Te Israel me Juda Hani Sigo Tuni Bidigo Po Elalubo Buku Deli 1:5 - Godigo dwagi yai po buku

^5-6 Adoniya aga te Devit de Hagit dali sigo ogwa da. Te Hagitgo aga ame nani, te Apsalomgo idago te Apsalom bolo ame nai madi te nosali aga ame nani. Adoniya te gasa sawi yai gesabidi yai bidi mu da. Te aga ogwa bidi bidali sogode gagalasa, te megi sogoba usu nagasu, te aga ayago aga dali wado po weyu, ma te aga dodoliyu me ebeo. Tialima megi da, aga te king pedelabo homu elama, bomo yali. Tama agai te karis meba me, hos me, te karisdu polasa pabo bidi te bidi sese si olama, nogo si bidi, te 50 bidi me te sogo te aga gasaba painu te tama bidi selama pai.

Te Israel me Juda Hani Sigo Tuni Bidigo Po Elalubo Buku Deli 1:5 Referans Kwoze

2 Samuel 15:1

Tiali goli nosali, Apsalomgo te wiegi yai karis me deli me, te hos meba me selama, tama te aga meba me painogo ebo sogo, aga te karisde dualasa peyu, te polasa pabo bidi te bidi sese si olama, nogo si, te 50 bidi me salio.

2 Samuel 3:4

Te me si me si wabo ogwa te Adoniya. Te Adoniyago ida te Hagit. Te a naga wali ogwa te Sefatia. Te Sefatiago ida te Abital. Te nogo kibisa ogwa te Itream dao.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

Dwagi Yai Gesi Po Lukgo Asęani 14:11

Niwai bidi aga nogi ugwaba sobaso da, teda Godigo te bidi nogi aiyaba elaluaibao. Ma, aga nogi ugwaba sisąma bidali bidi, Godigo te bidigo nogi ugwa saibao,” Jisasgo te po wali.

Aisaia 2:7

Te Israel dabego tǫ te silva, me gol, me hos, me karis dabego mu pągąna pali. Tama bidigo nedebo usu egobeo.

Bugagia Bidibo Kolesagade Po Asęai Buku 18:12

Te bidigo hagoma eyu, te aga digi aga nogi ugwaba sobaso da, teda te nosali aga dolaibao. Te hasia bolo naga digi naga aiyaba elalusiąbaso da, teda nago te genuai nogi me sogobeo.

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

Tuni Bidi Dabego Po Elalubo Buku Deli 29:1

Tialima king Devitgo tigidali we bidiba te tiwai po wai, “Godigo eno ogwa Solomon dąį ilali, tiali goli aga gesi ogwa bidi mu elalubaso, te sę yabo kolesaga hauwa kuna konebeo. Te Genuai Bidi Godigo be sę ebo sę, te bidi dabe dago be sę eyu dua ebo tiwai sę gilama me egobeo. Menio, te genuai sę mu dao.

Tuni Bidi Dabego Po Elalubo Buku Deli 28:5

Tama agai enabolo ogwa hauwa mani, tama te ogwa dabe augwali tomode agai te Solomon dąį ilama, te Israel we bidi tonalumainu yali, te Genuai Bidigo tǫ kantri dao.

Te Israel me Juda Hani Sigo Tuni Bidigo Po Elalubo Buku Deli 2:24

Magi baso meni, Genuai Bidigo digi ena tau sobaso, tama ena dąų walama, tama eno te ena aya Devitgo sę yali pesage selama, tama ena te king bidibao, te polobadu Genuai Bidigo te enaba me te eno haniba te tiwai bomai po dąų walali. Tama te Sesemane Sogo Bidibo Genuai Bidi nogide, te mu tama, megi tama te Adoniya te isaiba,” walio.

Te Israel me Juda Hani Sigo Tuni Bidigo Po Elalubo Buku Deli 1:11

Tialima, profet Natan te Solomongo ida, te Batseba, bidibo madiba pelama, tama agabolo te tama po wai, “Adoniya, te Hagitgo ogwa, te aga digi te king pedelainu ebao, tama king Devitgo te sę ebo me konebeo. Nago te tebo sę ebo po odaliwe, ma meniwe?

Ma Dobola Sali 9:17

Tiali goli, nago eno we bidi dali te boi bidi homu eyu, tama nago augwali tagala palobeo.

Tuni Bidi Dabego Po Elalubo Buku Deli 3:2

Sela wali ogwa Apsalom. Aga ida, te Maka, te Talmaigo wegi da, te Gesur king bidi da. Te ene nanobo me si me si wabo ogwa nogi Adoniya. Aga ida da, te Hagit dao.

Te Israel Tobolu Bidi Dabe 9:2

te tiwai po te Sekem we bidibolo hanalu omainu wali, “Dagego homude te mena nai usu yaiba homu ebo dawe? Dagego homugo te Jerubalgo ogwa dabe te 70 bidi tigidali te dagego tobolu bidi bidimainu homu ebo dawe, ma dagego homugo te bidi deli naga te tobolu bidi bidimainao homu ebawe? Tama ena me homu kone palao, ena te dage dali deli kanemego nigai mu dao.” Abimelekgo te po wai.

Te Israel me Juda Hani Sigo Tuni Bidigo Po Elalubo Buku Deli 1:4

Abisak aga te gasa sawi yai wegi mu dao. Tama agai te king bugagia tonalu, tama aga tau sali, tiali goli kingo te aga dali gagali me ebeo.

Te Israel me Juda Hani Sigo Tuni Bidigo Po Elalubo Buku Deli 2:15

Tama Adoniyago te po wali, “Nago koneani, te hasia bolo te Israel bidi tigidaligo te ena king pedelaiba homu yai. Tama ena te king pedaligi digi, te Genuai Bidigo homugo digi te eno ama king pedalumainu elama, tama ena meni yanio.

Te Israel me Juda Hani Sigo Tuni Bidigo Po Elalubo Buku Deli 2:13

Me sogo deli Adoniya, te Hagitgo ogwa, aselama, te Batseba suagasali, te Solomongo ida dao. Tama Batsebago agaba hanalu wali, “Nago te wiegi yai po me wagasiyu asai dawe?” Tama Adoniyago po wei ponoyu, te tiwai po wai, “Awe, te dolo dao.”