, tama eno gegebo gegebo sę yali, menio. Te bidi sese umabo hauwa te tausen we bidi dabe tomode, eno suali, te deli deli wiegi yai bidi bidali. Tialima, eno te wiegi yai we deli bidibo me subeo.

Tuni Bidi Dabego Po Elalubo Buku Si 11:21

Rehoboamgo we 18 tama sali, tama agai i badu namba tu we dabe sibi hani te 60 we bidali. Tama te we sibi hanigo ogwa dabe 28 ame niyu, me 60 wegi mane ame niyu yali. Rehoboamgo we hauwa mu sali goli, agai Maka godolo genuai mu yali.

Te Israel Tobolu Bidi Dabe 9:5

Tama aga te aga ayago be elalubo bulu te Ofra teba ma geasa pai. Tama agai te aga ama dabe te bidi sese sela olama, nogo si bidi dabe te masigi me deli ugwadu daide augwali ela muai. Te bidi dabe te augwali Jerubalgo ogwa dabe naga tama elali. Tama Jotam te Jerubalgo sabi ogwa dao. Aga wi pelama, geme duala sigi pali, tama tiyu te Abimelekgo aga me ela mubeo.

Bomai Po 17:17

Te tuni bidi kingo we hauwa selamo dao. Magi baso meni, augwaligo agai Genuai Bidiba tudi ola momainogo yaibao. Tama me ma, agai gol me silva hauwa sabo sę elamuo wao.

Solomon 6:8

Kingo we hauwa elalubao. Bidi sese sela 60 we te kwin bidibao, te tudi badu si wali daganaluali we dabe te bidi sese me si me si 80 bidibao. Agai te gasa gesi we dabe hauwa me elalubao.

Solomon 6:9

Tiali goli, ena da, eno abagi deli naga elalubao. Aga te polalubo mu bidibaso, tama eno aga godolo mu ebao. Aga idago aga deli naga ame neyu, tama agade wiegi yai pemene eyu, tama aga godolo mu ebo dao. Tigidali gesi wegigo aga sulama, te augwaligo aga nogi ugaba sali. Te kwin we dabego, me te kingo gasa we dabego te balia po weyu, te agaba wiegi yai pemene yali.

Te Israel Tobolu Bidi Dabe 3:6

Tama te Israel dabe augwaligo te hani dali we si elama bidiyu, tama augwaligo tibo godiba lotu weyu yali.

Esta 1:18

Tama e sogo naga te Persia me Midia te tobolu bidi dabego we dabego te kwin wego yali kolesaga po odoyu, tama augwaligo augwa bidi dabebolo te sę yali po pusulama, tama te we dabe sibigo te dwai po hauwa weyu, te hagoma eyu yaibao,” te po wai.

Kolesaga Koneai Bidigo Pusali Po Elalubo Buku 2:8

Eno te silva me gol hauwa elaluali, me te eno tonalubo tǫ kantri pedai king dabego me augwa wiegi yai dila pai nai dabe enaba mayu yali. Eno te we bidi meba sisinama, te augwaligo enaba wiegi yai homu pemene ilabo tęąbi po omainu yali. Te eno te me badu hani we hauwa selama, te ena homu pemene mu ilibo sę yai dao.