Te Israel me Juda Hani Sigo Tuni Bidigo Po Elalubo Buku Deli 1:31 - Godigo dwagi yai po buku

³¹ Batsebago te po odobo si da, teda te aga kidu sugunama, tama tobolu basi gulama, tama Devitba te tama po wai, “King, nage eno genuai bidi, tama eno homugo nage sesemane sogo nage bugagia bidimainu homu ebao,” te po wai.

Te Israel me Juda Hani Sigo Tuni Bidigo Po Elalubo Buku Deli 1:31 Referans Kwoze

Daniel 5:10

Te king dali, aga genuai bidi dabe daligo posolu wali. Te kingo idago te posolu wabo odama, tama aga te nai tubo be habu tomoba pali. Tama agai te po wali, “King, nage te sesemane sogo bugagia bidagameo. Te sę ebogo te nage homu poma peyu, tama nago gesabidi tedela eyu, nago haliga te dwai me emainu iligio.

Daniel 3:9

Augwaligo kingba te tiwai po walio, “Genuai bidi, nage sesemane sogo bugagia bidagameo.

Daniel 2:4

Tama augwaligo te kingba po wei ponoyu, te Aram pogo begelama, te tiwai po wai, “King o, eno homugo nage te sesemane sogo sesabi elama, bugagia bidagameo. Te nago dabolo te nago nade suali nai po bolo pusao,” wali, “tama dago te na page nageba pusa mawaibao,” te po wai dao.

Hibru 12:9

Dagego te me koneao. Te dena e tǫde aya augwaligo da dodoloyu yai, tama dago augwali nogi ugwaba sai. Teda dago dagalude bidibo Aya dologoba mu pelama, tama dago te bidibo ula mu sao.

Matyu 21:37

Tama nosali agai aga ogwa mu te augwalibolo tagala palai. Ayago e tiwai po wai, ‘Te augwaligo eno ogwago po mu odaibao,’ te homu yai.

Daniel 6:21

Tama Daniel te tǫ dedage tomode bidiyu, tama te tiwai po wei ponani, “King, eno homugo nage sesemane sogo sesabi elama bidao.

Daniel 6:6

Tama augwaligo te king sugi pelama, agabolo te po wali, “King Darius, nage bugagia sesemane sogo bidagameo,” wali.

Esta 3:2

Tama king bidigo te tigidali kiap bidibolo po olama, te Hamanba kidu sugunama, tama genuai nogi agaba mao po wai. Tigidaligo te kingo wali po gilama yali, tiali goli Mordekai deligo te tiwai sę me isiąwai. Mordekaigo te Hamanba kidu sugunubo te hagela mu yalio.

Nehemia 2:3

tama eno te tiwai po kingba wali, “King o, nage te bugagia sesabi elama bidagameo. Awe, ena haliga sęgę mu ebao, magi baso meni, te augwaligo eno wąį nǫų dabe pubulali madi te hanu taun te dolali elalubao, tama siago te bobegelali masigi obode te nigo nigali sunumi me ulali elalubo dao.” Eno te po wai.

Te Israel me Juda Hani Sigo Tuni Bidigo Po Elalubo Buku Deli 1:25

Magi baso meni, megi te sogode naga Adoniya te me badu me pelama, tama te bulmakau hauwa me, sipsip me, te nisali bulmakau wai dabe me, te hauwa elama, tama agai te Godiba ofa igi palio. Tama agai te nago ogwa dabeba hanaluyu, tama te ami ofisa dabeba me, te pris Abiatarba me hanalu elama, te aga dali nai tuagasao po wai. Tama megi da, augwali te nai me wę me tubo sę eyu, tama te Adoniyaba i weyu, wiegi yai homu pemene ebo po te tama waibao, ‘Adoniya te bobage sogo king bidimainu yao,’ po obao,” wali.

2 Samuel 9:6

Te bidi aga nogi te Mefiboset dao. Aga te Jonatango ogwa, tama te king Solgo ogwago wai, te aga nǫų wąį dao. Te aga sabalubo sogode, teda aga kidu sugunugulama, tama aga gesabidi tǫba pogulama, te Devitgo nogi ugwaba siyu tama tiali. Tama Devitgo agabolo te tama po wali, “Mefiboset, siade dao.” Tama Mefibosetgo te tama po wali, “King o, ena naga sę bidi naga dao.”

Efesus 5:33

Tiali digi agai dage deli deli bidi dali me te po wali, “Nago naga tigi dali dwagi yai homu eyu godolo mu ebogia, nago naga we dali dwagi yai homu eyu, godolo mu yao.” Me ma, we dabe dagego duga bidigo nogi ugwaba selama augwali dologode bidao.

1 Samuel 24:8

Tialima, Devit te Sol pali tudi badu nosali aga te ola bedu buluba dia solama, tama Devitgo agaba i weyu, te tiwai po wali, “King Sol, eno genuai bidi dao!” Solgo te i wabo odama begelali, tama Devit kidu sugunama, tama tobolu tǫba pogulali, te Solba genuai nogi mayu tiali.

1 Samuel 20:41

Te ogwa pai madi, teda Devit hogodama, tama te masigi tudi badu geme dualaluali taga soyu asama, tama Jonatan pąba kidu sugunagaselama, tama aga tobolu tǫba sela sogo basi gulali. Tama aga dolugulama, tama augwa si nono nenama, tama gela wai. Tama Devitgo homu dene eyu, hobede ebo homugo te Jonatango homu dene eyu hobede ebo homu te aiyaba elalualio.