Te Israel me Juda Hani Sigo Tuni Bidigo Po Elalubo Buku Deli 1:29 - Godigo dwagi yai po buku29 Tama kingo agabolo te tama po wali, “Te Sesemane Sogo Bidibo Genuai Bidigo, agai ena tau selama, tama ena te tobage tigidali sęgęde ma dobola sai dao. Gade chapit la |
Te Israel me Juda Hani Sigo Tuni Bidigo Po Elalubo Buku Deli 1:29
19 Referans Kwoze
tama Gehasi, Elisago sę bidi, aga digi e tiwai po aga homude tama wali, ‘Eno genuai bidigo te Naman olo pabo sula tagalali. Magi baso agai Namango te Naman aga homugo te aga dolo mawainu yali nai sabewe? Genuai Bidi God aga te tigidali sogo bidada pabo dao. Te mu po dao. Tama te tiwai gilama, eno mu po tama obao, tama ena Naman aga pali wali ma udada pelama, tama me badu agai te nai eno saio,’ Gehasigo te homu yai.
Tialima, Elisago te po wei ponoyu, te po wali, “Menio. Ena te tigidali sogo bidada pabo Genuai Bidi Godigo sę ebo bidi dao. Tama agai nogide, eno mu po obao, eno nago magi nai me deli munu me deli sogobeo,” wali. Naman agai bomo mu eyu, “Elisa nago eno nagebolo puba hwi wabo nai nago sao,” wali. Tiali goli, Elisa agai hagela ebo, tama agai sogobeo.
Tialima te wai aga idago tama suali ma, Elisa aga dali pabo homu meni baso, tama agai Elisabolo e tiwai po tama wali, “Genuai Bidi te bidada peyu, bidada pabo dao. Te mu po naga dao. Tama te tiwai gilama, eno mu po tama obao, eno nage taga pogobeo.” Tama tialima, Elisa hodama, te we dali te Sunem hanuba pali.
Te Sesemane Sogo Bidibo Godigo nogide, eno mu po tama obao, kingo nage ma suabo homu godolo ebao. Tama agai nage te tigidali tǫ kantride gegebo sę idubao. Te tǫ kantri pedai me deli tonalubo tuni bidi me deligo te po weyu, nage te agai tǫ kantride bidisiąbaso da, teda Ahapgo te tǫ kantri pedai tonalubo bidibolo po bomonama weyu, mu po ugwaba obao po weyu, te nage ede bidibeo po weyu, te po wabo dao.
Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.
Magi baso meni, Genuai Bidigo digi ena tau sobaso, tama ena dąų walama, tama eno te ena aya Devitgo sę yali pesage selama, tama ena te king bidibao, te polobadu Genuai Bidigo te enaba me te eno haniba te tiwai bomai po dąų walali. Tama te Sesemane Sogo Bidibo Genuai Bidi nogide, te mu tama, megi tama te Adoniya te isaiba,” walio.
Tama eno ena sę bidibolo weyu, te eno ene te gegegi pao po waibao. Tama eno agabolo weyu, te edanu ma asao po waibao, magi baso meni, te ene eda badu munalubaso waibao, teda Devit, nage enaba asao. Te Genuai Bidigo nogide eno mu po obao, te nago eno tama po wabo odobaso da, te nago koneama te nage bugagia bidimainu eyu, tama te magi nai me deligo nage me dologobeo.
Tiali goli, te we bidi dabego te po Solbolo wai, “Odiąo. Jonatango da Israel dabe tau selama, tama agai te genuai wąbi hwįagasali bage te augwali aiyaba elaluai. Te aga elimainu obawe? Mu menio! Dago te sesemane sogo bidada pabo Genuai Bidigo nogide mu po obao, nago dwai sę me deli agaba munu me elamuo. Magi baso meni, Godigo e sogo side aga tau selama, tama agai te sę yai,” wali. Tama tibaso, te we bidigo te Jonatan ma dobola sali, tama Solgo aga me ela mubeo.
Genuai Bidi te sesemane sogo bidada pidu, tama da Israel dabe tau sabo, tama aga nogide eno te tiwai bomai po dąų wali, te dwai sę yali bidi aga isimainao, te mena bidi yaibaso me te tagalao, te isimainu yaibao. Tama te dwai sę Jonatango me yaibaso da, te eno wai tama digi tagalao, aga te isimainu yaibao.” Solgo te po wai. Tiali goli, te niwai bidi me deligo te po wei me ponobeo, mu menio.
Te mobo bidi enselgo tigide pedelali God, te agai ena tonaluyu, tama ena me dolobe, eno homugo aga digi mobo te augwali si momainao. Te eno homugo te eno nogi me, te eno wąį Abrahamgo nogi me, te eno aya Aisakgo nogi me, te augwali sigo hanide elaluaibao. Te augwali sigo wai hauwa mu ame nenama, tama genuai hani bage pedelaibao. Godigo augwali side tama timainao,” wali.
Piblisite