Te Israel me Juda Hani Sigo Tuni Bidigo Po Elalubo Buku Deli 11:18 - Godigo dwagi yai po buku

¹⁸ tama augwali peyu, te Midian tǫ taga pelama, tama te wa pai bulu Paranba sabolali. Tama augwaligo te Paran bidi meba selama, tama tigidali te Isipba pali. Augwali sabolama, teda augwaligo te king sugi pelama, tama agai te Hadatbolo te tǫ me deli mayu, te be me deli mayu elama, tama aga te nai mayu bidali.

Te Israel me Juda Hani Sigo Tuni Bidigo Po Elalubo Buku Deli 11:18 Referans Kwoze

Israel Hanigo Namba 10:12

Tama te Israel dabego sulama, te nai meni yai bulu Sainai taga peyu pali. Tama te pǫ pelama, te nai meni yai bulu Paranba doligi pelama, elaluali.

Bomai Po 33:2

Agai te po wali, “Genuai Bidi Sainai bulu dude bidama asali. Aga te Idom bulu ugwadu te giliga tiwai asali, tama agai ula te Paran bulu dude elaluali, tama te ula aga we bidiba ula yali. Te ensel sibi tausen hauwa aga dali bidali, tama agai dolo nogo badu isi bogoli genuai mu iduali.

Bomai Po 1:1

Te bukude te Mosesgo te Israel we bidibolo te bidi meni yai bulude augwali bidiyu, te po pusa mani buku dao. Te Jordan wę pąde, te giliga asobo badu, augwali te Jordan wę sesegede malu bulude bidai, te bulu Sup pąde. Tama hanu Paran te me badu pedai badu elaluali. Tama te hanu Tofel, me Laban, me Haserot, me Disahap, te gasa me badu pedai badu elaluali.

Habakuk 3:3

Godigo te tǫ Idom bulude bidali tagalama, te aga ma asalio. God te wiegi yai doloba pai kolesaga tigidali mu ebo God, aga te Paran tǫ pedai bulu dude bidali hogodama, asali. Agai bomo te be posali ula tiwai pedelama, tama te dagalu tigidali pedai badu mesega salio. Tebogo te tigidali tǫde we bidigo agai te genuai nogi ugaba sabo homu ebo sę ilalio.

Israel Hanigo Namba 25:18

Magi baso meni. Augwaligo te Peorde yali te ili po walide augwaligo dage dali dwai kolesaga yai dao. Me te Kosbigo yali dwai kolesagago me dage dolai dao. Kosbi te Midian bulu we dao, te Finiasgo te ela muani we dao, te moni gasi me deli te Israel dabede ebaso elali we dao, te Peorde.” Genuai Bidigo te po wai.

Israel Hanigo Namba 25:14

Simri te Finiasgo te Midian we dali hodobo elama isilali Israel bidi dao. Simri te Salugo ogwa dao. Tama te Salu te Simeon hani bugai mebago tobolu bidi dao.

Israel Hanigo Namba 25:6

Moses te we bidi dabe dali augwali te Godigo ugwa be sunumide bidiyu, gela odubadi yaide, tama augwaligo suali, te Israel hani bidi me deligo te Midian we me deli odasa, aga ugwa be tomoba odasa soabo suali.

Israel Hanigo Namba 22:4

Tialima, te Moap dabego te Midian dabe tobolu bidibolo e tama po wali, “Pęwadage sogo mu tama te hanigo dago bulude elalubo nai dabe sese mu silaibao, te kau kibugo nosai tubo tiwai yaibao,” te po wai.

Tigidali Nai Gagalama Nigali Side 25:4

Tama te Midiango ogwa dabe te e tama elaluai, Efa, Efer, Hanok, me Abida, me Elda. Te tigidali hani sibi wąį augwa auwa mosi te Ketura dao.

Tigidali Nai Gagalama Nigali Side 25:2

Te wego ame nani ogwa wai dabe te Simran, Joksan, Medan, Midian, Isbak me Sua, tama dao.

Tigidali Nai Gagalama Nigali Side 21:21

Tama aga idago aga we me deli te Isip bulu we selama, aga ogwa mani.

Te Israel me Juda Hani Sigo Tuni Bidigo Po Elalubo Buku Deli 11:17

Te sogo Hadat aga te dwasianu ogomanide, tama aga te Idom bidi meba dali wi pali, te aga ayago ofisa bidi dabe dali pai. Augwali te Isipba painu pai,

Te Israel me Juda Hani Sigo Tuni Bidigo Po Elalubo Buku Deli 11:19

Kingo te Hadat wei eyu, godolo homu elama, tama kingo te kwin Tapenesgo ama te Hadatba mawai. Tapenes te Isip kingo we dao.

Ma Dobola Sali 2:15

Tama nosali Isip tuni bidigo Mosesgo te sę yali po odolama, tama agai Moses elainogo yai, tama tibaso Moses aga wi digibulu pelama, te Midian buluba bidigi pai. Aga te tǫba sabolama, tama aga te ąį tubo digi te sesegede dulaluai.