Te Israel me Juda Hani Sigo Tuni Bidigo Po Elalubo Buku Deli 10:9 - Godigo dwagi yai po buku

⁹ Eno te Genuai Bidi te nago God nogi ugwaba sobao. Agai bugai homu nageba ebaso, te nage Israel king pedalumainu ilali. Agai dage Israel te wei ebo homu umabo mu elama, tama agai te godolo eyu, wei ebo homu te me siligobeo. Tama tialima, agai nage te king pedalumainogo ilama, te nago te po tų odobo sę dolo mu naga eyu, tama te Israel dabe te wiegi yai doloba pai kolesagago tonalumainu yali dao,” te Seba kwin wego te po wai.

Te Israel me Juda Hani Sigo Tuni Bidigo Po Elalubo Buku Deli 10:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 72:2

Tama agai te nago we bidi dabe me, te dwai bidi dabe me, te doloba pai kolesagago tonaluaibao.

Te Israel me Juda Hani Sigo Tuni Bidigo Po Elalubo Buku Deli 5:7

Hiramgo Solomongo te po odolama, tama aga haliga te wiegi yai mu yai. Tama agai te tiwai po wai, “Megi dago te Genuai Bidigo nogi ugwaba sinao. Magi baso meni, agai te wiegi yai ogwa te Devitba manigo te aga hasegelimainu elama, tama te bomai bulu tǫ pedai tonalumainu yai. Devitgo te ogwago te kolesaga koneani wiegi yai homu kolesaga elaluai dao,” wali.

2 Samuel 8:15

Devitgo te Israel tǫ pedai tigidali badu tonalu, tama agai wiegi yai doloba pai kolesaga te tigidali we bidi dali yalio.

Aisaia 42:1

Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.

Tuni Bidi Dabego Po Elalubo Buku Si 2:11

Te king Hiramgo te Solomongo po polo odali. Tialima agai pas asęnama, Solomongo po wei ponoyu, e tiwai po wali, “Genuai Bidigo aga we bidi godolo mu yali. Tama tiyu, agai nage augwaligo king pedalomainu ilali dao.

Godigo Nogi Ugwaba Sabo Tęąbi Po Wabo Buku Dabe 22:8

Augwaligo te po weyu, “Nago konealubo homu te Godiba mubo da,” wabo. “Magi baso agai nage ma sabewe? Te Godigo nage wei homu eyu da, te magi baso agai nage tau sabewe?” Augwaligo te tobage po wabo dao.

Godigo Nogi Ugwaba Sabo Tęąbi Po Wabo Buku Dabe 18:19

Agai ena tonalubaso, tama eno te boi bidi dabe tagalali. Agai ena wei mu elama, tama agai ena ma sai dao.

Tuni Bidi Dabego Po Elalubo Buku Deli 17:22

Genuai Bidio, nago da Israel dabe te naga we bidi hani mu pedalumainu elama, tama da te tiwai sesemane sogo bidaibao. Te naga digi nage dago God pedelama bidibao,” wali.

2 Samuel 23:3

Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,

Aisaia 62:4

Tama te bidi dabego nageba te tiwai nogi ma nogisąyu, “Genuai Bidigo aga tagalai da,” me wagobeo. Te nago tǫ augwaligo te tiwai nogi me wagobeo, “Hobede ya, te tǫ dolama, olo elalubao,” wagobeo. Menio. Te augwaligo nage gesi nogi te tiwai waibao, “Eno wiegi yai homu pemene agaba ebo dao.” Te nago tǫ augwaligo te tiwai nogi yaibao, “We bidigo salio,” magi baso meni, Genuai Bidigo bugai haliga eyu, wiegi yai pemene umabo nageba ebao. Te nago tǫ bugagia ma elalu, te we tiwai, te bidigo aga ma sabo tiwai yaibao.

Aisaia 9:7

Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.

Bomai Po 7:8

Tiali goli, Genuai Bidigo dage godolo mu elama, tama agai dago wąį dali te dąų wali te po wali peyu te ebao. Te page delide tama agai genuai bomogo dage tau sali dao. Tama teyu, dage te Isip tuni bidigo olo sę ebo bidi dabe bidibadi, agai dage te Isip tuni bidigo nogode ma dobola sai dao.

2 Samuel 5:12

Devitgo te nai dabe te doado bage te agaba sabalubo te tiwai aga sulama, tama koneani, te Genuai Bidigo aga te king mu pedalumainu yai. Tama agai te tama koneani, te Genuai Bidigo te aga we bidi tau sabo homu yali homu yai, tama tiyu, Genuai Bidigo te Israel bulu tǫ pedai te bugagia mu pedalumainu ilibo sę yai dao.

Te Israel me Juda Hani Sigo Tuni Bidigo Po Elalubo Buku Deli 3:28

Nosali te king Solomongo te we sigo po dodolali kolesagade po te tigidali Israel we bidigo te po odolama, tama agai te koneani wiegi yai kolesagade te augwali dwai noma mu sai. Tama augwaligo agaba te genuai nogi mawai, magi baso meni, augwa koneani, te Godigo digi te wiegi yai koneani homu kolesaga te kingba menama, tama te kingo te we bidi dabego po tų bugagia dodolumainogo te homu kolesaga mani da, te homu yai.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Jeremaia 31:3

Genuai Bidi te digibulu buludu aselama, te ena, Jeremaiaba pedelama, te tama po wali, “Dage Israel, eno dage sesemane sogo godolo elama, te eno wiegi yai kolesaga dageba ebao, te dage ena pageba asomainogo tebo dao.

Malakai 1:2

Genuai Bidigo te tama po wali, “Te eno dage godolo mu eduali, tama megi me ebo dao,” wali. Tiali goli, te Israel dabe augwaligo e tama po wei ponani, “Nago da godolo ebo mena tama yaliwe?” Tialima Genuai Bidigo te po augwaliba wei ponani, “Odiąo. Polobadu Iso me Jekop te ama nami si dao. Te eno Jekop dali, dage te agai wąį nǫų dabe dali godolo homu yai dao.