Te Israel me Juda Hani Sigo Tuni Bidigo Po Elalubo Buku Deli 10:25 - Godigo dwagi yai po buku

²⁵ Te tigidali kibu bede te bidi dabe asiyu, tama tigidaligo te Solomonba wiegi yai homu eyu maiabo nai sesali. Augwaligo te bidi dabego te silvago me golgo nigai nai dabe sela asiyu, me augwaligo te wiegi yai ugwa dabe, me te hwįbo nai dabe sesali, tama te tobage pauda me te wiegi yai denami ebo nai, te hos dabe, me te donki dabe, te sela asiyu yai dao.

Te Israel me Juda Hani Sigo Tuni Bidigo Po Elalubo Buku Deli 10:25 Referans Kwoze

Matyu 2:11

Tama augwali te be tomoba pelama, tama augwaligo te wai aga ida Maria dali suai. Tama augwali tobolu basi gulama, tama kidu sugunama, te waiba lotu po wai. Tama augwaligo augwa wa dabe dalama, tama augwaligo te waibolo wiegi yai nai meba olo mawai, te kapa nogi gol me, te wiegi yai denami ebo pauda nai me, te tigide wiegi yai denami ilibo nai, te tama nai te wai olo mawai.

Esekiel 27:14

Tama nago mone sabo bisnis sę te taun Togarma dali yali. Nago nai doado bage augwaliba mayu, te nago te hos dabe, me donki dabe, me te boi hwįbo hos dabe dobu si eyu yai.

Aisaia 66:20

Tama te tǫ kantri we bidi dabego te duga deli hani dabe duga abagi te augwa bulu kantridu enaba te ofa tiwai elama, odasa asaibao. Augwa te augwali te hos dabede, me donki dabede, me kamel dabede, me karisde dugulasa asomainu ilaibao, te augwaligo augwali te eno bulu du Jerusalemba odasa asaibao. Augwaligo augwali enaba odasa asobo, te dage Israelgo te ofa yabo wit te wiegi yai pou dis te eno gedude wiegi yai yaide wit munama, te eno beba sela asobo tiwai yaibao.

Aisaia 36:16

Hesekiago po dagego odolama, te ena dali hwįabo homu me egio. Te tobage homu ebo tagalama, te hanu eno somainu buluba teda solama, tama da dali te poi pibo ilibo po minao. Tama tibaso da, teda dage bugagia bidiyu, te duga elalubo ulu węde wę tuyu, te ni wain du, me te ni kaya fik du, te duga gide digi tuyu bidaibao.

Godigo Nogi Ugwaba Sabo Tęąbi Po Wabo Buku Dabe 72:15

Eno homugo te king te sesabi gana elama, bidimainu yao. Te Arebia dabego agaba te gol momainao. Tama te we bidi dabego Godiba gedu haluasa po weyu, te Godigo aga sesemane tau somainu yao, tama Godigo agaba te wiegi yai sę agaba emainao po wai.

Godigo Nogi Ugwaba Sabo Tęąbi Po Wabo Buku Dabe 72:10

Te Spen king, me te tamu ąį tomo bulu ailan king dabego, teda augwaligo agaba te wiegi yai nai presen dabe mawaibao. Tama te Arebia king me, Itiopia kingo me, teda augwaligo agaba takis mawaibao.

Jopgo Po Asęani Elalubo Buku 42:11

Tama te bidi Jop aga ama, me aga abe dabe, me aga polobadu abagi dabego Jopgo beba aselama, agai beba nai tuagasalio. Augwaligo agabolo pedelali sę dabe homu kone palama, tama augwaligo aga hobedeo po olama, agai tabi tigi dąų walalio. Tama tigidali augwali deli deligo aga silva mone ge me deli dali, te golgo nigali nogode mubo ring dali, manio.

Esta 8:14

Gavman tuni bidi kingo te po obaso, tama te po sela pabo bidi dabe augwali te hosde dualama, tama polo udada palio. Tama me augwa te polalubo moni genuai hanu Susade bidibo tigidali we bidibolo me augwaligo te po pusai dao.

Esta 8:10

Mordekaigo augwalibolo te tuni bidi king Serksisgo nogide te pas asęao po wali, tama tuni bidigo dąį te paside muai. Te pas dabe selasa pabo bidi dabe augwali dualasa pabo wiegi yai polo pabo hos dabe augwali te tuni bidigo obo tomode sali, tama augwaligo te pas dabe te tigidali buluba selasa pai.

Esra 2:66

Tama te hosgo namba 736, tama te kamel dabego namba 435, te donki dabe namba 6,720, tama te hosgo hapkas me donki te namba 245 dao.

Tuni Bidi Dabego Po Elalubo Buku Si 26:8

Aga bomai king mu pedelali, tama te we bidi te kantri dabe te elalua pabo dabe me pelama, Isipba saboligi pali bagego agai genuai nogi po odali. Tama te Amon dabego agabolo takis mone mayu yali, te agabolo te augwali aga dologode bidiba weyu, te ola mayu te takis mani.

Tuni Bidi Dabego Po Elalubo Buku Si 9:24

Tigidali kibu bede augwali asiyu, augwaligo Solomon olo maiabo presen dali sesiyu asobo dao. Augwaligo wiegi yai nai dabe bidi dabego golgo me silvago geselai wiegi yai nai dabe sesiyu, me wiegi yai ugwa dabe, me ene dabe tama sesiyu yali, tama me wiegi yai denami ebo pauda me hos me donki me sesiyu yali.

Te Israel me Juda Hani Sigo Tuni Bidigo Po Elalubo Buku Si 17:4

Tiali goli, kibu be me delide te king Hosiago te meba bidi dabe te Isip king bidi So pageba tagala palali, tama te king Sogo aga tau somainu hanalu wali. Tama te kibu bede te king Hosiago te takis sabo mone te king Salmaneser pageba me mabe, tama te tigidali kibu be yali tiwai me ebe. Te Asiria king bidi Salmanesergo te Israel hanigo king bidi Hosiago dąų wali po togobo page te agai polo kegelama, polo haninani, tama tibaso, agai te me badu ami soldia bidi dabe tagala palali, tama augwaligo te king Hosia tulama, tama aga kalabus beba muainu yai.

Te Israel me Juda Hani Sigo Tuni Bidigo Po Elalubo Buku Deli 18:5

Obadia te Ahap pageba asobaso, te Ahapgo agabolo te tama po wali, “Da si te tigidali tǫ kantri dabeba pelama, te ulu ąį, me dwasianu ąį dabe polobadu elaluali madi susa bilaibao. Te pedai badu te nosai dabe elalubo suina homu ebao, te hos dabe me, donki dabego me tumainu homu ebao. Te nosai elalubaso da, teda dago te hos dabe me donki dabe eligobeo,” te po wali.

Te Israel me Juda Hani Sigo Tuni Bidigo Po Elalubo Buku Deli 10:10

Tialima, te Seba kwingo te gol hauwa te Solomonba mani, tama te golgo sęgęgo te 4 ton aiyaba elaluali. Tama kwingo te tobage nai pauda dabe te wiegi yai denami ebo nai me, te gasa wiegi yai masigi dabe me mani. Te pauda dabe te hauwa mu tamao. Tama nosali te sogo te tobage denami ebo pauda hauwa te Israel bulu tǫ tomoba me asobeo.

Te Israel me Juda Hani Sigo Tuni Bidigo Po Elalubo Buku Deli 1:33

teda te kingo te tama po augwaliba wali, “Dagego te Solomon te eno donkiba duagulao po walama, tama dage dali, te ena tonalubo ami bidi dabe daligo, aga te wę Gihonba selasa piąo,” po wai.

2 Samuel 8:10

Tama tialima, Toigo aga ogwa tagala palali, Joram, te king Devitba pelama, te wiegi yai homu iliyu, siade da po wagi peyu, tama Devitgo te Hadateser aiyaba elaluali te wiegi yai homu pemene ilibo po wagi pomainogo tagala palai. Te Devitgo te Hadateser aiyaba elalualide te king Toi aga wiegi yai homu pemene yai, magi baso meni, te hauwa sogo Hadatesergo te Toi dali boi bidi iduali. Tialima, Joram te Devitba aselama, tama agaba te wiegi yai homu ilibo nai dabe magasali, te augwa te silvago, me golgo, me brasgo nigai dao.

2 Samuel 8:2

Tama nosali Devit dali, te aga ami bidi dabe dali pelama, te Moap dabe dali boi hwįgi pelama, tama augwali aiyaba elaluali. Tama agai te Moap dabe te wasilama, te tǫde pimainu ilali. Tama agai te bono baklain me deli selama, tama augwali usu sali. Te bidi dabe te polaluali dąį elalubode bidali me, te si wali dąį ilalide bidali bidi dabebolo, agai te augwali isimaina po wai. Tiali goli te sela wali dąį ilalide bidali bidi dabe, agai te augwali sula tagalalu bidimainu yali. Tama agai te tiwai sę ela pidubadi, te wasilali hani siligi paboba usu nigi pali. Tama te ela musiąwai Moap dabe aga dologode bidiyu, tama agaba te takis mawai.

1 Samuel 10:27

Tiali goli, te hagoma ebo bidi mebago te po wai, “Magi elama tama, te bidigo da tau saibawe?” Tama augwaligo te Sol hagela homu mu elama, tama augwaligo te wiegi yai nai me deli agaba me ma mabeo. Tiali goli, Solgo te po me deli augwaliba me wabeo.

Te Israel Tobolu Bidi Dabe 3:15

Tialima, te Israel dabe augwaligo Genuai Bidiba gela obaso, tama agai bidi me deli augwali te boi bidigo nogode bidibo tagalumainu sa muani. Te bidi aga nogi te Ehut, aga te pobase nogo yai bidi, tama te Benjamingo hanide te Gerago ogwa dao. Tama te Israel dabego te gavman tuni bidi Eklon te wiegi yai homu ilibo nai tolali, te Moap gavman bidi bidai, tama te nai te Ehutgo sela pali.

Tigidali Nai Gagalama Nigali Side 36:24

Te Sibeongo ogwa dabe, te augwali e dao, Aia me Ana. Te bidi Anago te talua ge wę pedalubo te bidi meni yai madi pedalubo te aga aya Sibeongo kibu donki tonaluali sogo gegai dao.

Godigo Nogi Ugwaba Sabo Tęąbi Po Wabo Buku Dabe 68:29

Te king dabe nageba te wiegi yai olo maiyabo nai presen dabe seselama, tama nageba menama, te nago moni lotu be tempel te Jerusalemba mawai dao.

Te Israel me Juda Hani Sigo Tuni Bidigo Po Elalubo Buku Deli 5:1

Polobadu Hiram te Tair hanu king bidigo te Devit dali wiegi yai abagi olama bidai. Tama Hiramgo odali, te Solomongo te Devit hasegelama, tama te king pedelali po odobaso, agai te tobolu bidi mebago te Solomon sugi pomainogo tagala palai dao.