Te Israel me Juda Hani Sigo Tuni Bidigo Po Elalubo Buku Deli 11:1 - Godigo dwagi yai po buku

¹ Solomongo te gasa bulu we dabe hauwa te wei eyu, godolo homu yai. Agai te Isip king bidigo wegi sali, tiali goli agai te gasa bulu te Moap, me Amon, me Idom, me Saidon, me Hit, te tama bulu we dabe me te sali.

Te Israel me Juda Hani Sigo Tuni Bidigo Po Elalubo Buku Deli 11:1 Referans Kwoze

Bomai Po 17:17

Te tuni bidi kingo we hauwa selamo dao. Magi baso meni, augwaligo agai Genuai Bidiba tudi ola momainogo yaibao. Tama me ma, agai gol me silva hauwa sabo sę elamuo wao.

Bugagia Bidibo Kolesagade Po Asęai Buku 6:24

Te augwaligo te pogo nage tau siyu, tama te dwai sę ebo we dabego te nage tibo po me ola masiąbo po me wasiąyu, tama nago te gasa bidigo wego pusai po wabo me odogobeo.

Bugagia Bidibo Kolesagade Po Asęai Buku 7:5

Tama te gasa bidigo wego nage homu bega somainu eyu, te nage aga dali pagela pimainu ebaso, teda te wiegi yai homu kolesagago nage bagua selama, tama nago te wego po wali painu ebaso, usu me egobeo.

Bugagia Bidibo Kolesagade Po Asęai Buku 2:16

Tama gasa bidigo we me deligo te nago aga dali penani ebo kolesaga yainu nage muma sabo po obaso da, teda te wiegi yai homu ilibo pogo nage bobogela selama, tama nago te wego po wali me pogobeo.

Te Israel me Juda Hani Sigo Tuni Bidigo Po Elalubo Buku Deli 11:8

Tama agai te Godigo po odisąbo bulu we dabego te denami ilibo ofa, me te gasa tobage te tibo god dabeba ofa yabo pesage meba me nigai.

Bugagia Bidibo Kolesagade Po Asęai Buku 22:14

Te penani sę ebo wego te bidi homu bega sabo po weyu, tama te tǫ dedage aiyanu mu igulai tiwai me deli ebao. Te Genuai Bidigo te bidi me deligo dwai kolesaga wei ponabo homu ebaso da, teda te bidi te tǫ dedageba tulaluaibao.

Te Israel me Juda Hani Sigo Tuni Bidigo Po Elalubo Buku Deli 3:1

Solomongo te Isip king bidigo wegi sai, tama te kolesaga yaligo agai te Isip king bidi dali te bomai po dąų walali, tama te bulu tǫ pedai kantri si te bugagia bidiyu, tama te hwįyu me ebeo. Solomongo aga we te Jerusalem te Devitgo Hanuba odasa asali. Tama te Solomongo te aga be me, te Genuai Bidigo tempel be me, te Jerusalem obo bagulu, tama te sę dabe ebadi yali sogo, te we aga dali te sogo tede bidali.

Bugagia Bidibo Kolesagade Po Asęai Buku 23:33

Te nago homu dolobaso, tama nago homugo te nago haniani nai dabe suali homu nago yaibao. Tama nago te tobage nai dabede te nago pedauwalide po hauwa dogia paibao.

Pris Sę Ebo Bomai Po 18:18

Nago naga wego ama nago sigio, te nago we bidibadi sigio. Tiyu, nago augwa si wado yabo sę ilabuo. Te kolesaga dolo ebeo,” te po wai dao.

Ma Dobola Sali 34:16

Tama tiyu, dage Israel gesi bidi dabego te gasa hani gesi wegi mani sabuo. Te dagego tama tiali da, teda te we dabego te augwa bidi kekelama, tama te bidi dabe augwaligo ena tagalama, tama te tibo god dabeba lotu waibao. Te eno gedude te kolesaga te penani ela bilibo kolesaga tiwai yaibao.”

Te Israel me Juda Hani Sigo Tuni Bidigo Po Elalubo Buku Deli 16:31

Agai te sęgę sali te king Jeroboamgo sali sęgę tiwai agai me sai, tiali goli agai homugo te da olo bage da homu yali. Tama teyu, agai te we Jesebel sai, te Saidon hanude bidali king bidi Etbalgo wegi sali. Tama agai te tibo god Balba lotu po wabo gagalali, te Saidon hanigo tibo god.

Esra 10:44

Te tigidali bidi hani dabego te bulu badu Godigo ebo kolesaga wali pisąbo hani dabego wegi dabe sali hani bidi dabe nogi te dao, tama tialima, te hani dabe augwaligo te sali we dabe te sela sąnama, tama te we dali, me te wai dabe dali, te augwa page buluba ma tagala palai dao.

Bugagia Bidibo Kolesagade Po Asęai Buku 31:3

Nago te we dabede gagali me isiąyu, tama nago bomo tigidali me tagalabuo. Magi baso meni, augwaligo te king dabe me dolomainu ebo dao.

Te Israel me Juda Hani Sigo Tuni Bidigo Po Elalubo Buku Deli 14:21

Rehoboam, aga te Solomongo ogwa, tama aga te Judago king bidi bidali. Te aga king bidi pedalobo sogo, te agai kibu be bidi sese si olama, te ugwadu deli wabode te aga king bidi pedelali. Tama aga te king sę edubadi yaide, agai kibu be nogo si olama, te sągągo a naga olama, me badu sągągo si, tama kibu be usu nama bidali, te 17 yia. Te aga te Jerusalemde bidali, te hanu te Genuai Bidi agai te Israel hani bulu tǫ tigidali pedai badu te tǫ tomode dąį ilai bulu dao, tama tialima, te tigidali Israel hani augwali tigidali te aga pageba pąba aselama, tama augwaligo agadolo lotu po omainogo dąį ilai bulu dao. Rehoboam aga ida, aga te Amon bulu hani bidi we da. Aga ida nogi Nama dao.

Te Israel me Juda Hani Sigo Tuni Bidigo Po Elalubo Buku Deli 14:31

Tama nosali te king bidi Rehoboam isai, tama augwaligo aga tigi te aga wąį nǫų Devitgo taun bulu te isali bidi pubalobo gų pageba augwaligo aga tigi pubaligi pai. Tama aga ogwa, nogi Abiya, agai te aga ayago yali sę agai selama, tama aga king bidi pedelali. Rehoboam aga ida, agai nogi e tama Nama da, tama aga page bulu te Amon bulu hani we dao.

Esra 9:1

Dago te sę tigidali ela silama da, teda dago te polalubo bidi dabe aselama, tama enabolo te tiwai po wagasalio, “Odao. Te pris dabe, me Livai dabe, me te dago we bidi tigidali te Godigo po odisąbo bidi hani bage digibulude me bidibeo. Menio. Augwaligo te Kenan dabe, me Hit dabe, me Peres, me Jebus, me Amon, me Moap dabe, me Isip dabe, me Amor dabe, te tama hani dabego ebo dwai kolesaga wali pobao,” wai.

Esra 9:2

“Da te Juda bidi dabego te hani bidi dabego wegi sobao, tama te da Godigo dolo mu sa muani tedali gasagi yai we bidi hani te Godigo bomai po odisąbo bidi hanigo kolesagaba palio. Te polalubo bidi dabe me, te ofisa dabego me, te tiwai e hasia bolo ebaso, tama te gasa we bidi dabego augwa me te dwai kolesaga ela palio,” augwaligo te po wai.