Biblia Todo Logo
Bib sou entènèt

- Piblisite -




Te Israel me Juda Hani Sigo Tuni Bidigo Po Elalubo Buku Deli 11:13 - Godigo dwagi yai po buku

13 Tiali goli, eno aga te king sęde mu sela sągobeo. Menio. Magi baso meni, eno te ena sę bidi Devitde homu kone palali, me te Jerusalem, eno te sa muani hanu da. Tama tiyu, eno te nago ogwago te king bidibaso, te agai te Israel hani nogo si olama, sągą me badu si hani dabe tomode agai te hani me deligo naga king bidimainu ilaibao,” God Genuai Bidigo te po wai.

Gade chapit la Kopi




Te Israel me Juda Hani Sigo Tuni Bidigo Po Elalubo Buku Deli 11:13
32 Referans Kwoze  

Te Israel hani we bidi dabe tigidaligo te bidi Jeroboam te Isip bulu tagalama, tama ma asali po odobaso, tama augwaligo agabolo hanalubo po me deli ola tolali, “Nage dago po mitin eboba asao,” wali. Tama aga aselama, sabolali, tama augwaligo aga te augwaligo king bidi nigilali. Tialima, te Juda hani deli naga te Devitgo hanigo king bidi nigibo dologode naga bidali.


‘Tiali goli, eno te Solomongo te hani deli tonalumainu yaibao, magi baso meni, eno te ena sę bidi Devitde homu kone paluyu, tama te hanu Jerusalem eno te ena hanu da weyu, te tigidali Israel hanu tomode te sa muai dao.


Genuai Bidigo agaba lotu wabo pesage deli aga sa muaibao. Tama te pesagede da, dagego eno megi dagebolo wali te nai dabe sesiąo. Tama te ofa da, te isigo sese dela silibo ofa, me te meba ofa dabe me, te tigidali nai bugwai me badu te ofa me, te me gasa nai dabe dagego Genuai Bidibolo mawainogo yali, te ofa me te wiegi wiegi yai nai dabe te dąų wali te po usu nabo, te nai dabe tama sesao, te eno hasia polo wali.


Genuai Bidigo dage lotu po wabo pesage me deli dage hanigo tǫde sa muaibao. Tama te pesagede naga te we bidi augwali pąba aselama, tama augwali agaba lotu po omainao.


Dagego bomo elama, agaba i ola pidu, agai te Jerusalem bomo ma iliboba usu nao, tama Jerusalem te tigidali tǫde we bidi gedude polalu mu pedelaibao,” eno te po wali.


Jerusalem, nage tobade te eno po hanilama, bomo elama weyu, te Genuai Bidigo nageba wiegi yai sę yao po obao. Te eno pedauwali me pania sogobeo. Mu menio. Te eno Genuai Bidiba i udu, te Genuai Bidigo te bugagia wiegi yai doloba pai kolesaga nageba eyu, te kigamu nanobo giliga ula tiwai eyu, te hulide domanobo sole ula ebo tiwai teba usu numainogo yaibao.


Te dago mena po wei ponaibawe, te Filistia dabe augwaligo dago augwali tau somainu hanaluagasobaso? Te dago augwaligo po wei e tama ponaibao, “Te hanu Saion te dago Genuai Bidigo digi duala sabo bulu tiwai nigilai dao. Tama aga we bidigo genuai sęgę elaluyu, me sęgę yai sę eyu ebaso da, augwali teba pelama, tama augwali bugagia bidaibao,” wali.


Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.


Te eno te Devitgo hanide bidi me deli selama, tama aga te bulude king pedalumainu elama, tama aga hani te sęde me hagagobeo.


Genuai Bidi, nago te Devit homu kone ebo me tagaligio, tama te tigidali sęgę agai bugagia tolali, te homu kone tagaligio.


Genuai Bidi, magi yaliwe? Nago megi da, da wei me ebe da, agawe? Te nago Devit dali te dąų walali pode menagi yaibawe?


Tama tibaso, te Genuai Bidigo te tama po wali, “Tama te deli kolesaga naga te Juda hanigo bulude yaibao,” wali, “te polobadu te eno te Israel hanigo bulude yali tiwai yaibao. Tama eno augwali sela sąnama, tama augwali digibulu mu gudulaibao,” wali. “Magi baso meni, eno augwali tonobo hagela mu ebuo. Tama eno te Jerusalem bulu taun eno tudiba ilaibao, te taun bulu te ena digi ena bulu da olama, dąį ilai dao. Tama eno te we bidi dabe augwali asama, te ena dolo lotu po omainu eno te dąį ilali be, te me eno tudiba ilaibao,” God Genuai Bidigo te po wali.


Tama agai te tiwai sę yali, te Genuai Bidigo tempel be tomode te agai te tibo god dolo lotu po wabo alta sai nigibo sę yalio. Tiali goli, polobadu Genuai Bidigo te bede e tama po wai, “Te Jerusalemde elalubo be, te be te tigidali we bidi dabe augwaligo ena deli dolo naga lotu po wabo be dao,” wai dao.


Eno tama tiwaibao, magi baso meni, eno ena genuai nogi tobade, tama me te polobadu eno sę bidi Devit dali po dąų wali po tobade tama tiwaibao.’” Aisaiago te Genuai Bidigo te tama wali po te king Hesekiabolo pusa mani.


Tiali goli, Genuai Bidigo te Israel hani augwali hobede mu yali, tama tibaso, aga bugai homu pemene augwaliba yali. Agai te polobadu te Abraham dali, te me te Aisak ebadi, me te Jekop ebadi, te bage dali te agai bomai po bodolu selama, dąų waliba gogone peyu tama tiali, tama teyu, agai te Israel bage augwali tau selama, tama agai augwali munu me dolobe. Tama agai homugo te Israel hani sela sąnama, tama augwali te aga gesabidide te augwali digibulu bidigi pabo agai hagela homu yali.


Solomongo dwai sę yali, tama te eno te Devitgo wąį nǫų nosali pedalubo hani dabede te dwai dene mawaibao. Tiali goli, te eno sesemane sogo augwaliba te tobage sę eyu me egobeo,’” te profet bidi Ahiyago te Godigo pusali po tama wali.


Dagego homugo tilamuo, dago wiegi yai doloba pai kolesaga ebo dao homu elamuo, tama te tama tibo pagede Genuai Bidigo dago te tǫ somainogo sula tagalali dao homu elamo dao. Menio. Agai augwali sela sąwaibao, magi baso meni, augwali te dwai bidi dabe dao. Me ma, agai te wąį dabe dali dąų wali po usu nainogo te ebao, te dago wąį Abraham, me Aisak, me Jekop dali.


Nago te po wali, te nago we bidi te nage pąba asomainu yabo be da po wai. Tama eno homugo nago te beba tigidali sogode tonalumainu homu ebao, te giligade me hulide, tama ena nago sę bidi eno te beba tonaluyu, te gedu haluasa po nageba wabo sogo da, teda nago eno te gedu haluasa po wabo odobo usu yaibao.


Tialima, Genuai Bidigo te Solomonba boi bidi ebo bidi me deli pedalumainu ilali. Te boi bidi nogi te Hadat, tama aga te Idom kingo hani bage dao.


Tiali goli, me badu Israel hani bidi dabe te Juda dabego te moni hanude te Juda dabe dali bidali. Te bidali bidi dabe digi te king bidi Rehoboam dologode bidali.


Tama Genuai Bidigo te Israel hani dabe augwali dali agai sębę genuai mu me eyu, tama agai te Israel hani subo hagela mu yali. Tama tibaso, agai augwali augwa aga dali bidali buludu digibulu mu sela sąyani. Tama te Israel hani bidi dabe me deli te bulude me bidibe. Te Juda hani augwa naga te augwa tǫde bidali.


Tiali goli Genuai Bidigo Devitgo hani me dolobeo. Magi baso meni, Genuai Bidi agai polobadu Devit dali dąų wali te po koneama tiali, tama me ma agai te po me dąų wayu te Devitgo wąį hani bidi dabe naga king pedaliyu yaibao wali. Tama tiyu da, te po digi wabo tiwai te Devitgo lam sula sogobeo wali.


Te sogo tama gagalama, tama asu, megi tama e bidibo bodoluba usu nagasali, te Israel hani bidi dabe, te not badu bidibo bidi dabe, augwaligo homugo te Devitgo hanigo te king nigilama, augwali tonalubo augwali hagela ebo olama, tama augwaligo hagoma genuai mu yali.


Tiali goli, Genuai Bidigo te Juda bagego bulu me dolobe. Magi baso meni, Genuai Bidigo te aga sę ebo bidi bidali koneama, te bidi te Devit, tama te me agai te polobadu po bodolu me te agai muai, te po bodolu e tiwai, te king Devitgo hani me deligo te king bidi nigilama bidaibao wai. Tama teyu, te Devitgo lam sole munu ma sula sogobeo wali.


Swiv nou:

Piblisite


Piblisite