Te Israel me Juda Hani Sigo Tuni Bidigo Po Elalubo Buku Deli 10:2 - Godigo dwagi yai po buku

² Kwin te Jerusalemba asali, te aga sę bidi hauwa dali, te genuai hani kamel dali me asali. Te kamel dabego te gol hauwa mu me, te tobage pauda me, te wiegi yai denami ebo nai dabe me, te gasa sawi yai masigi dabe, te nai dabe sesali. Te kwin we sabolagaselama da, teda agai te hanaluabo homu yali po tigidali te Solomonba hanalu walio.

Te Israel me Juda Hani Sigo Tuni Bidigo Po Elalubo Buku Deli 10:2 Referans Kwoze

Godigo Sęba Tagala Palai Bidigo Po 25:23

Te do kigamu te ami tobolu bidi dabe me, te Sisariade bidibo genuai nogi yai bidi dabe me, te gavmanigo po mibo be tomoba pali. Tama Agripa dali, Bernaisi dali si te be tomoba pabo si, te bede au yai madigi pelama, augwaligo augwali si bugai homu ilali, nogi ugwaba sali. Tama aselama, Festus agai ami bidi dabe me badu tagala palali, augwaligo Pol odasa aselama, te bidi dabe tomoba asomainu.

Dwagi Yai Gesi Po Lukgo Asęani 24:15

Te bidi si te po ola peyu, augwa hasi hanalua peyu, pai. Tama Jisas aga digi te bidi si pąde pedelama, augwali hodobo pai.

Godigo Nogi Ugwaba Sabo Tęąbi Po Wabo Buku Dabe 4:4

Dage te Godide wi elama, tama te dwai sę ebo kolesaga tagaliąo. Te dage betde godege pibo sogo, dagego tede bugagia kone paliyu, tama pedauwali pania siąo.

Jopgo Po Asęani Elalubo Buku 4:2

“Jop, eno po dwasianu nage dali waibao. Ma, tama eno tama tiyu da, teda nago ena dali wado yaibawe, ma meniwe? Tiali goli, tagala, eno penane panialugobeo.

Te Israel me Juda Hani Sigo Tuni Bidigo Po Elalubo Buku Si 20:13

Tama te king Hesekiago te bidi dabego wali po odama silibo si, tama agai te bidi dabe te agai te moni bakstuaba te agai augwali odasa pelama, tama agai te tigidali mone me, tama me te gasa nai dabe me, te nai dabe me tigidali te bidi dabebolo agai augwalibolo wasilali. Tama te augwaligo te agai te mone mubo bede muani te tigidali silva me, me te gol me, te nai dabe tigidali augwaligo sula silali, tama te dwagi yai denami ebo pauda me, tama me te dwagi yai denami ebo sanda wel me, tama me te boi hwįbo nai dabe tigidali me, tama me te agai te bakstuade muani te gasa nai dabe tigidali augwaligo suali. Te king Hesekia agai te nai me deli me dualobe. Mu meni. Tama agai te kingo be obo tomode elalubo nai me, tama me te Jerusalem bulude elalubo nai dabe tigidali te agai augwalibolo ola mena silali.

Te Israel me Juda Hani Sigo Tuni Bidigo Po Elalubo Buku Si 5:9

Awe, kingo Namanbolo te po wai, tama Naman aga te kibu hosgo kegebo karis nai Naman aga tede dugulasa pali. Te me badu karis me te bidi aubo hos kibu me aga dali augwali hodobo pali. Tama augwali hodobo tama pelama, te Elisago be tųba sabaligi pali.

Te Israel me Juda Hani Sigo Tuni Bidigo Po Elalubo Buku Si 5:5

Awe, kingo agabolo e tiwai po tama ola mani, “Eno pas me deli asęnama, te Israel bidigo king bidiba tolaibao. Te pas eno nagebolo menama, tama nago sela pelama, agabolo magi pagameo,” wali. Tama kingo pas asęnama, te Namanbolo mawai, tama Namango te 300,000 silva mone sobadi, tama me te gol te sęgę bidi sese sela 60 kilogram gol sobadi, me te nogo si dwagi yai au ebo bulubo ugwa sobadi elama, tama aga hodaluama, te Samaria buluba pai.

Te Israel me Juda Hani Sigo Tuni Bidigo Po Elalubo Buku Deli 10:10

Tialima, te Seba kwingo te gol hauwa te Solomonba mani, tama te golgo sęgęgo te 4 ton aiyaba elaluali. Tama kwingo te tobage nai pauda dabe te wiegi yai denami ebo nai me, te gasa wiegi yai masigi dabe me mani. Te pauda dabe te hauwa mu tamao. Tama nosali te sogo te tobage denami ebo pauda hauwa te Israel bulu tǫ tomoba me asobeo.

Ma Dobola Sali 25:6

Tama te lam sole udulabo oliv ni du wel me, te wel dali begelabo pauda me, te eno nai dabe dąį ilabo nai, tama te pauda wiegi yai denami elalubo te hano dali yabo nai me sao.

Tigidali Nai Gagalama Nigali Side 18:33

Yawego te Abraham dali po ola silama, tama aga palio. Tama Abraham aga beba ma geasa pai.

Te Israel me Juda Hani Sigo Tuni Bidigo Po Elalubo Buku Deli 10:3

Tama Solomongo agai te hanalu wali po tigidali dolo mu wei ponani. Te hanalu wali po me deli te Solomongo me konesiąwai ebeo. Mu menio.

Aisaia 30:6

Genuai Bidigo te po te bulu hasa dabe te nai meni yai kemi sane bulu, te saut badu bulu nogi Negeb, tebolo te po wali. Genuai Bidigo te tama po wali, “Te Juda dabego genuai bidi dabe te olo kemi sane yai saut badu bulu badu bilali. Te da te dwai pesage badu mu, te bidi dabe te genuai sęgę sabo pesage mu. Te pesagede te laion dabe, me bidi gąǫ kelebo dwai gula mane, me bola bilibo gula mane, me gasa bulu hasa dabe me, te bulu badu bidibo. Tiali goli, te genuai bidi dabego te wiegi yai homua pai nai dabe te augwa kibu kamel daide munama, me donki kibu daide munama, tama bomai sę mu elama, te wiegi yai nai te gasa bulu te augwali tau sabo usu isąyabo buluba sela pali dao.

Esekiel 27:22

Te bulu Sebade bisnis sę ebo bidi dabe me, te taun bulu Rama bidi dabego me, te gol me, te wiegi yai denami ebo tobage nai nogi pauda me, te wiegi yai sawi yai masigi dabe me sesali, te nage dali dobu si eyu, nago mabo nai dabe sabo eyu, tama sę yai dao.

Godigo Nogi Ugwaba Sabo Tęąbi Po Wabo Buku Dabe 72:10

Te Spen king, me te tamu ąį tomo bulu ailan king dabego, teda augwaligo agaba te wiegi yai nai presen dabe mawaibao. Tama te Arebia king me, Itiopia kingo me, teda augwaligo agaba takis mawaibao.